1 Peter 1:25 - ASII LAKDAP Bible (BSI)

²⁵ Shatmaq Shiikeawe bomtsi ka athen kai nguta ahü, pattup pat-sa atra li sitlo.” Riita ara bomtsi ahata, Tsütsa Ahea, namshiq ma chongkuq wantaq kra.

Hawa Naga Bible 2001

²⁵ yuq muinz Taungjix bomjungc kuex pattup httax yaq,” ngoz tueq wuiyq shec tueq. Kvruex bomjungc kuex nuimshiq muex jungphvnx kuq wvnc tueq Thuix Thaungx Vhvlx kvruex rvtueq.

Muklom

²⁵ Etharin Teyhungwa raaq sha pattuk angna.” Etho iri raaq raa hun tungtang qhal, bara nim ma phanchan ti.

1 Peter 1:25 Referencias Cruzadas

Tvtsvmc 102:12

Shatmaq, O Tatiwe lei, ümniika pattup pat-sa hokham; maiqpat kunli raq ümniika tsan na tiitsangshat miraq.

Tvtsvmc 102:26

Kriithun ka athum mirki, shatmaq ümniika siruqli misihaü; kriithun ka wiita khea riimkitlaq ikha miriimki. Ümniiraq kriithun ka kheachüriim phong ikha mitsuqbaiqhaü, kiimaq kriithun ka wiita amaqshe mirki.

Tvtsvmc 119:89

Ümbomtsi ka, O Tatiwe lei, pattup pat-sa siruq miraq; arka pattup pat-sa miitu ramungtan na athü.

ISAIA 40:6

Maiqbom ashi tiihong raüta gitlo, “Tsütsa ashi chiiriim laüta tiitailaq!” “Ngi raq jamlai tsütsa tiitai chang wa?” nguta ngi raq waikang. “Chiiriim laüta tiitailaq maiqse angu ka sangphiirü ikhli; tsangshiq rilung ka atoqse rumwa pepütu ikhli.

ISAIA 40:8

Tengto, sangphii ka jungkitlo, kiimaq pepüro ka mutkitlo, shatmaq nashiq Shiikeawe bomtsi ka pattup pat-sa ngangtlo.”

Matthew 5:18

Ngi raq chongtiikang arka tengteng. Ra nai hiq ara siruq wiiwii, Thungtri raütu wa ralangse bomno bomni se dongdii min poiki mak phan miraq. Tri raütu wa bomtsi awea ka wiita kunkun miku wan.

Luke 16:17

Shatmaq tiina, ara ra nai hiq sitlaq arka, athenkai ma aje lin li min miraq. Shatmaq, Thungtri bomtsi na jamlai wa chong tlaq kriika, akhiise khubinlo tin dongdii kiimin poiki mak phan.”

John 1:1

Mangjong hiq ara mitiiq wan shaq niiphü Bomtsi ka asi dongdii. Apaiq ka Shiikeawe rai kongshi. Kiimaq apaiq ka Shiikeawe rai khum ashi maq ashi.

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

1 Corinthians 2:2

Ara jamkhano chongtiikang ngukla, ngi ka namshiq rai adam siwan kang liipan bala na, phanrap wiita no na thübaiq kang. Lata, Jesuq Khristo tsütsa kra lamlam li tsan na, atsi maq tiima lata, kiimaq akhek ka apaiq pumsongkham na tsaitaq kra, i tsan mong na laihea howan shatmaq sikang.

Ephesians 2:17

Riita, ara chongtiikai krai mren, Khristo ka saükito. Raüta, apaiq raq Tsütsa Ahea, khusang maq siwan lamlu kra, maiqse angu tarü ma chongkuqto. Namshiq Pongnok phan maiqse, namshiq Shiikeawe pha wa luhea na sitlan phan miimin la, kiimaq Jehudinok phan, apaiq Shiikeawe tho na shongngati phan miimin la, ara chongkuqto she.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

Titus 1:3

kiimaq akhing riikhaqli na apaiq raq kra apaiq tsütsa bomtsi na tiichhikuqto. Riita ara Tsütsa ara chongke arang ka ngi ma kiinong kuqto. Kiimaq ngi raq ara bomtsi ka Shiikeawe nashiq Chhiitiwe aming maq chii riim lata chongkuq tiikang.

Hebrews 6:5

Tsangshiq raq, maiqmii tsan mong na, Shiikeawe bomtsi ka asum dea nguta atei wishe. Kiimaq tsangshiq raq, Shiikeawe ningkun wokhong na si peo rilung sum kriika, atei wishe.

1 Peter 1:12

Shiikeawe raq ara man na sithü taq shammibi ma tiichhi kuq wanto. Tsangshiq raq shammi jaqsham wan tlaq ka, tsangshiq miitu ka riimak. Shatmaq, ümchaü pat na, namshiq sitlan ara miitu miraq nguta chongkuqto. Kra shammibi raq, man na pat na jamlai wa phanchan kuq taq, kriishe ümchaü pat na namshiq ma Tsütsa Ahea chongphan ketibi riishe tiitai kuq tlo. Tsangshiq raq namshiq ma ara, Tsütsa Ahea tra hokuq tlaq thaq na, Shiikeawe raq ramungtan wa atiiki Asii Wenyi raq tsangshiq tsütsa chongke ka, tsangshiq khum na arom riiraüta chongkuq tlo. Ara chongtiikai Shiikeawe jaqsham ahata ra na siti rasetiim raq dongdii min sap n dam haijaq nguta ümtinkhan wa tsinngin tlo.

1 Peter 1:23

Namshiq ma Awe ka Shiikeawe. Apaiq raq namshiq ma rilung anye she kuqto. Apaiq ka atsaiti riimak, shatmaq tsai mak phan. Kiimaq apaiq raq namshiq ma, apaiq bomtsi Tsütsa Ahea lümaq namshiq rilung anye kuqto. Asii bomtsi ka pattup atra siruq phan. Arka thenki mak phan.

1 Peter 2:2

Kiimaq rawü chhi nye noshiisetiim ikha, wranaiqshe asii chiisan kamasham nyakpü, asii bomtsi kra nyang wan roli she, namtsan mong na kham-nyang tiitsi lanta sirong laq. Akha nyang lanta sihan jiila, namshiq khum ka ahea wiq maq mijong luwan. Kiimaq namkhum ka mitiichhii wan lot.

2 Peter 1:19

Ara ra wa bomtsi saütaq kriika, man na shammibi raq Messia ka misaüho lii nguta chiiriim raüta tra hokuq wantaq kriika, tengto dea nguta bomchong raükha tiipha wan she riito. Arkha maq, nashiq raq shammibi bomchong ka tsan na atsi maq thü laita kam hai jiika nashiq ma ahea miraq. Krai mren, namshiq tarü raq, shammibi raq achongthü tsütsa kiima kam lanta sironglaq. Tsangshiq raq achongkuq tsütsa ka ranyaq mong na piijongteng tlü tlaq ikha maiqse ma wenyi walüli. Ranap rawü rashe midong hoshaq wiiwii ka, piijongteng wanii ka akhek raa tlo. Namshiq mongjii na Jesuq Khristo, ranap Saiqwüpo kra misaüho shaq wiiwii, shammibi bomchong piijongteng kra samhea tiinyai lanta thü ronglaq.

1 John 1:1

Naishiq raq namshiq ma rilung Bomtsi manphan waiq tiikai. Ara Bomtsi arka man na rapha hiq wa niiphü asi dongdii. Naishiq raq ara tsütsa ka tai wan kai. Kiimaq naishiq raq maiqmii mak maq chhi wan kai. Ara chongtiikai arka tengteng. Naishiq raq chhi wan kai kiimaq naishiq jaq maq sham kai.

1 John 1:3

Naishiq raq jamlai wa chhi kai kiimaq jamlai wa tai kai kra hali namshiq ma tiitai chong kuq nong tiikai. Riita ara phanchan kuq tiikai arka, namshiq riimin naishiq rai adam na Awe nai Ase Jesuq Khristo rai kongshi kiimshi maq singa tiikai kiijaq mipong dam laq nguta chongkuq tiikai.

Revelation 14:6

Kiijiishe, ngi raq rase ashi chhi nong kang. Apaiq ka ratsan ramong nyang na abisea riito. Apaiq ka pattup pat-sa Tsütsa Ahea mangjong maiqse tlotli ma tiitaiketi. Apaiq raq kra tsütsa ka maiq kaüwa weraü tek ma, maiq aphan tek ma, maiq abom pongbom bomtlaq tek ma, kiimaq maiq amung amung tek ma tiitaike kai nguta kitlo.