1 Peter 2:1 - Muklom

¹ Iri rangma thaji jashit, ahut alik, takhi eq somtey, ngeljo etho junnam raaq shi shingchak inn.

ASII LAKDAP Bible (BSI)

¹ Riita ara chongtiikai rawü anye she chhi lan arkha maq, ümchaü sanha, namshiq tsan among wa, phanrap abi ümchuwa sitlaq kra wiita raübaiq rong liishe. Namshiq raq ümchaü sanha, arot akiq naq bom rongkiq she. Makshu rashe lam maq naq si rongkiq she.

Hawa Naga Bible 2001

¹ Kvkhoc rvtueq nuimshiq rueq honc vbac phvnx lotlaz nuiyc laulawc lvmz, kvyonc yuk lvmz, khelric bac nuiyc yomnamc kvjaz htenc kuex gay wuez shuinz.

1 Peter 2:1 Referencias Cruzadas

Matthew 15:7

Nim takhi eq somtey tang! Nim rangma rangsamal Isaiah khakla batta:

Matthew 23:28

Ethimal nim tho rangkho o miq eq siin ma asing miq ta takhi inn, etharin umong na ahut alik etho ngarey sha taphong aa.”

Matthew 24:51

Esho piq aa ethi sanga wa tha aming mingsa pin duk na etho takhi eq somtey tang haq piq ma kona. Eshina qhap ngey eq paa tachik kakna.”

Matthew 7:5

Nim takhi eq somtey tang! Jakho nim miik wang bangling shi rang latchak inn, ethi jio nim no miiksip lat rangma nim aa jaqhal eq khi nin.

Mark 12:15

Etharin Jesu aa ning aso alat tha sam eq batta, “Nim aa chamma nga raa thamat ma tathin phin? Nga ma ashey Rome nginti takhima kotphin.”

Luke 11:44

Nim rangma chamtan tsamnang aa! Nim raa máng bung ching tapu shing aa thimal bari khona miqtang sam moq wang qhing aa.”

Luke 12:1

Hayat miqtang Jesu raaq tha tatma thajoq thuta etho ning ni ning tathum jangta, Jesu aa ujiphantey tang ma phang batta, “Phorisi tang uwun phan ban wang rangtun eq tong inn.

Luke 6:42

Nim miik wang bangling tathin hunga, nim no ma chamal eq jin raaq inn, ‘Nga ba miik wang miiksip ri lat ko phang.’ Takhi eq somtey tang! Jakho nim miik wang bangling shi lat chak inn, ethi jio nim aa nim no miik wang miiksip sha may lat eq ma jaqhal eq khi nin.”

John 1:47

Jesu aa Nathanael piq ching náng kapha tha khita piq tung aa raaq batta, “Siin u, piq raa asing Israel miq: piq ro chamtho alik akuk ahung!”

Romans 1:29

Ning thaji alik, anan, angim, etho dandey eq shey ti aa; ngiljo etho tatik etho thamol etho udip etho aja eq shey ti aa. Ning aa miqdak tung aa raaq alik bat aa,

1 Corinthians 14:20

Ino nia pho tang, nijang sa tang mal tinthin shi táng inn, jashit jaksom ang ajo nijang sa tang mal ang ching, etharin nim tinthin na miqlang mal tathin inn.

1 Corinthians 5:8

Req hiqtang aa ulit kut aa kan sha kan ni, ngarey nia jashit aking thawung phan ban jamoq ang moq, etharin thawung phan ahung ban jamoq bara asang nia asing.

2 Corinthians 12:20

Nga ucho ang ang, nga baluk o eshináng thunáng, nim raa itinthin wang adak mal hun sey tachong phanáng etho nga raa tho nim tinthin wang adak mal hun ang náng. Nga ucho ang ang eshináng ka eq thamol etho ngeljo, kalo tinkhattey etho hiqtang ni hiqtang rangma tinthin, junnam etho tapolchal, tharangka etho ajok aja kapni.

Ephesians 4:31

Thaji jashit phan, tinqhat etho thaji miiksuk, jashit raaq tang, shiwang nim alo na tong inn.

1 Thessalonians 2:3

Chammatakoi í phanchan raa aja tinthin wang etho anaan tinthin wang ang moq, etho í aa utang tho dipkup ma tathin mi.

1 Timothy 3:11

Eshimal hun mondoli nongtey himteynu tang sha tho jaqhal dangjang tey ang ching, aja ta raaq tey ang ching ang moq, etharin tinman nia phanrip o tungmang eq ching.

Titus 2:3

Eshimal wiku tang ma tho tatal kot u, ning dangjang sha miq eq rangka eq ching, miq masuq tey, etho kham jatey ang ching ang moq; etharin jaqhal raaq bat kottey ang ching.

Hebrews 12:1

Eshi tungkang o miikkhi kottey ajong waan shey eq hiqtang sha tim tungkang o, thaji utángtey tangwang shi etho hiqtang thaman ngarey sha hel eq, hiqtang jakho na shing aa tatut sha tinthanan eq jol i,

James 1:21

Eshirangma thaji jashit dangjang etho jashit jaksom shi alo náng hel chak inn. Etho tinnin ang eq nim tin na bari raaq raa Shkewa shing ta, eshi kam inn bara nim rollung sha jin thalun na.

James 3:14

Etharin nim aa nim ni nim tin o ngiljo etho ngikjuk shing inn jo, nak japjo inn etho asing shi miiksuk eq alik nak bat inn.

James 4:11

I no nia pho tang, ashey eq ashey ma jashit ta nak raaq inn. Chamtey uno nia pho tang sha jashit ta raaq tia phung ajo piq aa thong sha jashit ta raaq aa etho phung aa. Nim aa thong sha phung inn jo esha tat mintey etho esha phung ma tongtey.

James 4:5

Asang Likwit na irimal witta raaq sha asing ang moq ta nim aa tathin inn i, “Shkewa aa hiqtang tinmong o Asang Tsija kot aa, eshirangma piq aa hiqtang sha ngikjuk jamoq bi aa.”

James 5:9

I no nia pho tang, nim khaphung moq angma, ashey eq ashey ma nak jappjo inn. Khaphung tey sha katma arelna.

1 Peter 2:16

Nim ni nim shi achak miqtang mal tong inn etharin iri achak ri jashit sha hop rangma nak shing inn, nim ni nim shi Shkewa qha tang ta tathin eq tong inn.

1 Peter 2:22

Piq aa ngarey som moq angta, etho piq aa nung wang baluk otho huqbat moq angta.

1 Peter 3:10

Chammatakoi Asang likwit na thawit aa, “Chamtey urollung ma tinmat ajo, etho jaqhal saal khi ma tathin ajo, piq aa uphali sha jashit wang, etho unungbil sha hutdip raaq tang wang táng shing ching.

1 Peter 4:2

Irimal ang eq nim tho thang wang hanngam rollung miqna tinthin mal ang moq Shkewa tinuk mal tong inn.

1 Peter 4:4

Thanga nim irimal jashit jaksom na ning jamna ang min, ethirangma ning patja ang aa etho ning aa nim junnam eq phin.

Revelation 14:5

Ning nung wang baluk o tho alik raaq thalat moq angta, ning jamoq ang aa.