1 Peter 2:1 - ASII LAKDAP Bible (BSI)

¹ Riita ara chongtiikai rawü anye she chhi lan arkha maq, ümchaü sanha, namshiq tsan among wa, phanrap abi ümchuwa sitlaq kra wiita raübaiq rong liishe. Namshiq raq ümchaü sanha, arot akiq naq bom rongkiq she. Makshu rashe lam maq naq si rongkiq she.

Hawa Naga Bible 2001

¹ Kvkhoc rvtueq nuimshiq rueq honc vbac phvnx lotlaz nuiyc laulawc lvmz, kvyonc yuk lvmz, khelric bac nuiyc yomnamc kvjaz htenc kuex gay wuez shuinz.

Muklom

¹ Iri rangma thaji jashit, ahut alik, takhi eq somtey, ngeljo etho junnam raaq shi shingchak inn.

1 Peter 2:1 Referencias Cruzadas

YOBA 36:13

Juwa ra weahüti ka akhiq ariq li sitlo, tsangshiq ma mo tiiho raü min khrum laq nguta achu jaü mak.

Tvtsvmc 32:2

Peohea she Tatiwe raq shut laü nguta kha nyan makti ma, kiimaq tlotli laopha kharü wa wase jawanti ma.

Tvtsvmc 34:13

Ikhla, abi bomtsi naq bomkiq she kiimaq arot naq chongkiq she.

Tvtsvmc 37:1

Abi kloti ka chhi laüta ümnaq naq chapakiq; ajiq kiimungtibi chhi laüta naq shuliikiq!

Tvtsvmc 73:3

jamkhano ngukla abi maiqsetiim ma phanrap aheawiq hongtha wan kra chilata ngi ka abi maiqsetiim ma imakshu tsihea riito.

TAKSU LAK 14:30

Tiima tsantsii khangriri maq siti, khum asai ka nyeajokjok hea. Makshu rashe siti ka, ariitsai na anam ikha.

TAKSU LAK 24:1

Abi ati maiqsetiim ka, naqshu liikiq; kiimaq tsangshiq rai, adam naqhai ngakiq.

TAKSU LAK 24:19

Ajiq klotibi chhilaüta, naq tsutsakiq; Tsangshiq ka naqshu she kiq.

TAKSU LAK 3:31

Matsaü tsaseti ka naqshulii kiq. Tsangshiq jaqsham kra naq tlang kiq.

ISAIA 2:20

Ümtiikiiwa kra ranaiq akhing she saüwa jiiq, tsangshiq raq chaq nai kampho maq atiiq sumla phra phong ka rum niishe mibaiqki. Raüta kriithun ka juk kong nai phaqsaiq kong miishe mikiinong kuqbaiq.

ISAIA 30:22

Namshiq raq namshiq sumla phong, kampho ngam maq alo thun kiimaq chaq ngam maq alo thun sumla phong kra lamho lantea, ashe ashi phan hupsam tiijobaiq tlan ikha, tiihong lantea agi lam maq, “Imakki wa tiibinlaq!” nguta midobaiqhan.

Matthew 15:7

Namshiq ka mongnam! Shiikeawe raq Isaia shammiwe lümaq, namshiq thaq na ara bom tiithai chongkuq wantaq arka ümchaü riikhaqli she kuwanto!

Matthew 23:28

Ikiikhiisii hali namshiq kiimin, maiqse maklii niika wiitarü man na, siirairai hea ikha sitlan. Shatmaq namshiq tsantsii ka mongnam kiimaq ngarai kaq li sitlan.”

Matthew 24:51

Krai mren, atijong we raq apaiq ka bunlak buncha michum baiq. Raüta mongnam nok rai khoshi na mitübaiq. Kiijaq apaiq ka aho anyi wa la kiimaq arong awi tiichitwa trang liishe mongnam nok rai mihoq phaq dam.”

Matthew 7:5

Mongnam we loi! Apha na ümmak po wa pepan kaü kra kongkhu lambaiq laq. Kra lot jaitiq ümphuno we makpo wa sinchii kra khangriirii hea she michhi haü. Kiimaq milam kuq lot haü.”

Mark 12:15

Shatmaq, Jesuq raq tsangshiq thiikho thu tlaq kra achhi kha maq, tsangshiq bom ka akhiishe treto, “Namshiq raq ngi ka, namshiq thiikho na jaram tiithap wa tan tlan? Kampho siishi ka lam wan liita, lii i.”

Luke 11:44

Namshiq ma pinthum phiiptsi chang asi! Namshiq ka maiq malap chang ma chiim raükhu ma athü ikha sitlan. Maiq akhumti raq, hemak lam maq, maiq ma chiim niratki raüta, akhum ka tiishe tlaq ikha sitlan.”

Luke 12:1

Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Luke 6:42

Ümniiraq ümphuno we ma, ‘Phuno we, ümmak na sinchiise asi kra lamkuq pha,’ ngutiika jamkho ngutlaü? Shatmaq, ümmak na pepan kaü tiihap raü kra riiwe ka chhi maü? Ümniika mongnam! Apha na ümmak wa, pepan kaü tiihap tlaq kra kongkhu lambaiq laq. Kra lot jai shetiq, ümniiraq ümphuno we mak wa, sinchü kra khangriri hea she michhi haü. Kiimaq milam kuq lot haü.”

John 1:47

Jesuq raq Nathaniel ka apaiq phanü na awa rai kra chhi raüta, apaiq miitu akha chongto, “Arhata miikiim se ashi Israil we. Apaiq ka chiisan maiqse ashi!”

Romans 1:29

Tsangshiq tsan among ka phusu tsii, tha kaü tsii, sükha tsii, kiimaq atiibi baiq wan tsii riili she ama sitlo. Tsangshiq tsan among ka, arshulii tsii, sho tsii lumtsii, arlongliiq tsii, laopha tsii, kiimaq maiq chong sia tsii riili she ama sitlo. Tsangshiq ka shapshaü miqshii panli.

1 Corinthians 14:20

I phu I notiim lei, namshiq ka namshiq tiima na noshiisetiim ikhiika naqsi rongkiq she. Abi ati lam phan niika, noshii setiim ikha si ronglaq. Shatmaq ahea lam phan niika, namshiq tiima tsantsii ka nyungwere tsii ikhiishe tsii ronglaq.

1 Corinthians 5:8

Ara ningkhan, nashiq raq Tiichhii Wan Poi klo rong i. Riita ara Poi klo arka, nashiq ngarai achü pi maq sho raüta atiija winsii phu nai ashut winsii phu kra phaq laita ka riimak. Shatmaq pi maq shohü winsii, siirairai nai tengman tlaq winsii phu kra phaq laita poi ka klo rong i.

2 Corinthians 12:20

Ngi ka hai tiikang jo, jai maq ngi, namshiq phana watiikang akhing na, ngi raq namshiq ka jamkhii chhiwa wa rotiikang, kiikha riimak, pong linlin she michhi wa ha ngo chang chang. Kiimaq namshiq riimin, ngi arka, jamkhii michhihai ngutiiwa tiima tlan, kiikha ka riimak, pong linlin michhi han ngo changchang jo. Ngi tiihai rai tiikang arka, ngi raq namshiq ka, tatso wiinyi nai riingeng riiseng michhi wa ha ngo changchang ikha. Akhiq ariq nai riilong riiliiq, pong riipiipii, thophi riiqphi maq, maiqmii nai maiqmii liipan na riichongsea michhi waha ngo changchang ikha. Ashkong trangli nai pongmü riimü michhi wa ha ngo changchang nguta tiima tiikang.

Ephesians 4:31

Riita, ümchaü sanha, tiipung miirung lanta naqsi rongkiq she. Maiq bom bi tai lanta, mophok rai ka naqphok rongkiq she. Kiimaq mokhiqriq kai min, naqkhiq rongkiq she. Maiq rai morkhiikhii min naq riikhii rongkiq she. Kiimaq maiq ka moshummii kai min naq shummii rongkiq. Maiq rai makshu rashe, wesang ralii tsantsii thü min raa mak she.

1 Thessalonians 2:3

Naishiq raq namshiq ma, Shiikeawe Tsütsa Ahea chongkuq kai arka, ajiq bomtsi khu na seng laita achongkuq ka riimak. Kiimaq, namshiq tiishonbiiho bom min riimak. Kiimaq namshiq mob phaq sea miitu bom min riimak.

1 Timothy 3:11

Kiimaq tsang-nyungre kiimin maiqshaq, arong arai ahea, abom asa na sobsob bombom maq siti riichang. Tsangshiq raq shapshaü miqshii pan raa mak. Tsangshiq ka phanrap na athuk atsom maq jaqshamti riichang.

Titus 2:3

Krai mren sii hali, jechakre nyungwere miimin tsii ka chongkuq laq. Tsangshiq raq maiqmii rilung ka Shiikeawe ma kiinong kuq raüta, tsangshiq rong arai ka maiqlung ngamwii, athuk atsom nyungre rilung si maq, mishong nga laq. Tsangshiq raq shapshaü miqshii tiikon raa mak. Kiimaq tsangshiq ka chechok tsampii ma ja raamak. Tsangshiq ka nanok ma, Phungmaiqse nyungre ngutlaq ka jamkhii asii arai maq singa chang wa, kra shrinketi riichang.

Hebrews 12:1

Riita, ija ümchaü sanha, nashiq trotam na, nashiq kamasham rilung na, nashiq ka jamkho shongnga tiikai, ara liiwanti, maiq hakhi bi ara chong wankai thun ara asi. Krai mren, ümchaü sanha, nashiq khum na tiibanbi chang ngarai, tiima tsantsii ümchuwa sitlaq kra thun ka wiita, chhut baiq thütlo wan rong i. Laita, kamtsantsii rilung na, ajong alu wan miitu, ümloq na saü li ju chang wa, kiijaq saü wanli chang miitu, shiikut laita ju rong i.

James 1:21

Arkha maq, namshiq tarü raq, maiqmii tsan mong na abi, ashe ashi tiima tsantsii sitlaq kra, kiimaq abi ati rong arai sitlaq thun kra, wiita tsuqsaiqsaiq riilanta, arang chong maq ba lanta, phai baiq ronglaq. Lanta, Shiikeawe wokhong na, phaqchii nichii maq nyap wan lanta, si ronglaq. Lanta Shiikeawe raq, apaiq asii bomtsi lai namshiq mongjii na chhi jang wan tlaq kra, lang lanta si ronglaq. Kra bomtsi raq, namshiq rilung ka tiichhii wan raüta tiichhan chhi wan tlo.

James 3:14

Shatmiitiina ümtsan mong na, nanok ma makshu rashe tsii rüm tlaü, maiq ngeng tlaü jiila, kiimaq jamlai phan niili jiimin, maiqmii ma jamlai wa ahea raüla hong jiiq ngu tla tiima tlaü jiika, phanrap asap atsinha we nguta, naq shiikong kiq. Kriika ümniiraq tengteng bomtsi tri ka jin tlaü ngushat. Kriika ümniima ngarai tangphaq li miraq.

James 4:11

Phunainotiim lei, namshiq liipan na maiqmii nai maiqmii ka naq riichongsiq rongkiq. Jurwa maiqmii kongti Phungmaiqse kra shaphaq tlaq, lo arewe ka ajiq nguta shin tlaq, kriiti riika Shiikeawe Thungtri kra sairan tlo ngushat. Kiimaq Thungtri raü ka sairan tlo ngushat. Riita namshiq raq thungtri she sairan han jiika, namshiq ka Thungtri wokhong na siti ka riiman she. Shatmaq thungtri sairanti miishe mija han.

James 4:5

Asii bomtsi na, “Shiikeawe raq nashiq mongjii na Asii Wenyi kuqto. Kra riika nashiq tsaiji rai tiipum tlii maq siwan ha jiilei nguta pinthum lungwii tlo,” nguta chong tlo, arka namshiq raq arot chongtlo sham nguta naq tiima rongkiq.

James 5:9

Phuno nyinotiim lei, namshiq raq chamchao litkot riihum tlan akhing na, riithu riisi lanta, weshi raq weshi ma naq tiishaü rongkiq. Nashiq raq kongti ka khühü na tiishut wan raa mak. Ara chongtiikang arka, Shiikeawe raq namshiq ma kha nyan mak chang miitu chongtiikang. Phowe jong ka ümchaü aje niishe. Mangjong maiqse kunli kha phokai saüho tlo she.

1 Peter 2:16

Namshiq ka ümchaü sanha wasetiim she. Wasetiim simaq sirong laq. Wase rilung kriika ajiq jaqsham miitu akuq riimak. Namshiq ka Shiikeawe sengi, apaiq wokhong na siti nguta athuk atsom maq sirong laq.

1 Peter 2:22

Apaiq raq jamphan ngarai min tang mak dea. Apaiq raq jam min arot akiq poshi min bom mak dea.

1 Peter 3:10

Asii bomtsi na akha chong tlo: “Jurwa pat aku mit asu maq siwan lungwii tlaq, raüta hansang rakhang maq siwan lungwii tlaq, apaiq ka jamkiq jiq mak jam mesiq mak maq siwan raa tlo.

1 Peter 4:2

Riita ara chongtiikai arkha maq, ümchaü sanha, namrilung ka mangjong hiq na ümchu ranaiq wa atra misi thü han, Shiikeawe tiima tsantsii khuthaq na seng lantli she sirong laq. Ngarai han-ngam tiima khu niika naq si rongkiq she.

1 Peter 4:4

Kiimaq ümchaü akhing na, namshiq raq ara chongtiikai thun ranyaq rilung lamphan na, thatsang maiqse rai pongdam man she riikanta, tsangshiq ka awang li she riitlo. Kiimaq tsangshiq raq namshiq ka ashummii li she riitlo.

Revelation 14:5

Tsangshiq raq rilung na jangshi min arot akiq bom poshi min chong mak. Tsangshiq dü na ashut aphit jam min ahü siirairai.