1 Peter 1:3 - Muklom

³ Hiqtang Teyhungwa Jesu Khristo Wa Shkewa ma kechu ajong. Piq aa Jesu Khristo sha amáng wang thajey eq, piq ajong manchan wang hiqtang rangma anal rollung kot taphi. Etho iri raaq rey hiqtang ma atharang tungmang kot phi.

ASII LAKDAP Bible (BSI)

³ Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

Hawa Naga Bible 2001

³ Naungshiq rueq naungshiq Taungjix Yesu Christu Waz Tishox muex kejux vyungx ngoz ix! Yvmx khoc lac ngoz ruiux lec vpiq menjenc yunghvlc maq Yesu Christu kuex vthueyc wawc tvyuing tvtenc wvnc khuec nuex vpiq rueq naungshiq muex rullungx vnyalx kuq vtueq naungshiq nuex vtvraungx httax yaq thuinz tvluimc juing kuex tvmvrc kuq phuex.

1 Peter 1:3 Referencias Cruzadas

John 1:13

Ning sha Shkewa susa angta tha tahi wang ang moq, etho hanngam tinuk wang ang moq, etho miqwa tinuk wang ang moq; etharin Shkewa hun ning tha ususa tang ma hunta.

Romans 12:12

Tungmang sho sungrang eq tong inn; tsamnang na thanan shing inn; romtam na arong tong inn.

Romans 15:13

Tungmang kottey Shkewa nim kam tungkang o nim sungrang nia nungmay wang cham tashey phin, irimal Asang Tsija tarong wang nim tungmang shi cham chen chey aa.

Romans 4:25

Piq tha hiqtang ngarey rangma tatik wat ma kot ta etho hiqtang asing miq ta shing rangma tho rollung na wey thajey ta.

Romans 5:10

Hiqtang Shkewa ralwa ang rangham tho umiqwasa tik tungkang o hiqtang sha piq jamoq karok kara ang ti jo, kara sey ang jio Umiqwasa rollung tungkang o hiqtang chamlang ma wey lun mi ang ni?

Romans 8:11

Barey Jesu sha amáng wang wey thajey ta, eshi Shkewa Tsija sha nim o tong aa ta ang ajo, Khristo sha utik wang thaluntey shey nim o tong aa Tsija tungkang o nim utik phan hanphung ma rollung kot na.

Romans 8:24

Iri tungmang tungkang o hiqtang aa lunwan kapti; etharin bari tungmang sha jin khi eq i, esha asing tungmang tho ang moq. Hiqtang aa khi phan shima utang eq tungmang na?

1 Corinthians 13:13

Iri tom raa dak na: Kam, tungmang, etho tinmat; etharin tinmat raa iri atom jaktung na thaji pheynáng eq ajong.

1 Corinthians 15:20

Etharin Khristo sha asing hun wey jey ta etho bari tang raa thanga utik ang aa, ning sha tho wey jey angna ta takhi ta.

2 Corinthians 1:3

Shkewa nia Teyhungwa Jesu Khristo Wa, bara hiqtang ma rapney tinshit taphi, etho bari wang thaji tinthajong thutapha, piq ma kechu ajong kot inn!

Galatians 6:16

Bari tang rey iri thóng raa tat aa, ning o etho Shkewa Israel miqtang o, nungmay nia tinshit cham ang chey aa.

Ephesians 1:17

Hiqtang Teyhungwa Jesu Khristo Shkewa bara phun amun wa, piq aa nim ma thunglam Tsija nia takhi khang Tsija shi cham kophin, irimal ang eq nim aa piq qhalmay shi jaqhal eq cham sam inn.

Ephesians 1:3

Hiqtang Teyhungwa Jesu Khristo Shkewa nia Wa ma kechu ajong cham ang aa. Piq aa hiqtang ma Khristo o mungtan na uphan Tsija sunmaan kot taphi.

Ephesians 1:7

Hiqtang sha Khristo tahi tungkang o taqhap taphi, etho ngarey tang wang tolchak kapti; Shkewa ráng manchan shi chamtan ajong aa!

Ephesians 2:4

Etharin Shkewa tinshit ahan etho piq ajong utinmat o,

Ephesians 3:20

Thanga hiqtang aa chamtan chu ni etho chamtan tathin ni eshi phey náng eq Shkewa tarong sha jin som i; eshi tarong shey hiqtang tinmong o somlo aa.

Colossians 1:23

Nim kam sha thóng mal achíng ang ching, etho eshi tungtang qhal tungmang shiwang nim mot ching ang moq. Eshi tungtang qhal sha nim aa tat tin etho esha rangkan anim thaji phang shina phanchan ta etho eshina nga Paul sanga ma ang táng.

Colossians 1:27

Ning ma Shkewa ira takhi ma tathin ta, Gentile tang rangma iri apu ashum raaq raa chamtan thangchan aa. Etho apu ashum raaq ira, Khristo bara phun amun tungmang, piq nim tinmong na tong aa.

1 Thessalonians 1:3

Í aa hiqtang Shkewa nia Wa jakho na nim kam jaksom etho nim tinmat jaksom etho hiqtang Teyhungwa Jesu Khristo ma nim tungmang sha salwet tasik i.

1 Thessalonians 4:13

I no nia pho tang, bara utik sey angta, ning tung aa raaq nim aa sam hunga tong shima í nuk mi. Irimal ang jo tungmang shing moq miqdak mal nim jungnáng min ang inn.

2 Thessalonians 2:16

Hiqtang Teyhungwa Jesu Khristo hun etho hiqtang Shkewa barey hiqtang ma tinmat shing taphi etho piq ráng manchan wang hiqtang ma pattuk rangma tinthajong nia jaqhal tungmang kot taphi,

1 Timothy 1:14

Etho hiqtang Teyhungwa nga ma ahan ráng manchan kot taphang etho eshi jamoq uhan nia tinmat tho nga ma kot taphang, bara Khristo Jesu jamoq kara eq hiqtang aa kap i.

Titus 2:13

Hiqtang sunmaan saal shima hiqtang aa tungmang eq irimal tong ching. Eshi saal sho hiqtang ma ajong Shkewa nia hiqtang Thaluntey Jesu Khristo phun amun sha takhi na.

Hebrews 3:6

Etharin Khristo sha Miqwasa mal Shkewa himna ukam eq ching ang aa. Etho hiqtang aa tintharong eq etho hiqtang tungmang shingchak mi ang ijo hiqtang raa piq him.

James 1:18

Piq aa umongtham wang hiqtang sha asing raaq tungkang o tsija rollung kot ta, irimal eq piq aa taqhong dang ta atharang phan jaktung na hiqtang phang uti ungo mal ang ni.

1 Peter 1:13

Irimal ang ajo jaksom rangma nim thung shi kacha inn. Rangtun eq tong inn etho, Jesu Khristo kat rangham o nim aa kap ma ta inn eshi ráng manchan rangma nim aa tungmang shing eq tong inn.

1 Peter 1:21

Khristo tungkang o Shkewa ma nim aa han tin, barey Khristo tha amáng wang wey thajey ta etho piq ma phun amun kot ta. Irimal ang eq nim kam nia tungmang Shkewa na ang aa.

1 Peter 1:23

Chammatakoi nim takshey wey chang tin etho ira ushit phan uli wang ang moq etharin shit moq phan uli wang, bara atharang nia pattuk Shkewa raaq.

1 Peter 2:2

Anal chang nijang sa tang mal, asing tsija pungchi ling ma lal inn. Irimal ang ajo nim lunwan sha chalo na,

1 Peter 3:15

Etharin Khristo sha nim tin na Teyhungwa ta tathin eq rangka inn. Chamtey eq nim tungmang tung aa raaq pit ma ang ajo piq ma thawel batma salwet kacha eq tong inn.

1 Peter 3:21

Eshi jung sha junglam màl mal, bara thanga nim raa thalun phin. Esha nim haan wang makri tasang aa ta ang moq etharin ira Shkewa chingko náng alang thung atal rangtum. Jesu Khristo wey jey tungkang o irey nim thalun phin.

1 Peter 3:5

Nimpangning aa asang miqnu tang atho, barey Shkewa sho tungmang shing ta, ning ni ning irimal tatsumrang ta etho ning ni ning himteywa jaktáng o tong ta.

1 John 2:29

Nim aa usam eq inn, Khristo Asing Miq; ethi rangma nim aa usam eq ching, bari miqtang raa asing som eq tong aa, ning Shkewa wang changta.

1 John 3:3

Utang aa Khristo na irimal tungmang shing aa, chamal Khristo asang aa thimal piq ni piq sha asang shing aa.

1 John 3:9

Utang Shkewa wang chang ta, piq aa ngarey som chey moq, chammatakoi Shkewa dangjang piq tinmong na etho Shkewa wang chang tungkang o piq aa ngarey jin som moq angna.

1 John 4:7

I tinmat noknu wa tang, hiqtang ashey aa ashey ma tinmat ching, chammatakoi tinmat sha Shkewa wang. Utang tinmat aa piq Shkewa wang changta etho piq aa Shkewa sha sam aa.

1 John 5:1

Utang eq Jesu raa Khristo ta han aa piq Shkewa wang chang ta; utang eq uwa ma tinmat aa sha usa ma tho tinmat aa.

1 John 5:18

Hiqtang aa usam eq i, Shkewa wang changtey miqtang shey ngarey sha som chey moq, chammatakoi Shkewa Miqwasa ning sha hom aa, etho thangwa ning sha jin tatsam moq angna.

1 John 5:4

Chammatakoi Shkewa wang changta sa tang iri mingkang jin aa. Etho hiqtang kam wang iri mingkang raa ujin sey ti.