1 Peter 2:2 - ASII LAKDAP Bible (BSI)

² Kiimaq rawü chhi nye noshiisetiim ikha, wranaiqshe asii chiisan kamasham nyakpü, asii bomtsi kra nyang wan roli she, namtsan mong na kham-nyang tiitsi lanta sirong laq. Akha nyang lanta sihan jiila, namshiq khum ka ahea wiq maq mijong luwan. Kiimaq namkhum ka mitiichhii wan lot.

Hawa Naga Bible 2001

² Noshawx sahez ikhoc siyac nuex seng yaq puix muik shauk kuex mkaq muinz khvmx tvsac wuez shuinz, kvkhoc ngoz ruiux jix nuimshiq kuex yungx luz wvnc vtueq palc daungc wvnc rvhumc tuinx.

Muklom

² Anal chang nijang sa tang mal, asing tsija pungchi ling ma lal inn. Irimal ang ajo nim lunwan sha chalo na,

1 Peter 2:2 Referencias Cruzadas

2 SAMUEL 23:5

Ara chongtaq akha Shiikeawe raq isaü ise pat na, achu mishmankuq. Jamkhano ngukla apaiq raq ngi rai, pattup pat-sa miitu tongshong wanto she. Kriika pattup pat-sa tongshong; kra kiq riikham ka pattup tiipan mak phan, kra kiqkham paqkuqtiika, klaiki mak phan she; kriika ngi raq tang wan she, kriika Shiikeawe raq, mitiihongkuq wan dongdii.

YOBA 17:9

Aki miikiimbi nguta tiingoti thun ka, tsangshiq dea riikhaq li nguta tiima tlo.

TAKSU LAK 4:18

Shatmaq kechu maiqse rilung lam ka, ranap na rashe dong wan tlaq ikha, ranaiq hoho rashekii ka, henghea riiwan tlaq ikha, liliim wantlo.

Hosea 14:5

Tsamjang maimak longkaü ikha kealoklok. Ra mitiijun ha Israilnok ma. Khiqra wak tsamhea ikha Israilnok mijong wan. Lebanon pum wa pero ikha, arang phataqtaq micham wan.

Hosea 14:7

Thongshiri tsangshiq iwokhong na, khu asang maq mishong wan. Pepüro bagan ikha mipülii wan, Lebanon pum wa spiqro ikha, maiqlung ngamwii tsomhea mitsingo wan.

Hosea 6:3

Nashiq raq apaiq tiima tsantsii, khonwan miitu shiichaq rong i. Apaiq nashiq phana, ranap rashe kii li ikha miki dongdii. Lamse sat ma rajuntsi paü pan ikha, apaiq nashiq phana misaüki. Raüta nashiq ma achu shiiman mikuq.”

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Matthew 18:3

Raüta akha nguto, “Ngi raq chongtiikang arka tengteng. Namshiq ka ara nonose akha klai wan man wiiwii Ramungtan ümtiikiimin saü man mirhan.

Matthew 19:14

Kiijiishe Jesuq raq ajaqshisetiim ma chongto, “Nosere ka ana i phana tiiwa rong laq. Naq tiiwin rongkiq. Ramungtan ka juwa ara nosere akha siwan tlaq kriiti rii.”

Mark 10:15

Ngi chongpha, tai ronglaq, jurwa ara nosere akha ja raüta, Shiikeawe Mungtan ka tao mak, kriiti ka ümtiikiimin Shiikeawe Mungtan na saülot mak miraq.”

Luke 18:17

Ara tsan na tiitsang rong laq! Jurwa Shiikeawe Mungtan ka nonose raq taotlaq akha taomak, kriiti ka ümtiikii jiimin, Shiikeawe Mungtan na saülot mak miraq.”

Romans 6:4

Kiimaq nashiq raq khamlam wankai kra lümaq, nashiq ka apaiq rai khoshi na lap wan damto. Raüta apaiq pum na tsai wan dam kai she. Ara tsai wan dam kai arka, Khristo ka achhai anyii Awe ningkun maq amaa wa jamkho tiidong wantaq kiikhiisii hali nashiq riimin rilung anye she lap wan laita siwan miitu tsaidam kai.

1 Corinthians 14:20

I phu I notiim lei, namshiq ka namshiq tiima na noshiisetiim ikhiika naqsi rongkiq she. Abi ati lam phan niika, noshii setiim ikha si ronglaq. Shatmaq ahea lam phan niika, namshiq tiima tsantsii ka nyungwere tsii ikhiishe tsii ronglaq.

Ephesians 2:21

Apaiq kli, arjam ara tiipha chang khamla we. Kiimaq, arjam arka asii shomjam, Tatiwe ma alu na akuq jam. Ara tiijong luwanti we ka Khristo kli.

Ephesians 4:15

Kra la na, lungwii tsantsii ashi maq, Tsütsa Ahea ka barap se na tiinyam chongkuq laita, nashiq ka, phanrap lam na, nashiq ma akhupo Khristo khum na jonglu wan chang.

2 Thessalonians 1:3

Naphu nanotiim lei, naishiq raq namshiq miitu, Shiikeawe ma wranaiqshe kechutum chang akhek sitlo. Arka riikhaqli athuk atsom jaqsham ashi. Ara jamkhano chongtiikai ngukla, namshiq kamasham ka pinthum kham ama wan ikha jonglu wan tlo. Kiimaq namshiq raq kongti miitu lungwiitsii rüm tlan kra, barap na nyam wan tlo chhi tiikai.

1 Peter 1:23

Namshiq ma Awe ka Shiikeawe. Apaiq raq namshiq ma rilung anye she kuqto. Apaiq ka atsaiti riimak, shatmaq tsai mak phan. Kiimaq apaiq raq namshiq ma, apaiq bomtsi Tsütsa Ahea lümaq namshiq rilung anye kuqto. Asii bomtsi ka pattup atra siruq phan. Arka thenki mak phan.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.