1 Peter 1:3 - ASII LAKDAP Bible (BSI)

³ Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

Hawa Naga Bible 2001

³ Naungshiq rueq naungshiq Taungjix Yesu Christu Waz Tishox muex kejux vyungx ngoz ix! Yvmx khoc lac ngoz ruiux lec vpiq menjenc yunghvlc maq Yesu Christu kuex vthueyc wawc tvyuing tvtenc wvnc khuec nuex vpiq rueq naungshiq muex rullungx vnyalx kuq vtueq naungshiq nuex vtvraungx httax yaq thuinz tvluimc juing kuex tvmvrc kuq phuex.

Muklom

³ Hiqtang Teyhungwa Jesu Khristo Wa Shkewa ma kechu ajong. Piq aa Jesu Khristo sha amáng wang thajey eq, piq ajong manchan wang hiqtang rangma anal rollung kot taphi. Etho iri raaq rey hiqtang ma atharang tungmang kot phi.

1 Peter 1:3 Referencias Cruzadas

1 HOKHVMX 8:15

Apaiq raq akha jaüto, “Tatiwe Israilnok Shiikeawe kli tiitsam rong laq! Apaiq raq iwe Dawit ma akiq kham raüpot akuqthü kra tiikupikuq wanto she. Apaiq raq akha khamkuqto,

1 KAÜWA WERAÜ 29:20

Raütiishe Dawit raq mungmaiqse ma, “Namshiq Tatiwe Shiikeawe ka tiitsam ronglaq!” nguta aming kuqto. Kiimaq ngongthun tlaq mungmaiqse kunli raq tsangtitiim Tatiwe, Shiikeawe ka tiitsamto. Kiimaq tsangshiq ka hiq na bumtlii raüta Tatiwe shrengto kiimaq hokhamwe min shrengto.

2 KAÜWA WERAÜ 31:8

Riita Hokhamwe Hejekia raq nai asengi ajong alabi raq kra pahea kongphiq saü wantaq kra chhi raüta tsangshiq raq Tatiwe ka tiitsamto. Kiimaq asengi Israilnok kra tiitsamto.

Tvtsvmc 41:13

Tatiwe tiitsam laq, Israilnok Shiikeawe ka! Apaiq ka ümchaü kiimaq pattup pat-sa tiitsam laq! Amen! Amen!

Tvtsvmc 86:15

Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.

Tvtsvmc 86:5

Ümniika naishiq ma ahea kiimaq naishiq mra diiketi, tiipitmaüphan lungwii ka ümjaq wa achu jaüti ma sitlo.

DUNGWVNC 34:6

Raütiishe Tatiwe ka apaiq miki na lea wanto. Raüta akha riimto, “Ngi, Tatiwe ka, Shiikeawe pinthum mangchan tsii rümti kiimaq tsan tsihea maq mangchanti, mokhiq khiq mang phan, kiimaq lungwii tsii jonghea rümti kiimaq pinthum tsapkapti.

ISAIA 26:19

Naishiqnok maiq ümchuwa tsaitaq thun ka thongshi atra misi wan nong! Tsangshiq maa thun ka atra mija wan nong. Ümchuwa maakho na kontlaq thun ka, asam mirwan raüta chochikhiq mishinge. Bangkham chhainyii raq hiqraikhü trap tlaq ikha, Tatiwe raq rathup na atsaikiti thun ka, atra mitiisam wan nong.

Jona 4:2

Krai mren, apaiq raq akha achu jaüto, “Tatiwe ngi raq naimung maq mitiido wan shaq na, ümniiriika akha mangchan mitiichhi kuq haü nguta chongkang ihata? Kra ningkhan tiina, ngi ka Spen mung na juwan la nguta dankang ira! Ngi raq ümniika kaphap wanti Shiikeawe, kiimaq lungwii tsantsii jonghea rümtiwe, mokhiq min khiq maü phan, kiimaq mangchan tsantsii rangchong kiimaq atsa asha chang wiimin tsa sha maü maq senaino tiikhup wongke wanti.

John 1:13

Tsangshiq Shiikeawe setiim ma jawantaq kriika, mangjong han-ngam maq rawü chhi tlaq, ikha rawü chhi raüta Shiikeawe setiim ma jawan ka riimak. Shatmaq, Shiikeawe apaiq raq tsangshiq ka, asetiim ma tiija tlo.

Romans 12:12

Shiikeawe ma ranphan wan tlan krai mren, chochikhiq maq si ronglaq. Namshiq ma chamchao saü tlaq ranaiq na, tsan tiibum lanta nin ronglaq. Kiimaq wranaiqshe achu jaüshat maq si ronglaq.

Romans 15:13

Riita, ija, ümchaü min, wiitarü ma tsaiji tlamke wanti Shiikeawe raq, namshiq ma chochi tsantsii ka, asho awo miishe mikuq laq. Kiimaq kiqkap jaqshap rilung kra, Shiikeawe ma kamtsantsii thü tlan kra lümaq mitiishowo kuq laq. Krai mren, namshiq ran tsantsii rüm tlan kriika, Asii Wenyi ningkun maq, jonglu wan ruq li mirlaq.

Romans 4:25

Nashiq ngarai ningkhan apaiq ka tiitsat baiqto. Kiimaq hali nashiq ka Shiikeawe rai kechu maiqse she nguta, apaiq rai shram wan miitu, apaiq ka amaa wa tiidong wanto.

Romans 5:10

Akhing ashi na, nashiq ka Shiikeawe ma wesang ralii kong siwan kai. Shatmaq, apaiq raq nashiq ka Ase tsaitaq kra lümaq, ümchaü sanha apaiq khi alubi miishe tiija wanto. Riita, ikhiijiila, ümchaü sanha, nashiq khum na Khristo rilung sitlaq kriiraq tiichhii kuq wan lili raüta, nashiq ka ümtinkhan ajong alu ma tiija wan chang she wa sitla riila nya!

Romans 8:11

Riita, ara chong tiikai arai mren, Shiikeawe Asii Wenyi, Jesuq ka amaa wa tiidong wanti we kra, namshiq khum na sitlaq jiika, Shiikeawe apaiq riisii hali, Khristo ka amaa wa tiidong wantaq kiikhiisii, namshiq han-ngam ariim kai chang kiimiimin, tsitsü rilung she mithü kuq wan. Arka namshiq khum na Shiikeawe Asii Wenyi sitlaq kra ningkun lümaq mikuq wan.

Romans 8:24

Nashiq ka, ara ran tsantsii thü wan tiikai ara lümaq, tiichhii kuq wanto. Shatmaq, nashiq raq, jamlai miitu wa ran tsantsii thü tiikai, kriika na mak maq rashra she chhi hai jiika, ran tsantsii thü wan ka riimak she miraq. Mak maq jamlai wa rashra chhi lot tiikai, kra miitu ka aran phan wan chang ngutiimin sha misi. Kriika namak mri rashra kata.

1 Corinthians 13:13

Riita, ara chong kai kongphiq thun liipan arwa, ara kongphiq atsam arli she mitiichong. Kamtsantsii, aranphantsii, kiimaq lungwiitsii. Riita ara atsam arwa, ajong pinthum kongphiq ka lungwiitsii.

1 Corinthians 15:20

Shatmaq riikhaqli tengteng bomtsi ka ara: Khristo ka amaa wa tiidong wanto she. Krai mren, apaiq ma kamwanti maiq ümchuwa atsai riiwan tlaq, kriiti thun tarü ka atra midong wan nong ngushat she. Arka mongngam maq kamwan miitu hakhi raü tu she.

2 Corinthians 1:3

Nashiq raq Shiikeawe ma kiimaq nashiq Tati Jesuq Khristo ma Awe pinthum mangchan tsantsii rümti we Nawe Shiikeawe, phanrap phanrii maq khrumketi we ma kechutum rong i!

Galatians 6:16

Riita, ija, ümchaü min, juwa ara chong tiikai rilung anye ara lap wan raütiishe sitlaq, kriiti ma, Shiikeawe raq khusang rakhang rilung, kiimaq atiihang wan mangchan kli she, asho awo maq mishman kuq laq. Tsangshiq miimin kiimaq, Shiikeawe sengi maiqse tarü ma, mishman kuq laq!

Ephesians 1:17

Kiimaq nashiq Tati Jesuq Khristo ma Awejong Shiikeawe, achhai anyii khushü ajong rümti we jaq wa, namshiq miitu achu jaü tiikang, apaiq raq namshiq ma, Asii Wenyi ka asho awo mikuq laq nguta. Raüta namshiq ka, wenyi rilung na taksu maiqse ma mitiija laq. Kiimaq, Asii Wenyi raq namshiq ma Shiikeawe rai atsaü maq mang mitriisap kuq wan laq. Krai mren, namshiq ka apaiq ma tsanwa wetiim ma mitiija laq.

Ephesians 1:3

Riita, ümchaü sanha, nashiq wiitarü raq, Shiikeawe, Tati Jesuq Khristo ma Awejong Shiikeawe ma, kechu tum rong i! Ara jamkhano chongtiikang ngukla, nashiq ka Jesuq Khristo rai pumshi hanshi she tiipum wan kai krai mren, Shiikeawe apaiq raq, nashiq ma ramungtan na ümchuwa achu shiiman sitlaq kra, wiita kuqto she.

Ephesians 1:7

Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.

Ephesians 2:4

Shatmaq, nashiq miitu Shiikeawe tiihang wan mangchan tsii ka pinthum asho awo rümtlo. Kiimaq apaiq raq nashiq ma lungwiitsii rüm tlaq, kriika achong lot mai, tsaühea rüm tlo.

Ephesians 3:20

Shiikeawe riika, nashiq raq jaütiikai kra thaq niimin achan ana, nashiq raq nü maq achonglot mai misham kuq lot. Kiimaq nashiq tiima raq athin min thinki lot mai chang thun jaqsham kra, misham kuqlot. Ara jamkhano chongtiikai ngukla, Shiikeawe ningkun tu ka, nashiq khum na siraüta jaqshamtlo.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.

Colossians 1:27

Shiikeawe raq kra apaü raüta athü wan ka, ümchaü sanha asengi ma, aphoq kechang she nguta akiq tiideato she. Riita ara achong lot mai rahea phan, achhai anyii tsiiqchong nyamchong rümtlaq arka, wiitarü miitu rümtlo. Riita ara chongtiikai apaü raüta athü bomtsi ka, Khristo ka namshiq khum niishe sitlo nguta chongtlo. Kra liichum ka, namshiq riimin Shiikeawe achhai anyii khushü jonglu kra milap wandam han she nguta ngo ahata.

1 Thessalonians 1:3

Naishiq raq, namshiq ka, na Shiikeawe kiimaq Nawejong Shiikeawe man na, namshiq raq kamtsantsii ka jaqsham ma shiitai tlan kra miitu, kiimaq Shiikeawe ma lungwiitsii rüm tlan kriikha maq, Shiikeawe jaqsham ka pinthum shiichaq lanta sham tlan kra miitu, kiimaq namshiq raq, nashiq Tati Jesuq Khristo ma ran tsantsii thü tlan kra, pharang rang maq thü tlan kra miitu, Shiikeawe man na, laq maiq maq achu jaü tiikai.

1 Thessalonians 4:13

Naphu nanotiim lei, maiq ka atsai kai jai, jamkho jaki tla, kra tengtlaq bomtsi ka, naishiq raq namshiq ma tsan na, tiitsang dada maq chongke ro tiikai. Ara tengtlaq bomtsi ara sap han jiitiq, aranphan chang ahüti thatsang maiqsetiim shiri tlaq ikha, namshiq ka shirirai man she mirhan.

2 Thessalonians 2:16

Riita, ümchaü sanha, nashiq Tati Jesuq Khristo apaiq pumsii maq, kiimaq Shiikeawe, Nawe Shiikeawe, nashiq lungwiiti we raq, kiimaq nashiq ka apaiq kaphap khoqramkii maq keishat maq, awokhong na tiisi raüta rümti we raq, jangshi min kiimwiiq tiichhan mai phan maq, apaiq lamphan na siwan miitu, srea nola tsantsii li mikuq laq. Kiimaq apaiq saükai khe laita siwan miitu pharangrang ran tsantsii mikuq laq.

1 Timothy 1:14

Shatmaq, nashiq Tati Jesuq Khristo raq, nashiq ma tiichhii wan mangchan ka tsaühea rüm tlo. Kra apaiq mangchan tsii phumram kham maq, i khum na bat wan shatmaq, apaiq raq ngi ka shiililii wan kha miili, ümchaü ngi raq Khristo ma kamwan kang ara. Lata, Khristo Jesuq lümaq, Shiikeawe raq Phungmaiqse mangchan tlaq kriimin she lap wan kang.

Titus 2:13

Nashiq raq tsankhun maq, ranaiqshishi ka, nashiq ma Ajong Shiikeawe khushü jonghea luhea achhai anyii liliim sitlaq kra, michhi rong i nguta, khewan tiikai. Kriika nashiq Chhiitiwe Jesuq Khristo saüki tlaq, achu shiiman jonghea Ranaiq na michhi rong i nguta kamto maq khe laita sitiikai.

Hebrews 3:6

Shatmaq, Khristo ka Shiikeawe ma Ase. Krai mren, apaiq ka Shiikeawe sengi thun kra tsapkapkap maq rümti we. Nashiq raq Shiikeawe ma kamtsantsii rüm tiikai ara thaq mai phan maq, tsan tiijong laita, pharangrang maq sihai jiila, nashiq thun armin, Shiikeawe sengi nguta misi rong i.

James 1:18

Apaiq tsantsiitsii maq nashiq ka tengteng bomtsi maq rawü tiichhi kuqto. Raüta wenyi rilung na nashiq ka apaiq raq ümchuwa phansang wantaq, kra thun thaq na, nashiq ka lamsheati ma tiija wan miitu phansangto.

1 Peter 1:13

Riita ara chong tiikai arai mren, namtsan tsii ka tiije shat maq sironglaq. Honkam shat maq sironglaq. Kiimaq namtsan tsii ka Jesuq Khristo ümtiikaq ranaiq wa saüki tlaq, kra akhing na namshiq raq lap wan chang achu shiiman jonghea sitlaq, kra thaq na tiitsi lanta singa ronglaq.

1 Peter 1:21

Riita, apaiq pum lümiishe namshiq raq Shiikeawe ma kamwan lan. Apaiq ka Shiikeawe raq amaa wa tiidong wanto she. Raüta apaiq ma Shiikeawe raq achhai anyii khushü jonghea kuqto she. Krai mren, namshiq raq kamtsantsii thü tlan kriika, Shiikeawe raq mikuq dongdii. Kriika poiki mak she.

1 Peter 1:23

Namshiq ma Awe ka Shiikeawe. Apaiq raq namshiq ma rilung anye she kuqto. Apaiq ka atsaiti riimak, shatmaq tsai mak phan. Kiimaq apaiq raq namshiq ma, apaiq bomtsi Tsütsa Ahea lümaq namshiq rilung anye kuqto. Asii bomtsi ka pattup atra siruq phan. Arka thenki mak phan.

1 Peter 2:2

Kiimaq rawü chhi nye noshiisetiim ikha, wranaiqshe asii chiisan kamasham nyakpü, asii bomtsi kra nyang wan roli she, namtsan mong na kham-nyang tiitsi lanta sirong laq. Akha nyang lanta sihan jiila, namshiq khum ka ahea wiq maq mijong luwan. Kiimaq namkhum ka mitiichhii wan lot.

1 Peter 3:15

Shatmaq, namshiq tsan mong na Khristo ma anato lanta sironglaq. Lanta apaiq ka Tatiwe nguta shreng shatmaq sironglaq. Maiq raq namshiq ma, Shiikeawe miika jamlai nguto kam tlan nguta, bom waiso raüla, bomtre miitu wranaiqshe khekham maq sirong laq.

1 Peter 3:21

Kra rathup jüjang wantaq liichum ka, ümchaü namshiq raq kham lam tlan kra lümaq, namshiq khum tiichhii kuq tlaq kra tiiji shi kuqto. Kriika han-ngam khum wa ashe ashi maqraiq hebaiq riimak. Shatmaq Shiikeawe ma tsantsii siirairai maq kiqkham raüpot khake wan achu jaü bomtsi. Ara lümq namshiq ka Jesuq Khristo amaa wa dongwantaq ningkun maq chhiito.

1 Peter 3:5

Richü pat na siti kamasham nyungre riimin la, Shiikeawe ma tsangshiq khum ka wiita kiinong kuq raüta, awesetiim wokhong na sito. Raüta tsangshiq rilung sham ka wujong wurii setiim ikha, shamhea shamjü, athuk atsom sito.

1 John 2:29

Namshiq raq Khristo ka asii arai we nguta asap han. Krai mren, jurwa tingting jaqsham tlaq, kriiti ka Shiikeawe se she nguta namshiq raq sap chang kata.

1 John 3:3

Khristo ka asii. Krai mren, apaiq rai adam si miitu ranphan tlaqti thun loweatek raq akhum ka asii maq thü chang.

1 John 3:9

Juwa Shiikeawe se she jawantaq, kriiti riika ngarai tangruq ka tang mak she. Shiikeawe asii phara rilung ka apaiq khum na ake kun she. Shiikeawe ka apaiq ma Awe shaq she tiija wantaq kriikha maq, apaiq raq ngarai ka tang ruq ka tang mak she.

1 John 4:7

Lungwii phunainotiim lei, nashiq liipan na riimang riichan maq sirong phiina. Jamkhano ngukla Shiikeawe ka lungwiitsii. Lungwiitsii rümti ka Shiikeawe se. Apaiq raq Shiikeawe ka asap.

1 John 5:1

Jurwa Jesuq kiidea Messia nguta kamtlaq, kriiti ka Shiikeawe se ngushat she. Jurwa awe lungwii tlaq, kriiti riika ase min milungwii.

1 John 5:18

Nashiq raq asap i, Shiikeawe Se riika ngarai tang wan ruq ka tang mak she. Jamkhano ngukla, Shiikeawe Se raq apaiq ka khupkhe shat maq rüm tlo. Kiimaq Abi Thawe raq apaiq ka shiithen baiq lot mak she.

1 John 5:4

Ara jamkhano ngutiikai ngukla, Shiikeawe setiim loweatek riika mangjong hiq ka mitang lot siisaq. Riita nashiq raq ara mangjong hiq tang lot tiikai arka, nashiq raq Jesuq ma kamtsantsii thü tiikai kra lümaq tang tiikai.