1 Peter 1:4 - Muklom

⁴ Etho Shkewa umiqtang rangma ajong sunmaan mungtan na tashing aa eshirangma hiqtang tungmang shing i, bara baluk otho thun moq angna, baluk otho mitmoq angna etho baluk otho shiqti moq angna.

ASII LAKDAP Bible (BSI)

⁴ Arkha miitiina, nashiq raq mongngam maq, Shiikeawe raq asengi ma kewan miitu achu shiiman alüm alei, jonghea tiije thü tlaq kra, milap rong i she dongdii nguta khekham maq sitiikai. Shiikeawe raq kra achu shiiman tum thun kra, namshiq miitu ramungtan na thü tiije tlo. Kra achu shiiman thun kriika, ariim kai chang phan ka riimak. Kriika ümtiikiimin riimki mak phan. Kiimaq athen min thenki mak phan. Kiimaq amiinu ka ajomkai chang phan min riimak.

Hawa Naga Bible 2001

⁴ Kvkhoc rvtueq naungshiq kuex vpiq miqsaz htenc tvkoc Tishox rueq vtvjomx taq vphungc vphawx ruimrix kejux htenc kuex lvp wvnc laung nuex tvluimc hangc vshix. Vpiq rueq batac kaz muq shuyshac muq vthawz vmoz vguez tsak vnyvmx htenc kuex raungmungx nuex nuimshiq tvkoc tvjomx taq shec tueq.

1 Peter 1:4 Referencias Cruzadas

Matthew 25:34

Esho Lungwang eq jakqhak kowang tang thima batna, ‘Nim thaji Iwa sunmaan kaptey tang, wangphin. Nim mingkang haq hun tok wang nga nim ma shing táng, nim mung shináng wang inn.

Mark 10:17

Jesu tunshat eq ukat angma ang atho, ashey miq jol eq piq jakho na langku o tong eq piq ma pitta, “Aqhal tatalteywa, pattuk rollung kap rangma nga chamlang som ching aa?”

Acts 20:32

“Nga nim raa Shkewa nia uráng manchan tung aa raaq shing phang. Iri raaq rey nim chalo ma jin nong eq na etho Shkewa umiqtang rangma kot aa sunmaan thaji sha nim rangma angna.

Acts 26:18

Nang aa ning miik sha ulak eq ching etho rangnak wang rangwung náng sol ching etho Thangwa tarong wang ning Shkewa jamnáng sol ching, irimal ang ajo ning ngarey sha tolchak eq na etho Shkewa umiqtang rangma bara haq shingta sho ning aa tho eshi haq sha kapna.’

Romans 8:17

Thanga hiqtang usa tang ang ijo hiqtang raa sa may; etho hiqtang Khristo jamoq Shkewa phun amun sa may ang i. Etharin hiqtang phun amun sa may ang ijo piq tsamnang jamoq tho atha ang ching.

1 Corinthians 9:25

Thaji tatut joltey miqtang sha ning ni ning sha rapney aheng thong na tong aa, ning aa shittik ang phan khopok sha kap rangma irimal somlo aa, etharin hiqtang aa shit moq phan khopok kap rangma irimal somlo i.

Galatians 3:18

Shkewa kongpha sha thong wang kap ijo, esha rangtum wang ang moq; etharin Shkewa u ráng manchan wang esha Abraham ma rangtum tungkang o kot ta.

Ephesians 1:11

Shkewa thaji sha utinthin mal somlo aa; etho Khristo o hiqtang umiqtang ang rangma utinthin mal tal talphi; piq aa phang wang tathin ta mal sha somta.

Ephesians 1:14

Shkewa umiqtang rangma chamlang rangtum ta esha hiqtang aa ukap hun eq ni ta Asang Tsija eq takhi kot aa. Irimal ang eq hiqtang aqhap sey angni ta Asang Tsija aa tintharong kot aa. Uphun amun shi cham tasapsey aa.

Ephesians 1:18

Nim tin eq uphang sha khi rangma cham thalak aa ta nga romtam chu ang, irimal ang eq piq aa nim chamlang tungmang rangma halta phin esha nim aa usam eq nin, etho piq aa umiqtang rangma talta rangtum ta sunmaan thangchan sha tho nim aa usam eq nin,

Colossians 1:12

Etho nim aa Wa ma sungrang jamoq kechu ajong kot chey ro eq nin, barey nim ma alit rangmuntan miqtang ma chamlang shing aa esha kap rangma lam lak kot ta.

Colossians 1:5

Eshi kam nia tinmat sha nim rangma nim ma mungtan na tashing aa, ira tungmang wang kap inn etho eshi tungmang sha nim aa tungtang qhal asing raaq na utat sey tin.

Colossians 3:24

Chammatakoi nim aa usam eq inn, nim ma iri kaley Teyhungwa kongpha ukot eq na. Bara umiqtang rangma shing ta. Ning aa Teyhungwa Khristo jaksom sha somlo aa.

2 Timothy 4:8

Etho thanga irangma mungtan na ashey kongpha shing aa, esha asing rollung na tongtey ma shing aa cha khopok. Asing eq phung kottey Teyhungwa eq eshi cha khopok sha irangma piq wey kat Saal o kot na. Ngama chen ang moq, etharin utang eq piq jukshey weykat rangma tungmang shing aa, ning thaji ma tho kot eq na.

Hebrews 10:34

Nim chukna tongtey tsamnang jam shina rok tsamnang tin, nim lik aa ngin sungrang eq tasom tin; chammatakoi nim relna jaqhal etho salwet ang phan alik aa ngin atha ta usam eq tin.

Hebrews 9:15

Phang raaqkhak jakkhung na tongtey miqtang ngarey wang ning sha taqhap rangma Khristo sha tita, eshirangma piq sha anal raaqkhak karatey, irimal ang eq uhal eq ta miqtang eq pattuk sunmaan kapna bara Shkewa ning rangma rangtum ta.

James 1:11

Rangsal thalat eq, achan rangmay ajo naamrum sha takhuk chak aa, etho pilpung sha sho wang ang aa etho pilpung qhalmay sha shiti aa; ning jaksom som eq shitti na.

1 Peter 3:9

Jashit kaley jashit nak somlo inn etho junnam kaley junnam nak kot inn; etharin eshi kaley sunmaan kot inn chammatakoi Shkewa hal taphin tho nim ma sunmaan kot ma hal taphin.

1 Peter 5:4

Etho Ajong Kelwut rimtey takhi ajo, nim aa phun amun khopok sha kap nin, eshi rangham alip sha baluk otho munti moq angna.

Revelation 21:27

Eshina anaan tangwang tang baluk tho jin nop moq angna, etho rakri jaksomtey etha ang moq o alik battey nop moq angna. Etharin Kelwut sa rollung likdap na utang miing thawit aa ning sha hun jin nopna.