James 1:15 - ASII LAKDAP Bible (BSI)

¹⁵ Apaiq raq abi sükha rümtlaq kriiraq asewok she miho kiimaq ngarai se she michii. Raüta ngarai tsi ka aman she miraq. Raüta kra se ka atsai she mirhum.

Hawa Naga Bible 2001

¹⁵ Piq thuinroc lvmx kuex wvgvnz yaungx wvnc ruiux yuq mvrax kuex jawx gay tueq; kvruex mvrax kuex yungx luz wvnc vtueq vthueyc kuex jawx gay tueq.

Muklom

¹⁵ Anaan ngikjuk sha khong eq ngarey sha chang aa etho ngarey sha chan ajo utik sha chang aa.

James 1:15 Referencias Cruzadas

RAPHA HIQWA LAK 2:17

Shatmaq ahea abi sap chang phaqchi pechong tsi kriili pansea maimak. Ümniiraq kra chongtsi ka sea maimak dongdii. Ümniiraq kriila pansiq haüla, kra ranaiq li ümniika mitsai haü.”

RAPHA HIQWA LAK 3:6

Kiimaq jechak nyung raq pechong ka kai tsomhea chhito kiimaq atsi ka asea ma kai aheawiq miraq nguta liito. Kiimaq apaiq raq phaqchi maiqse ma jawan ka kai pinthum ahea miraq ngutaq atsan mong na shiweato. Krai mren apaiq raq petsi wiijam ka pan raüta siqto. Raüta petsi wiijam ka tsangwe miishe kuqto. Kiimaq apaiq riimin she siqto.

2 SAMUEL 11:4

Kiimaq Dawit raq bomchong kaitibi tiiki raüta kriinyung ka ajam na tiisheakito. Tsangshiq raq apaiq sheakuq kito. Kiimaq apaiq ka kriinyung rai adam na haingato. (Apaiq ka akheasam tiisiilot jai akhing riito.) Raüta kriinyung ka jam na jangho nongto.

YOBA 15:35

Arkong ahata mungshukti kiimaq abi kiimungti; tsangshiq tsii ka wranaiqshe laopha laophi li.

Tvtsvmc 7:14

Liilaq ashut kiimungtibi raq abi jaqsham tiimatlo; tsangshiq raq kha tiidongtlo kiimaq lapphaq lusiq klotlo.

Tvtsvmc 9:17

Abi kloti thun ka wiita tsailam maakho na dea wanti siisaq, Shiikeawe shipoqbaiqti ka wiita akha mithumki.

TAKSU LAK 11:19

Kechu jaqsham shiichaqti ka, atra misi. Shatmaq jurwa ajiq kiimung niili sitlaq, kriiti ka atsai miraq.

ISAIA 33:11

Namshiq riika thiihü jaqsham thun süriitlan. Kiimaq namshiq raq ümchuwa kiimungtlan thun kriika atuli. Iwenyi ka walütu ikha. Kriiraq namshiq ka wiita bunlak mikhiim phaq.

ISAIA 59:4

Namshiq ka rung na riishoktlan, shatmaq namshiq kha ka phowe raq namshiq tlop na riikhaqli tri maq phokuq mak. Jamkhano ngukla namshiq raq arot saqse kuq lantea kha ka mitang hai nguta tiimatlan. Namshiq raq ahang han jaqsham kra klo lantea nanok ka tiichamchaotlan.

Matthew 26:14

Kra jai maq, ajaqshisetiim roq- shi ri wenai phong wa weshi, Judas Iskariot ngutlaq kriiwe ka ramwe jongbi phana kito.

Matthew 5:28

Shatmaq, ümchaü ngi raq namshiq ma chongpha: jurwa maiqnyung ashi sham na lii raüta, süram wan tlaq, kriiti raq sipeja ngarai ka atsan mong na atang wishe.

James 1:14

Shatmaq maiqse ngutlaq ka, atsan mong na abi tiima rüm tlaq kra, tiihong wan raa dongdii nguta süram wan tlaq, kra riili she, apaiq ka atsai chang thiikhobok na tiidea baiq tlo.

James 1:18

Apaiq tsantsiitsii maq nashiq ka tengteng bomtsi maq rawü tiichhi kuqto. Raüta wenyi rilung na nashiq ka apaiq raq ümchuwa phansang wantaq, kra thun thaq na, nashiq ka lamsheati ma tiija wan miitu phansangto.