James 1:14 - ASII LAKDAP Bible (BSI)

¹⁴ Shatmaq maiqse ngutlaq ka, atsan mong na abi tiima rüm tlaq kra, tiihong wan raa dongdii nguta süram wan tlaq, kra riili she, apaiq ka atsai chang thiikhobok na tiidea baiq tlo.

Hawa Naga Bible 2001

¹⁴ Yuq muinz miqsaz laulawc rvhumc yaq ngoz yaq kuex miqmac honc vbac thuinroc lvmx nuex shvlx wvnc vtueq lvp gay rvhumc tueq ngoc rvtueq.

Muklom

¹⁴ Etharin chamtey miqna ning anaan ngikjuk na manti eq tari náng thu aa.

James 1:14 Referencias Cruzadas

RAPHA HIQWA LAK 3:6

Kiimaq jechak nyung raq pechong ka kai tsomhea chhito kiimaq atsi ka asea ma kai aheawiq miraq nguta liito. Kiimaq apaiq raq phaqchi maiqse ma jawan ka kai pinthum ahea miraq ngutaq atsan mong na shiweato. Krai mren apaiq raq petsi wiijam ka pan raüta siqto. Raüta petsi wiijam ka tsangwe miishe kuqto. Kiimaq apaiq riimin she siqto.

RAPHA HIQWA LAK 6:5

Riita Tatiwe raq hiqraikhü na siti maiqse angu kunli ka pinthum abi siisaq chhito kiimaq tsangshiq tiima tsantsii ka wranaiqshe pinthum abi siisaq chhito.

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

2 SAMUEL 11:4

Kiimaq Dawit raq bomchong kaitibi tiiki raüta kriinyung ka ajam na tiisheakito. Tsangshiq raq apaiq sheakuq kito. Kiimaq apaiq ka kriinyung rai adam na haingato. (Apaiq ka akheasam tiisiilot jai akhing riito.) Raüta kriinyung ka jam na jangho nongto.

YOBA 31:27

Kriithun ka shreng wan miitu ngi ka lamjiq na tiisheaho mang kriithun ma shreng tiichhi ijaq shup wan mang.

YOBA 31:9

Kiimaq ngi ka ijamtho chiiti maiq chak ma, rangran kang jiila, lata tsangjam kilam tho na tiipaü lata khekang jiila,

TAKSU LAK 4:23

Üm tsan na jamlai wa tiima tlaü, kra miitu honkamshat riilaq, Ümtsan na jamkho tiima tlaü, kriiphan phan ümrilung ka mitiiq.

ISAIA 44:20

Arka wabun mesea lam niishe supwatlo. Apaiq hon atsii ngila sang sikha maq, apaiq ka lamjiq na tiishon sheahoto. Atsii ka jai na tiijang wan lot mak she. Apaiq khutsai na apaiq raq ajaq ma shamtlaq sumla phra ka tisho riimak dongdii nguta akhutsai na nyap mak dongdii she.

Hosea 13:9

“Israilnok lei, ngi raq namshiq mishthen baiqha. Ijaqkhon wa namshiq tiichhiiti asi shea?

Matthew 15:18

Shatmaq maiqse nübok mong wa jamlai phan bomtsi wa dong tlaq, kriika maiqse tsan mong wa dong tlo. Maiqse tsan mong wa dong tlaq bomtsi kra raq maiqse ka Shiikeawe man na ashe ma tiija wan tlo.

Matthew 15:20

Arthun ara raq kata maiqse ka Shiikeawe man na ashe ma tiija tlaq. Shatmaq tsangshiq raq namshiq nangnga jaq ka thungtri riikhaqli maq hetse wan lili raüta tü, adung ka phaqsiq wan lili riichang nguta chongtlaq kra riika, maiqse ka Shiikeawe man na ashe ma tiija mak.”

Matthew 4:1

Kra jai maq Asii Wenyi raq Jesuq ka Thawe raq mimaitai laq nguta kumtsaiphii binjü niishe sheahoto.

Matthew 5:28

Shatmaq, ümchaü ngi raq namshiq ma chongpha: jurwa maiqnyung ashi sham na lii raüta, süram wan tlaq, kriiti raq sipeja ngarai ka atsan mong na atang wishe.

Romans 7:11

Akha, ngarai raq ngi ara laophaq wan miitu, thungtri aming lümaq, lamlu hum wanto. Raüta, ngi ka tsat baiq wanto.

Romans 7:13

Kiikha shatmiitiq, ara jamlai phan wa ahea awa phan nguta thü wan tlaq, kra riika, ngi arka jamkho tsatbaiq wan phiita? Kiikha kla riimak! Ngi arka ngarai raq tiina tsatbaiq wantaq. Ngarai riika, jamlai wa ahea phan nguta sitlaq, kra lümaq ngi ara tsatbaiq wanto. Kriika, riikhaqli ngarai rong arai kra tiichhike wan miitu she riito. Kiimaq ara Thungtri aming thun ara lümaq, ngarai ningkun tu heng sitlaq kriika, aheng thaq niimin henghea, bihea sitlo nguta, kra tiichhi kuqtlo.

Ephesians 4:22

Krai mren, ümchaü sanha, namkhum na rilung achü sitlaq kriika alam she riibaiq ronglaq. Namkhum na, man niiwa phung na mishang shaq na sitlan rilung ka, namnyung pukdong ngarai pum, laopha tsii nai sükha tsii raq, namkhum ka wiita atriim phaq wishe riito.

Hebrews 3:13

Namtsantsii ka ngarai raq shonron ho raüta, wanshakshak nilan ma jaki mak chang miitu, namshiq maiqmii liipan na, weshi raq weshi tsaiji dokuq lanta si rong laq. Asii bomtsi na, “Namshiq raq Shiikeawe bom ka ümchaü ranaiq taihan jiila” nguta chongtlaq kriika, nashiq ara ngo nang ngutlo.

James 1:13

Riita ju miiwa akha ngarai na tiidea miitu, maitai akhing saü tlaq, kra akhing na apaiq raq, “Ngi ara Shiikeawe raq ngarai na tiidea miitu maitai hophiiwa,” nguta Shiikeawe ma huknyan ka raa mak. Jamkhano ngukla, Shiikeawe riika abi ngarai jaqsham ka shamki mak phan. Kiimaq apaiq riika ngarai na tiidea miitu jumin maitai mak.

James 1:15

Apaiq raq abi sükha rümtlaq kriiraq asewok she miho kiimaq ngarai se she michii. Raüta ngarai tsi ka aman she miraq. Raüta kra se ka atsai she mirhum.