1 Peter 1:4 - Hawa Naga Bible 2001

⁴ Kvkhoc rvtueq naungshiq kuex vpiq miqsaz htenc tvkoc Tishox rueq vtvjomx taq vphungc vphawx ruimrix kejux htenc kuex lvp wvnc laung nuex tvluimc hangc vshix. Vpiq rueq batac kaz muq shuyshac muq vthawz vmoz vguez tsak vnyvmx htenc kuex raungmungx nuex nuimshiq tvkoc tvjomx taq shec tueq.

ASII LAKDAP Bible (BSI)

⁴ Arkha miitiina, nashiq raq mongngam maq, Shiikeawe raq asengi ma kewan miitu achu shiiman alüm alei, jonghea tiije thü tlaq kra, milap rong i she dongdii nguta khekham maq sitiikai. Shiikeawe raq kra achu shiiman tum thun kra, namshiq miitu ramungtan na thü tiije tlo. Kra achu shiiman thun kriika, ariim kai chang phan ka riimak. Kriika ümtiikiimin riimki mak phan. Kiimaq athen min thenki mak phan. Kiimaq amiinu ka ajomkai chang phan min riimak.

Muklom

⁴ Etho Shkewa umiqtang rangma ajong sunmaan mungtan na tashing aa eshirangma hiqtang tungmang shing i, bara baluk otho thun moq angna, baluk otho mitmoq angna etho baluk otho shiqti moq angna.

1 Peter 1:4 Referencias Cruzadas

Tvtsvmc 31:19

Mnoz muex tvtsanc nganc jix htenc tvkoc mnoz rueq vyoalc taq vhvlx kejux htenc kuex pinhtumc vwangc juing mvnauz! Mnoz mtanc lac hvlx vtuiux kvruex muinz mnoz muex tvluimc yaq jix htenc kuex mtanc lac mnoz rueq tvkhup wungx vshuiux kuex miq ruip rawx rueq tuiuz yaq.

Tvtsvmc 47:4

Vpiq rueq naungshiq httaz juing ghaq vraungx kuex naungshiq tvkoc thvl taq shec tueq, kvruex kuex vpiq rueq lungwawx yaq vpiq miqsaz htenc kvsomc parc juing rvtueq.

ISAIA 66:22

“Ghaq nyalx nuiyc raungx nyalx kuex ngvy luimc vkawc maq phaungx ngaungx yaq ikhoc, msuiuz msaz htenc nuiyc mmuingc kuex phaungx ngaungx tuex.

EJEKIEL 47:12

Yuix ruilx saz kvruex kawx samx wvguip nuex vsvy mvy vthuey thueyc yaq pulx phvnx ruip saz kemz tuex. Vyauk htenc kuex mkaq muinz yuiuq muq, vthuey muinz htumx muq. Shomc Yuimx maq vkaz yuix saz ruilx lvp ningkhvnc nuex yapix lex tek vthuey vhvlx thuey yaq. Pulx htenc muinz vsvy juing pulx thuey tvthuey kuq ruiux, vyauk kuex miqthuiuz miqsac tvhvlc tvkoc shuimx yaq,” ngoz tueq jungx phuex.

Matthew 25:34

Kvruex yimaq Hokhvmx waz rueq vpiq yauk keq kox nuex httax yaq jix htenc muex, ‘Iwaz kox wawc ruimrix lvp lvy jix htenc lex! Kaz wuez luit, mungkawx tvdung sung tueq maq phaungc vtueq nuimshiq tvkoc vtvyoalc taq mungtan ngoz yaq tsak vnyvmx kuex lvp wvnc wuez shuinz.

Mark 10:17

Yesu kuex vkhuemc tvkoc dung kaz yaq nuex, miq vshiz vpiq kox nuex yuz vtueq, vpiq khaungkac nuex kuix tsvrung nuex bumx ruiux, “Vhvlx tvluingc waz lex, pattup pat-sac rullungx lvp laz juing ngaz rueq yvmx ruec juing lac?” ngoz tueq wiz tueq.

Acts 20:32

“Majuiuc ngaz rueq nuimshiq kuex Tishox nuex muinz, vpiq kejux nuex seng yaq bomjungc nuex muinz lekuq vphaungx. Kvruex kejux rueq nuimshiq muex tvtsuir tv-phaungx kuq vtueq, vpiq miqsaz lotlaz tvkoc vtvkvp shec ruimrix htenc kuex nuimshiq muex kuq kv-phuinx.

Acts 26:18

Mnoz rueq Pungnuk miqsaz htenc muik kuex tvkalc kuy rax, tsuingshiq kuex raungnyauk wawc raungwuic nuex tvhttuiuc kuq ruiux, Satan yauk mungx wawc Tishox kox nuex tvyenc wvnc shuiux. Tsuingshiq kuex ngaz muex kvmluimx ningkhvnc nuex mvrax dawc kuy rvhumc vtueq, Tishox rueq vthvl taq miqsaz muex yaungx wvnc tuex,’ ngoz tueq jungx phuex.

Romans 8:17

Naungshiq kuex vpiq saz hez rvtiq ngoz ruiux kuex vpiq miqsaz htenc tvkoc vthvl taq shec tsak vnyvmx htenc kuex naungshiq rueq lvp wvnc shix. Christu tvkoc Tishox rueq vthvl taq shec ngauz vngax kuex naungshiq rueq lvp wvnc shix; yvmx khoc lac ngoz ruiux lec naungshiq kuex Christu rulc vdvmz nuex kuilc daz rvhumc ruiux yuq, vpiq rulc vdvmz nuex ngauz vngax kuex lvp wvnc shix rvtueq.

1 Corinthians 9:25

Vyuz rvsherc jix htenc rvthaungx juing baung wawc tvrac kuex phvnx tvhungx yaq; tsuingshiq rueq kvkhoc shuimx kaz yaq kuex vyuiuq vbac kay lot yaq pulx puic khushec lvp tvkoc shuimx kaz yaq; yuq muinz naungshiq rueq kuex yuiuq kaz bac kaz muq phvnx raungc hvlc khushec lvp wvnc tvkoc shuimx kaz vshix.

Galatians 3:18

Yvmx khoc lac ngoz ruiux lec Tishox yauk noalc kejux kuex Tvrac nuex seng ruiux yuq, kvruex yauk noalc kejux kuex vpiq bomkhvmc rulc yvmx muinz seng muq shex. Yuq muinz Tishox vpiq bomkhvmc ningkhvnc nuex Abraham muex yauk noalc kejux kuex kuq shec tueq.

Ephesians 1:11

Httax yaq lotlaz kuex Tishox kvmungx lvmx nuiyc thuinz maq htvp htaz tueq rulc rv-ngvlc yaungx wvnc wuez tueq; kvmaq Tishox vpiq rueq mvnnuex phuex htvp htaz wvnc tueq lvmx nuex vjungx tvjvp vtueq naungshiq kuex Christu rulc vshiz dvyx yaungx vtix ningkhvnc nuex vpiq rueq kvmungx tueq ikhoc naungshiq kuex vpiq miqsaz htenc yaungc tvkoc thvl taq phuex.

Ephesians 1:14

Siyac kuq tueq lvmx kuex Tishox vpiq miqsaz htenc muex tvlvp luz kuy bomkhvmc taq shec tueq kuex naungshiq rueq lvp wvnc shix lvmx khvmc kuq shec tueq. Kvruex kuex Tishox vpiq miqsaz htenc kuex mvrax wawc tvsawc ric tvdung wvnc shuex lvmx naungshiq kvmx vtix rvtueq. Naungshiq rueq vpiq ngauz vngax kuex tvtsvmc kvmc wvnc wuez ix!

Ephesians 1:18

Taungjix rueq nuimshiq kuex yvmx tvluimc vtueq lac gvl kv-phuinx kvmuinz, Taungjix miqsaz htenc bomkhvmc kuq tueq vwangc juing kejux tsak vnyvmx htenc kuex mtanc lac paung yaq nguinx kvmuinz,

Colossians 1:5

Tsuingrux bomjungc ngoz yaq Thuix Thaungx Vhvlx kuex nuimshiq kox nuex kungkhux httuiuc waung vtueq, nuimshiq rueq thuinz tvluimc juing lvmx tay wvnc tuit. Kvkhoc rvtueq nuimshiq kvmluimx lvmx nuiyc lungwawx thuinz kuex raungmungx nuex nuimshiq tvkoc kvwungx juing vtvhungx kuq shec thuinz tvluimc juing htauk nuex httax yaq.

Colossians 3:24

Vpiq miqsaz muex Taungjix rueq khvmc kuq shec tueq yauk noalc kuex nuimshiq rueq lvp wvnc shuinx lvmx thuinz nuex tvtsuingc taq wuez shuinz. Yvmx khoc lac ngoz ruiux lec Christu dvyx nuimshiq Taungjix muik shauk rvtueq.

2 Timothy 4:8

Majuiuc kuex Tishox rulc vtsuing vrux maq httaz jix muex kuq yaq lotlaungc khushec kuex ngvy tvkoc tvyoalc yoalx shex, vlvmx rvkhauk phoc jix waz phoc waz ngoz yaq Taungjix rueq kvruex khushec kuex khac phox shuex Raungnuiyq ngaz muex kuq phuex. Ngaz muex dvyx rvmuq, vpiq httuiuc kaz yek yaq kuex thuinz tvluimc bvmc jix htenc muex muinz kuq shuex rvtueq.

Hebrews 10:34

Nuimshiq kuex khoktep nuex shuiuz rvhumc jix htenc rawc nuex menjenc thuinz httax wvnc tuit, miqmac hup vsvmx htenc laungc maq nyvlc wvnc kv-phuinx muinz kokez thuinz maq dvyx nanx wvnc tuit, yvmx khoc lac ngoz ruiux lec vtsanz pinhtumc httax yaq hup vsvmx phvnx shishiz nuimshiq rueq lvp taq tuit kuex nuimshiq rueq tuiuz vshuinx.

Hebrews 9:15

Kvkhoc rvtueq Tishox rueq gvlc rvhumc jix htenc kuex vpiq rueq bomkhvmc taq shec tueq pattup ruimrix kejux tsak vnyvmx htenc mlvp wvnc shueq ngoz tueq, Christu rueq bomkhvrc vnyalx tvhungx kuq shec phuex. Kvkhoc lvp wvnc juing vrangx vpangx kuex vphaungc bomkhvrc khung nuex httax tueq baunglaung vyaq gay mvrax htenc wawc tvdungc wvnc muex vthueyc khvmc kuy juing lvmx shiz dungc wvnc ningkhvnc nuex rvtueq.

James 1:11

Shalx kawc rueq vjungx tvyuiuq gay ruiux vpuic kuex tvruk gay yaq, kvkhoc svp rvp kuex tvbac gay tueq. Kvrulc rv-ngvlc luiz waungx waz kuex piq yauk shuimc shuimx kaz yaq tvbac gay rvhumc vtueq moz wvnc tuex.

1 Peter 3:9

Honc vbac kuex honc vbac maq, mvnhttonc mvntvmc kuex mvnhttonc mvntvmc maq nauk tvyez kuq kaz; kvkhoc ruec tvraung, ruimruimc kuy bomc tvyez kuq shuinz, yvmx khoc lac ngoz ruiux lec kvruex ruimruimc kuy bomc kuex vpiq rueq nuimshiq gvl wvnc tueq nuex nuimshiq muex kuy tvkoc Tishox rueq bomkhvmc kuq shec tueq.

1 Peter 5:4

Khelbuenx Remc Wayungx dung wvnc tuex nuex nuimshiq kuex vphez vlez shvmx mkaq muinz mut kaz muq ngauz vngax mvrc yaq kushec kuex lvp wvnc wuez shuinx.

Revelation 21:27

Yuq muinz vshuy vshac phvnx yvmx yuq muinz kvruex ghaqyungx kvyuq nyuip lvp tuex rvmuq, miqsuirc vsac phvnx shuimc jix, vrot vkaq kvjaz jungc jix htenc muinz nyuip lvp muq. Khelbuenx Saz rullungx luik dvp nuex muingc wvlc tvy yoalx jix dvyx kvruex ghaqyungx kvyuq nyuip lvp tuex.