1 Peter 1:3 - Hawa Naga Bible 2001

³ Naungshiq rueq naungshiq Taungjix Yesu Christu Waz Tishox muex kejux vyungx ngoz ix! Yvmx khoc lac ngoz ruiux lec vpiq menjenc yunghvlc maq Yesu Christu kuex vthueyc wawc tvyuing tvtenc wvnc khuec nuex vpiq rueq naungshiq muex rullungx vnyalx kuq vtueq naungshiq nuex vtvraungx httax yaq thuinz tvluimc juing kuex tvmvrc kuq phuex.

ASII LAKDAP Bible (BSI)

³ Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

Muklom

³ Hiqtang Teyhungwa Jesu Khristo Wa Shkewa ma kechu ajong. Piq aa Jesu Khristo sha amáng wang thajey eq, piq ajong manchan wang hiqtang rangma anal rollung kot taphi. Etho iri raaq rey hiqtang ma atharang tungmang kot phi.

1 Peter 1:3 Referencias Cruzadas

1 HOKHVMX 8:15

Piq rueq, “Yehowa Israel Tishox muex tvtsvmc wuez shuinz! Iwaz Dawid muex vpiq rueq taq tueq bomkhvmc kuex tvhungx muex vpiq rueq jungx tueq kuex,

1 KAÜWA WERAÜ 29:20

Kvruex yimaq Dawid rueq miq htenc muex, “Yehowa nuimshiq Tishox muex tvtsvmc wuez shuinz!” ngoz tueq nvr tueq. Kvkaq rvtuimx jex yaq wvtaungx rueq Yehowa tsuingshiq jix vwaz tamx Tishox muex tvtsvmc wuez vtueq, Yehowa muex muinz, hokhvmx waz muex muinz tsuingshiq bumx vtueq tvtsanc nganc kuq tueq.

2 KAÜWA WERAÜ 31:8

Hokhvmx Hezekia nuiyc piq vyungx vlaungx bix rueq kvtanc khvnc kuq kaz tueq phungc kuex khiz vtueq, Yehowa muex nuiyc vpiq miqsaz Israel muex tvtsvmc kvmc tueq.

Tvtsvmc 41:13

Yehowa Israel Tishox muex tvtsvmc wuez shuinz! Majuiuc vmaq pattup pat-sac vpiq muex tvtsvmc wuez shuinz! Amen! Amen!

Tvtsvmc 86:15

Yuq muinz O Yehowa lex, mnoz kuex lungwawc menjenc thuinz httax yaq Tishox rvtoq, mnoz rueq mkaq muinz nanx vshuiux, menjenc vtueq tvmtuing httax vtuiux.

Tvtsvmc 86:5

Mnoz kuex nuiyshiq htauk nuex vhvlx httax vtueq mvrax dawc kuq vphux, mnoz kox wawc vjux thoz jix lotlaz tvkoc mnoz phaungx ngaungx yaq lungwawc kuex mvrc laz tvlvp vshuiux.

DUNGWVNC 34:6

Kvruex yimaq Yehowa kuex Moshe khaungkac maq lvy wvnc yaq nuex, “Ngaz, Yehowa kuex menjenc thuinz mvrc yaq, lungwawc thuinz yunghvlc nueyc tvmtuing thuinz phaungx ngaungx yaq Tishox rvtauk.

ISAIA 26:19

Vthueyc kay wuez naungshiq miqsaz htenc kuex yuing kvtenc waung yek tuex! Tsuingshiq shauk pumz htenc nuex thuiuzthuic httax wvnc wuez tuex. Tsuingshiq luip ruiuz khux htenc nuex kvtsoalx wvnc jix htenc lotlaz kvsvmc wuez vtueq vkoz vkez maq shix ngoyx wuez tuex. Phez luiz yaq tsuik hek htenc rueq ghaq tvhttuingc yek yaq ikhoc, Yehowa rueq mvnnuex pat nuex vthueyc kaz hez htenc kuex tvyuing yek shuex.

Jona 4:2

Kvkhoc rvtueq piq rueq, “Yehowa lex, ngaz yuimx maq max kaz nuex phuex mnoz rueq kvkhoc ruez shuiux ngoz tueq, kungkhux nuex phuex jungx phaungx rvmuq haz? Kvkhoc ningkhvnc nuex ngvy tvkoc vhvlx pinhtumc mruez kueq ngoz tueq Spain mungx nuex yuz wvnc tauk! Mnoz kuex lungwawc thuinz, menjenc thuinz, thuinz vluz vyungx, menjenc svy thuinz maq mkaq muinz murx tvgurc dvnc shuiux thuinz kuex kvlayc gay muex vyoalx Tishox rvtoq.

John 1:13

Tsuingshiq kuex miqsaz htungx vlayx maq vjawx sahez yaungx wvnc tueq ikhoc Tishox sahez muex yaungx wvnc tueq rvmuq; Tishox vpiq pumz maq vsaz muex tvyaungc rvhumc jix hez dvyx rvtueq.

Romans 12:12

Nuimshiq nuex thuinz tvluimc juing httax yaq ningkhvnc nuex kokez wuez kuinz, kuilc daz rvhumc ruiux muinz nanx wvnc wuez shuinz, vjux thoz lvmz nuex mkaq muinz thauk muit maq thoz shuinz.

Romans 15:13

Vsawc Siyac luimc vkawc maq nuimshiq thuinz tvluimc juing lvmx mvrc wvnc tvkoc thuinz tvluimc kuy jix waz Tishox muex nuimshiq kvmluimx vtuinx ningkhvnc nuex, nuimshiq muex kokez juing phvnx ruip saz nuiyc nomic kuex mkuq kv-phuinx.

Romans 4:25

Yvmx khoc lac ngoz ruiux lec naungshiq mvrax htenc ningkhvnc nuex vthueyc tvkoc lekuy gay rvhumc tueq, naungshiq kuex Tishox rueq tvtsuing tvrux rvhumc wvnc tvkoc vpiq kuex vthueyc wawc tvyuing tvtenc wvnc tueq.

Romans 5:10

Naungshiq kuex Tishox ralx muex yaungx vtix, yuq muinz vpiq Saz kuex thueyc khvmc kuy ningkhvnc nuex naungshiq kuex vpiq kungjix muex tvyaungc kuq phuex. Majuiuc naungshiq kuex Tishox rulc kungjix shex yaungx wvnc tiq ningkhvnc nuex, Christu rullungx maq naungshiq palc daungc wvnc pinhtumc rvhumc wvnc tiq!

Romans 8:11

Yesu kuex vthueyc wawc tvyuing wvnc jix waz Tishox Siyac kuex nuimshiq nuex httax ruiux yuq, Christu kuex vthueyc wawc tvyuing tvtenc wvnc jix waz rueq, nuimshiq nuex httax yaq vpiq Siyac maq nuimshiq vthueyc vmvy lot yaq gvnngvmx kvmuinz tvyuing wvnc shuex.

Romans 8:24

Yvmx khoc lac ngoz ruiux lec naungshiq rueq thuinz tvluimc ningkhvnc nuex palc daungc wvnc rvhumc tiq rvtueq; yuq muinz khiz vshix phvnx muex thuinz tvluimc ruiux kuex, kvruex kuex thuinz tvluimc lvmz muik shauk rvmuq. Kvkhic yaq phvnx kuex uraq lac thuinz tvluimc yaq nguinx?

1 Corinthians 13:13

Majuiuc kuex kvmluimx thuinz, thuinz tvluimc thuinz, lungwawc thuinz ngoz yaq phvnx thuimx httax yaq; yuq muinz kvruex wawc vyungx pinhtumc kuex lungwawc thuinz rvtueq.

1 Corinthians 15:20

Yuq muinz vsuing yaungx wvnc tueq lvmx kuex, Christu kuex thueyc vtueq yuing kvtenc wvnc ruiux, kvtsoalx thueyc wvnc jix htenc yuing kvtenc wvnc yek tuex lvmx vkhvmc kuq kuex lvp wvnc tiq.

2 Corinthians 1:3

Menjenc kuy tuiuz yaq Iwaz, phvnx ruip saz romc kuy jix Tishox, naungshiq Taungjix Yesu Christu Waz Tishox muex naungshiq rueq kejux vyungx ngoz wuez ix!

Galatians 6:16

Vkhoc honc vyaungc phvnc tvrac kuex miqmac rullungx lvmx nuex phvnc jix lotlaz htauk nuex nuiyc Tishox miqsaz htauk nuex nomic nuiyc menjenc kuex mhttax wvnc kueq!

Ephesians 1:17

Nuimshiq rueq Tishox kuex pinhtumc tuiuz wvnc wuez shuinz, naungshiq Taungjix Yesu Christu vpiq Tishox ngoz yaq ngauz vngax httax yaq Tishox rueq tharc nuiyc tvluz nuex tuiuz lot yaq tvkhic romzyac kuq lot yaq Siyac kuex nuimshiq muex mkuq kv-phuinx, Iwaz Tishox kox wawc vjux thoz vshaungx.

Ephesians 1:3

Naungshiq Taungjix Yesu Christu Waz Tishox muex kejux vyungx ngoz kuq ix! Yvmx khoc lac ngoz ruiux lec naungshiq kuex Christu rulc vshiz dvyx yaungc ningkhvnc nuex vpiq rueq raungmungx htauk wawc siyac nuex seng yaq ruimrix kejux phvnx ruip kuex kuq phuex.

Ephesians 1:7

Yvmx khoc lac ngoz ruiux lec Christu thueyc khvmc kuy ningkhvnc nuex naungshiq dungc wvnc rvhumc tueq, kvruex kuex nuimshiq mvrax htenc dawc kuy lvmx rvtueq.

Ephesians 2:4

Yuq muinz Tishox menjenc thuinz kuex pinhtumc httax vtueq, vpiq lungwawc thuinz yunghvlc httax ruiux,

Ephesians 3:20

Naungshiq thuinz vmungx kuex vpiq luimc vkawc maq yauk shuimx yaq, naungshiq rueq tuiuz vshiz, rvmuq ngoz ruiux thuinz kvmungx nuex doc muinz jvnc vtueq tvlvy laz shuimx tvyaungc kuq lot yaq,

Colossians 1:23

Yuq muinz nuimshiq rueq miqmac kvmluimx thuinz kuex vjungx vruingx phaungx wvnc tvkoc tvhttoarc vtueq httuiyq httvmx wvnc rax tuex. Kvmaq nuimshiq rueq shuenruenc bomjungc tay wvnc tuit nuex lvp wvnc tuit thuinz tvluimc juing kvwawc nauk rul ngak kaz, mungkawx lotlaz nuex httuiuc wvnc vtuex shuenruenc bomjungc kvruex tvkoc nvrc waz kuex ngaz Polu rvtauk.

Colossians 1:27

Tishox kvmungx kuex miqphvnx lotlaz phoay rungx wvnc vtueq ngauz vngax rulc mvrc yaq, vthuiuz vsungx lvmx kuex vpiq miqsaz htenc muex tvtuiuz tvkoc rvtueq, kvruex vthuiuz vsungx lvmx kuex, Christu kuex nuimshiq thuinz vmungx nuex httax yaq ngoc rvtueq; vlvmz vshiz maq jungx ix ngoz ruiux yuq, nuimshiq kuex Tishox rulc vdvmz nuex ngauz vngax lvp wvnc shuinx lvmx rvtueq.

1 Thessalonians 1:3

Yvmx khoc lac ngoz ruiux lec nuimshiq kvmluimx lvmz nuex yauk maq mkhoc lac shuimx kaz vshuinx kvmuinz, nuimshiq lungwawc thuinz ningkhvnc nuex mtanc lac yauk shuimc hunglaungx vtuinx kvmuinz, naungshiq Taungjix Yesu Christu nuex nuimshiq thuinz tvluimc vshuinx lvmz mtanc lac phaungx ngaungx vtuinx kvmuinz, naungshiq Waz Tishox khaungkac nuex nuiyshiq rueq rvwvl lvp vshix.

1 Thessalonians 4:13

Nuiyshiq phunox bix lex, tvluimc juing vguez vganc jix miqsaz htenc ikhoc nuimshiq yonzyec rvhumc muit mruez kueq, nuiyshiq rueq vthueyc kay wuez jix nuex seng vtueq rvkhauk laz vlvmz kuex nuimshiq muex tvtuiuz kuq vphix.

2 Thessalonians 2:16

Naungshiq Taungjix Yesu Christu vpiq pumz maq naungshiq kuex lungwawx vtueq, vpiq kejux maq naungshiq kuex phaungx ngaungx hvlc tvluimc juing nuiyc ngaungx hvlc khvmc thuinz kuex kuy jix naungshiq Waz Tishox rueq muinz,

1 Timothy 1:14

Naungshiq Taungjix rueq vpiq rungwanx yaq kejux kuex ngvy htauk nuex ruiuc kuq ruiux, Christu Yesu rulc vshiz dvyx yaungx vtueq rullungx tvraungx vtaungx ningkhvnc nuex naungshiq rueq lvp aungx yaq kvmluimx thuinz nuiyc lungwawc thuinz kuex ngaz muex kuq phuex.

Titus 2:13

kenx ririx maq raz tueq vtsuing vrux maq httaz ruiux, tvrac tvtsanc yaq rullungx tvraungx vtueq vruex mungkawx vyuq httaz wvnc tvkoc muinz, kejux tvrac rueq naungshiq kuex tvhonc tvtharc kuq yaq.

Hebrews 3:6

Christu kuex Tishox yuimx guimz jix Vsaz ikhoc maq tvmtuing httax yaq. Naungshiq khvmc thuinz httax vtueq miqmac rueq thuinz tvluimc vshix phvnx muex kvmluimx thuinz httax ruiux yuq kuex kvruex yuimx kuex naungshiq rvtiq.

James 1:18

Vpiq rueq tvdung sung taq tueq lotlaz htauk nuex naungshiq kuex vphaungc baung lvp jix yaungc tvkoc vpiq thuinroc rulc rv-ngvlc tsuingrux bomjungc maq vpiq rueq naungshiq kuex tvdung sung taq phuex.

1 Peter 1:13

Kvkhoc rvtueq nuimshiq rueq shuimc lvmc wvnc tvkoc nuimshiq thuinz vmungx htenc kuex tvyoalc wuez shuinz. Yesu Christu httuiuc kaz tuex nuex nuimshiq muex kuq shuex kejux kuex vruing raung thuinz vguez maq honc svmz hvt maq tvsawc ric thuinz tvluimc bvmc shuinz.

1 Peter 1:21

Vpiq kuex vthueyc wawc tvyuing tvtenc wvnc vtueq ngauz vngax lekuy rvhumc jix waz ningkhvnc nuex nuimshiq kuex Tishox muex kvmluimx wvnc tuit; kvkhoc rvtueq nuimshiq kvmluimx nuiyc thuinz tvluimc juing kuex Tishox nuex rvwak httax wuez kuinz.

1 Peter 1:23

Yvmx khoc lac ngoz ruiux lec nuimshiq kuex vtvraungx httax yaq nuiyc pattup pat-sac httax yaq Tishox bomjungc ningkhvnc nuex vthueyc vmvy vguez vnyuiuz vwaz sahez ikhoc vjawx rvtueq.

1 Peter 2:2

Noshawx sahez ikhoc siyac nuex seng yaq puix muik shauk kuex mkaq muinz khvmx tvsac wuez shuinz, kvkhoc ngoz ruiux jix nuimshiq kuex yungx luz wvnc vtueq palc daungc wvnc rvhumc tuinx.

1 Peter 3:15

Yuq muinz nuimshiq thuinz vmungx htenc maq Christu muex tvtsanc nganc kuq ruiux, Taungjix vpiq muex tvtsanc shuinz. Nuimshiq nuex lvp wvnc tuit thuinz tvluimc juing kuex miq vshiz shiz rueq wisoz ruiux yuq, bomc vlvmz jungphvnc kuy lvp tvkoc tvyoalc yoalx maq httax wuez kuinz,

1 Peter 3:21

Kvruex yuix wawc ikhoc, baptism yuix luip ngoz yaq tv-ngvlc kuex majuiuc nuimshiq kuex palc daungc wvnc yaq. Kvruex kuex gvnngvmx nuex kop yaq miqsuirc vsac htenc kuex tvsawc gay rvmuq, thuinz vsawc maq Tishox khaungkac nuex bomkhvmc tvy lvmx rvtueq. Vthueyc wawc Yesu Christu yuing kvtenc wvnc tueq ningkhvnc nuex nuimshiq rueq yuix luip lvmz vtueq palc daungc wvnc rvhumc wuez tuit.

1 Peter 3:5

Yvmx khoc lac ngoz ruiux lec mvnnuex Tishox muex thuinz tvluimc jix yalxjuik rulx kuex miqmac taungwaz tamx kvjaz tay phvnx vtueq svp rvp kvmarc khak wvnc tueq.

1 John 2:29

Christu tsuingrux lvmx kuex nuimshiq rueq tuiuz vshuinx; kvkhoc rvtueq tsuingrux lvmx phvnc jix waz kuex Tishox sahez rvtueq kuex nuimshiq rueq tuiuz aungx yaq.

1 John 3:3

Christu nuex thuinz tvluimc juing lvp jix miqpumz tek kuex, Christu vsawc rvtueq ikhoc miqmac shauk vgvnz kuex tvsawc nawc wuez shuinz.

1 John 3:9

Tishox saz muex yaungx tueq shex waz kuex tvhttoarc vtueq mvrax shuimx muq, yvmx khoc lac ngoz ruiux lec kvruex waz nuex Tishox pukdungc ngoz yaq rullungx kuy lot juing hungc httax yaq; piq kuex Tishox saz rvtueq ningkhvnc nuex mvrax shuimx kaz muq.

1 John 4:7

Lungwawc kungjix bix lex, naungshiq vdvmz dvmz rvlungwawc wuez ix, yvmx khoc lac ngoz ruiux lec lungwawc thuinz kuex Tishox kox wawc rvtueq. Lungwawc tuiuz yaq waz kuex Tishox saz rvtueq, Tishox kuex tuiuz yaq.

1 John 5:1

Yesu kuex Mesia ngoz tueq kvmluimx jix ukhaq yuq muinz Tishox sahez rvtueq; vwaz muex lungwawc jix waz rueq vsaz muinz lungwawx yaq.

1 John 5:18

Tishox sahez yaungc jix waz kuex mvrax tvhttoarc vtueq shuimx muq lvmz naungshiq rueq tuiuz vshix, yvmx khoc lac ngoz ruiux lec piq kuex Tishox Saz rueq tvkhup wungx kuq yaq ningkhvnc nuex Htaungc rueq piq kuex tuingc heq lot muq.

1 John 5:4

Yvmx khoc lac ngoz ruiux lec Tishox sahez ruip rawx rueq mungkawx taungx gay lot yaq. Mungkawx kuex naungshiq rueq taungx gay tiq lvmx kuex naungshiq kvmluimx ningkhvnc nuex rvtueq.