James 1:15 - Hawa Naga Bible 2001

¹⁵ Piq thuinroc lvmx kuex wvgvnz yaungx wvnc ruiux yuq mvrax kuex jawx gay tueq; kvruex mvrax kuex yungx luz wvnc vtueq vthueyc kuex jawx gay tueq.

ASII LAKDAP Bible (BSI)

¹⁵ Apaiq raq abi sükha rümtlaq kriiraq asewok she miho kiimaq ngarai se she michii. Raüta ngarai tsi ka aman she miraq. Raüta kra se ka atsai she mirhum.

Muklom

¹⁵ Anaan ngikjuk sha khong eq ngarey sha chang aa etho ngarey sha chan ajo utik sha chang aa.

James 1:15 Referencias Cruzadas

RAPHA HIQWA LAK 2:17

yuq muinz vhvlx nuiyc vbac tv-phvlc tuiuz thenc juing pulx jungx httax yaq. Kvruex jungx wawc vthuey kuex mnoz rueq phuiuz svy mvy muq; mkhoc shoc maq phauk saq gay ruiux kuex kvruex raungnuiyq mnoz vthueyc juing rvtueq,” ngoz tueq jungx tueq.

RAPHA HIQWA LAK 3:6

Yalxjuik nyuiuz rueq pulx jungx svp hvlc kvruex muinz, vthuey vsvy roc juing kvruex muinz khiz tueq, kvmaq taksux tharc httax ruiux yuq vwangc juing rvtuex lvmz kuex tvmaung lvp tueq. Kvkhoc rvtueq piq rueq pulx thuey wvyvmc kuex puinz vtueq saq tueq. Kvruex yimaq vtaungx waz muex muinz vthuey wvyvmc kuq koq tueq, piq rueq muinz saq tueq.

2 SAMUEL 11:4

Dawid rueq kvruex nyuiuz kuex tvshvlc kay miq tvkaz tueq; tsuinghez rueq muinz piq kox nuex shvlx wvnc koq tueq, kvruex nyuiuz rulc vdvmz woalc naungx tueq. (Batsheba kuex yalxjuik htungx khvy bac svmc thauk kay nyalx dvyx rvtueq.) Kvruex yimaq vyuimx nuex yek waung tueq.

YOBA 15:35

Kvruex hez kuex kuilc daz jamjaux kvmungx vtueq layx bac yauk shuimc jix hez rvtueq; tsuingshiq thuinz vmungx nuex vrot vkaq kvjaz htenc dvyx mkaq muinz mvrc yaq.

Tvtsvmc 7:14

Layx bac jix htenc rueq vbac phvnx kuex mkhoc lac tvmaung yaq nguinx lawc shuinz; tsuingshiq rueq kuilc daz lvmz kvmungx vtueq vlauc vlawc lvmz kuex shuimx wuez yaq.

Tvtsvmc 9:17

Tishox muex tvdux gay jix nuiyc layx bac jix lotlaz tvsuip kuex, vthueyc juing lvmx rvtueq.

TAKSU LAK 11:19

Vlvmx yauk shuimc tvkoc thuinz httaz jix waz kuex rullungx tvraungx httax tuex, yuq muinz vyaq yauk shuimc shuimc jix waz kuex vthueyc rvwvnc tuex.

ISAIA 33:11

Nuimshiq rueq khuec guez yauk shuimc kuex kvmungx vshuinx, nuimshiq rueq shuimx vshuinx phvnx ruip saz kuex khuec guez dvyx. Ngvy siyac kuex nuimshiq tvbac gay yaq wvr ikhoc rvtueq.

ISAIA 59:4

Nuimshiq kuex tvrac rungx nuex kaz ruiux muinz, nuimshiq kox nuex tvrac vrungx vraz lvmz vguez. Miqmac rueq taungx laz juing rot kaq kvjaz htenc nuex rvwak vtuinx. Mnoz rueq miq vganc jix waz kuex tvthuiuz sac tvkoc mnoz rueq kvmungx vshuiux.

Matthew 26:14

Kvruex kaq sangac waz rokshiz rac wanueyc wawc washiz rvtueq, Yuda Iskarut kuex shomc walaungx bix kox nuex kaz vtueq,

Matthew 5:28

Yuq muinz ngaz rueq nuimshiq muex jungx kuq ix, vroc thuinz maq yalxjuik nyuiuz shishiz kuex lawc ruiux yuq miqmac thuinz vmungx maq kvruex yalxjuik nyuiuz kvrulc yaq gay rvtueq.

James 1:14

Yuq muinz miqsaz laulawc rvhumc yaq ngoz yaq kuex miqmac honc vbac thuinroc lvmx nuex shvlx wvnc vtueq lvp gay rvhumc tueq ngoc rvtueq.

James 1:18

Vpiq rueq tvdung sung taq tueq lotlaz htauk nuex naungshiq kuex vphaungc baung lvp jix yaungc tvkoc vpiq thuinroc rulc rv-ngvlc tsuingrux bomjungc maq vpiq rueq naungshiq kuex tvdung sung taq phuex.