James 1:18 - Hawa Naga Bible 2001

¹⁸ Vpiq rueq tvdung sung taq tueq lotlaz htauk nuex naungshiq kuex vphaungc baung lvp jix yaungc tvkoc vpiq thuinroc rulc rv-ngvlc tsuingrux bomjungc maq vpiq rueq naungshiq kuex tvdung sung taq phuex.

ASII LAKDAP Bible (BSI)

¹⁸ Apaiq tsantsiitsii maq nashiq ka tengteng bomtsi maq rawü tiichhi kuqto. Raüta wenyi rilung na nashiq ka apaiq raq ümchuwa phansang wantaq, kra thun thaq na, nashiq ka lamsheati ma tiija wan miitu phansangto.

Muklom

¹⁸ Piq aa umongtham wang hiqtang sha asing raaq tungkang o tsija rollung kot ta, irimal eq piq aa taqhong dang ta atharang phan jaktung na hiqtang phang uti ungo mal ang ni.

James 1:18 Referencias Cruzadas

JEREMIA 2:3

Israel lex, mnoz dvyx ngaz rueq guimz yaq; mnoz kuex ngvy tvkoc vsawc rvtoq. Ngaz rueq mnoz muex tvthuiuz sac jix miq ruip rawx htauk nuex kuilc vdaz nuiyc thuimkux kuex tvhttuiuc kuq tauk. Ngaz, Yehowa rueq jungx vshaungx,” ngoz tueq jungx tueq.

AMO LUIK DVP (AMOS) 6:1

Nuimshiq tvkoc Zion nuex vkhoc vpiauc vliauc httaz lvp jix bix, Samaria mungx nuex kvwungx httaz jix bix, mungx miqsaz htenc rueq kvmenc jenc yaq jix bix, miqphvnx wawc vyungx vluz rvtuit Israel miqsaz lex nuimshiq nuex kvhiz juing yaungx wvnc tuex!

John 1:13

Tsuingshiq kuex miqsaz htungx vlayx maq vjawx sahez yaungx wvnc tueq ikhoc Tishox sahez muex yaungx wvnc tueq rvmuq; Tishox vpiq pumz maq vsaz muex tvyaungc rvhumc jix hez dvyx rvtueq.

Romans 4:17

Rumvrc luik nuex, “Ngaz rueq mnoz kuex miq ruip rawx muex vwaz tvyaungc phaungx,” ngoz tueq wuiyq shec tueq rulc rv-ngvlc Tishox htumc nuex kvruex bomkhvmc kuex tv-phaungx yaq. Tishox kuex Abraham kvmluimx yaq Tishox, vthueyc wawc tvyuing tvtenc wvnc jix Tishox, mvnnuex yaungx wvnc muq phvnx htenc kuex yaungc wvnc tvkoc nvrc jix Tishox rvtueq.

1 Corinthians 4:15

Yvmx khoc lac ngoz ruiux lec nuimshiq Christan rullungx lvmx nuex nuimshiq muex tvluingc kuy jix tvluingc waz 10,000 httaz ruiux muinz nuimshiq waz kuex washiz dvyx rvtueq. Ngaz rueq Thuix Thaungx Vhvlx tvtay kuy ningkhvnc nuex nuimshiq kuex Christu rulc vdvmz nuex tvtuimx yuimx tvyaungc kuy jix nuimshiq waz muex yaungx wvnc tauk.

2 Corinthians 6:7

nuiyshiq rueq jungphvnx vshix tsuingrux bomjungc nuiyc Tishox luimc vkawc maq muinz, nuiyshiq kuex Tishox nvrc waz hez rvtiq lvmz tvkhic kuq vshix. Nuiyshiq nolaungx daungx kvtenc tiq nuex muinz, miqmac shauk vgvnz tvkhup wungx shix nuex muinz tsuingrux tvrac ngoz yaq marrarc kuex shuimx vshix.

Ephesians 1:12

Kvkhoc ngoz ruiux nuimshiq rueq Christu muex vphaungc tvluimc wvnc lvmz lvp wvnc jix htenc rueq Tishox ngauz vngax kuex tvtsvmc kvmc wuez ix!

Ephesians 1:13

Nuimshiq muex palc daungc wvnc lvmx kuy jix tsuingrux bomjungc ngoz yaq Thuix Thaungx Vhvlx kuex nuimshiq rueq tay wvnc vtueq Tishox miqsaz muex yaungx wuez tuit. Christu muex nuimshiq kvmluimx ruiux Tishox rueq vpiq bomkhvmc taq shec tueq rulc rv-ngvlc Vsawc Siyac kuex kuy ningkhvnc nuex nuimshiq kuex vpiq miqsaz muex yaungx tueq lvmz lombot tawk shec tueq.

2 Timothy 2:15

Mnoz kuex vpiq yauk shuimc nuex yvlc svy juing vguez maq yauk shuimc jix waz ikhoc muinz, Tishox tsuingrux bomjungc kuex rvkhauk laz jungphvnc kuy jix waz ikhoc muinz, Tishox htumc nuex htvlx phawc lvp laz juing mnoz hungc vlaungc htumx laz maq hung kuiuz.

Hebrews 12:23

Nuimshiq kuex raungmungx wvlwvlc nuex lomx jix pekhux sahez vkoz vkez maq rvtuimx kvyuq httuiuc wvnc wuez vtuinx. Nuimshiq kuex miq lotlaz muex khac phoc kuy jix waz Tishox kox nuex muinz, tvhungx tvhtaungx rvhumc tueq tsuingrux jix htenc siyac kox nuex muinz httuiuc wvnc wuez vtuinx.

James 1:15

Piq thuinroc lvmx kuex wvgvnz yaungx wvnc ruiux yuq mvrax kuex jawx gay tueq; kvruex mvrax kuex yungx luz wvnc vtueq vthueyc kuex jawx gay tueq.

James 1:21

Kvkhoc rvtueq vshuy vshac layx nuiyc honc bac honc vyaungc lotlaz kuex lvmz gay wuez shuinz. Tishox nuex kvpiq nvyx vtueq kungkhux nuex nuimshiq thuinz vmungx htenc nuex vpiq rueq vhtawc kuq nuimshiq palc daungc wvnc lot yaq bomjungc kuex lvp wvnc wuez shuinz.

James 3:14

Yuq muinz nuimshiq thuinz vmungx nuex khelx ric bac thuinz, thuinz tvbac yaq, miqmac rueq dvyx lvp roc thuinz htenc httax vtueq, nuimshiq taksux tharc kvmac kvsomc parc ngamc ngax vtueq tsuingrux lvmx kuex yaq gay mvrax nauk shuimx kaz.

1 Peter 1:23

Yvmx khoc lac ngoz ruiux lec nuimshiq kuex vtvraungx httax yaq nuiyc pattup pat-sac httax yaq Tishox bomjungc ningkhvnc nuex vthueyc vmvy vguez vnyuiuz vwaz sahez ikhoc vjawx rvtueq.

1 Peter 1:3

Naungshiq rueq naungshiq Taungjix Yesu Christu Waz Tishox muex kejux vyungx ngoz ix! Yvmx khoc lac ngoz ruiux lec vpiq menjenc yunghvlc maq Yesu Christu kuex vthueyc wawc tvyuing tvtenc wvnc khuec nuex vpiq rueq naungshiq muex rullungx vnyalx kuq vtueq naungshiq nuex vtvraungx httax yaq thuinz tvluimc juing kuex tvmvrc kuq phuex.

1 John 3:9

Tishox saz muex yaungx tueq shex waz kuex tvhttoarc vtueq mvrax shuimx muq, yvmx khoc lac ngoz ruiux lec kvruex waz nuex Tishox pukdungc ngoz yaq rullungx kuy lot juing hungc httax yaq; piq kuex Tishox saz rvtueq ningkhvnc nuex mvrax shuimx kaz muq.

Revelation 14:4

Tsuingshiq kuex sahtok sapawx yaungx muq yalxrox bix ningkhvnc nuex, Khelbuenx Saz m-yuq lac kaz tvnx kvyuq phvnx wuez yaq, tsuingshiq kuex miq paunghvlc phungc wawc thvl vtueq vpalc daungc wvnc ningkhvnc nuex, Tishox nuiyc Khelbuenx Saz muex vphaungc shauk shauk lekuy rvhumc jix htenc rvtueq.