1 Peter 1:22 - ASII LAKDAP Bible (BSI)

²² Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

Hawa Naga Bible 2001

²² Majuiuc nuimshiq rueq tsuingrux lvmx kuex phvnx vtueq nuimshiq shauk vgvnz htenc tvsawc wvnc ruiux, nuimshiq kvmluimx jix kungjix kamjix htenc kuex vsuing lungwawx vshuinx, kvkhoc rvtueq nuimshiq vdvmz dvmz thuinz vmungx lotlaz maq rvlungwawc wuez kuinz.

Muklom

²² Thanga nim aa asing sha tat tungkang o nim ni nim sha tasang tin. Etho nim adak hantey tangma tinmat inn, eshirangma nim thaji tin wang ashey eq ashey ma tinmat ching.

1 Peter 1:22 Referencias Cruzadas

John 15:17

Riita ija, ngi raq namshiq ma akhek aming ashi kuq tiikang arka ara: Namshiq liipan na riilung riiwii si ronglaq.

John 15:3

I We bomtsi namshiq ma chongkuq tiikang kriiraq, ümchaü namshiq khum ka, atiisiike wishe.

John 17:17

Tsangshiq ka tengteng bomtsi phumram kham maq tiisii bat kuq laüta, ümwokhong na asii wiq maq rümkom laq. Ümbomtsi ka tengteng.

John 17:19

Kiimaq, ngi raq i khum arka tsangshiq tingkhu na, ümniima kiinong kuq tiikang. Krai mren, tsangshiq riimin, tsangshiq khum ka, ümniima kiinong kuq raüta misi laq.

Acts 15:9

Shiikeawe raq nashiq nok nai tsangshiq nok liipan na, jam lai min tiikhothiq mak dea. Tsangshiq raq Shiikeawe ma kamto. Krai mren apaiq raq tsangshiq ngarai ka diikuqto.

Acts 6:7

Krai mren, Shiikeawe bomtsi ka maiq pahea raq taiwan wan she riito. Raüta, maiq pahea raq Shiikeawe bomtsi ma kamwanto. Krai mren, Jesuq ma kamwanti maiqnye kong ka, Jerusalem na pahea riiwan wan she pa wanto. Kiimaq ramwe weraü phan wa maiq pahea raq, Tsütsa Ahea ma kamwanto.

Romans 1:5

Apaiq lümaq, Shiikeawe raq ngi ma ara kiimwe jaqsham rahea phan arshe, kiimaq jonghea arshe, kuq wanto. Ara jaqsham arka, aram ari jaqsham. Arka Jesuq Khristo mang tiijong wan miitu. Ara i jaqsham ara lümaq, mangjong maiqse tlotli ka, Shiikeawe ma tiikam wan miitu, ara jaqsham ara kuq wanto. Raüta, apaiq ma kamwanti thun maiqse angu ka, apaiq wokhong na misi wan laq nguta akuq wan.

Romans 2:8

Shatmaq, maiq wiijamti riika, tatso niq wan kli, kiimaq tsangshiq raq tingting lamphan kra baiq thü raüta, ajiq lam kli phantlo. Tsangshiq thaq na Shiikeawe raq, atsankhiq walü wa miishe mishe chaq wan. Raüta mitiikhiim chaq baiq.

Romans 8:13

Ara jamkhano chong tiikang ngukla, namshiq rilung ka, han-ngam tiima tsantsii raq jamkho thaü tlaq, kra phanphan la shongnga han jiila, namshiq ka kamto mitsai han ngushat. Shatmaq, namshiq khum na ngarai jaqsham thun ümchuwa sitlaq kra, namshiq khum na Asii Wenyi sitlaq kra ningkun maq, wiita thumthum, tsatbaiq wan han jiila, namshiq ka atra misi han ngushat.

2 Corinthians 6:6

Naishiq raq asii arai tsantsii maq, tsütsa ahea taksu tsantsii maq, anin wan tsantsii maq, kiimaq riimang riichan tsantsii maq, naishiq ka Shiikeawe jaqshisetiim dea nguta tiichhi kuq wan tiikai. Arka Asii Wenyi raq, kiimaq naishiq tsan na riikhaqli mangchan tsii rüm tiikai kriimaq tiichhi kuq tiikai.

Galatians 3:1

O anginok Galatiati lei! Namshiq ka juro mokmohota? Namshiq raq Jesuq Khristo ka pumsongkham na dea tsaito nguta, samhea wiq asap han.

Galatians 5:5

Shatmaq, naishiq riiwe kla, Shiikeawe raq apaiq man na, naishiq ka kechu maiqsetiim she, nguta mirairii kuq wan dongdii nguta, ranphan laita sitiikai. Kiimaq ara chongtiikai arka, Shiikeawe Asii Wenyi ningkun raq naishiq mongjii na, naishiq raq kamtsantsii rüm tiikai kra thaq na seng raüta, shamkuqtlo nguta kamtiikai.

Galatians 5:7

Namshiq ka aheawiq maq, ajong alu wan miiqshmiiq she riilan ihata! Riita ümchaü ka, namshiq ma juro, tengtlaq bomtsi ka naq lang rongkiq nguta, tiishonbiiho? Apaiq raq namshiq ka jamkho tiishonbiiho ta?

Ephesians 4:3

Shiikeawe Asii Wenyi raq, namshiq ma khusang rakhang siwan rilung she kuqto. Raüta, namshiq ka tushi na siwan miitu, triitam kuqto she. Krai mren, namshiq raq ara Shiikeawe raq, namtu ashi haikuq taq ara, naq siiq rongkiq. Namshiq tarü ka, kra namtu kiijaq tiipaq shat maq, siruq chang miitu shiichaq rong laq.

Philippians 1:9

Ngi raq Shiikeawe jaq wa, achu jaütiikang, namshiq liipan na lungwiitsii rüm tlan kra, apa tsi wan ruq maq, midong man laq. Kiimaq riikhaqli phaqchi tu ka sap lanta, taksma kappe maq, phanrap ahea abi sitlaq kra, shin lanta si ronglaq.

1 Thessalonians 3:12

Kiimaq, Tatiwe raq namshiq tsan nai mongjii na, kongti miitu, kiimaq maiqse angu wiitarü miitu lungwii tsantsii rüm tlan ka, apa pahea mitiima kuq laq. Naishiq tsan mong na namshiq miitu lungwiitsii jonghea rüm tiikai kiikha mitiijong kuq laq.

2 Thessalonians 1:3

Naphu nanotiim lei, naishiq raq namshiq miitu, Shiikeawe ma wranaiqshe kechutum chang akhek sitlo. Arka riikhaqli athuk atsom jaqsham ashi. Ara jamkhano chongtiikai ngukla, namshiq kamasham ka pinthum kham ama wan ikha jonglu wan tlo. Kiimaq namshiq raq kongti miitu lungwiitsii rüm tlan kra, barap na nyam wan tlo chhi tiikai.

2 Thessalonians 2:13

Phunainotiim lei, naishiq raq namshiq miitu, Shiikeawe ma wranaiqshe kechu tumke chang li sitlo. Tatiwe raq namshiq ka pinthum lungwii tlo. Raüta, Shiikeawe raq namshiq ka sinkhu na chhii wanto. Shiikeawe raq namshiq ka Asii Wenyi ningkun maq, apaiq phan amaq, asii maiqse ma tiija wan ma tsea wanto. Arka namshiq ka tengman tlaq bomtsi ma kamwan lan kriikha maq, tiichhii kuqto.

1 Timothy 1:3

Man na ngi Ephisia maq, Mesidonia wang na traho wa wakang akhing na, ümniika Ephisia chela niili silaq nguta thaü thü pha ihata. Kiikhiisii hali ümchaü min ümniima aming kuq nong tiikang. Ümniika Ephisia niili silaq. Laüta, kiijaq siti shrabi wiijamti raq, kamasham lamphan na tri raü ka ajiq chongkuq tlo. Kra ümniiraq, ajiq bomtsi chongke maimak nguta, atiiwin riilaq.

1 Timothy 1:5

Ngi raq ara aming tat tiikang arka, nashiq liipan na tiima tsantsii siirairai, ngarai tiima tsantsii ahü maq, riilung riiwii maq si miitu aming kuq tiikang. Kiimaq nashiq tsan mong na, nakongti rai tiishaü tiiji tsantsii ahü maq si miitu, kiimaq Khristo ma awongsii kamtsantsii rüm laita shongnga wan miitu aming kuq tiikang.

1 Timothy 4:12

Ümniika ümchaü jero we. Kriikha maq, maiq raq ümsham na lii raüta, ümkhakam ka midiq shaqli nguta, maiq ma, naq tiishummii kiq. Shatmaq, ümniiriika Phungmaiqse wiitarü thaq na, lamsheati maiqla ashi dea nguta, ümbom ümsa na, ümkamtsantsii na, ümrong ümrai na, maiq ma lungwii tsii rüm na, kiimaq asii arai tiima tsantsii na, khangriri hea maq silaq.

1 Timothy 5:2

Nyungwere jechakre ka, ümnyung ikha lii laq. Kiimaq jechakre, junriibi ka tiima tsantsii siirairai maq, ümnotiim ikha lii laq.

2 Timothy 1:14

Shiikeawe raq rahea phan, tsiiq nai nyam tum Tsütsa Ahea ka ümjaq na kuqto she. Arka nashiq khum na siti, Asii Wenyi ningkun maq awongsii siirairai hea thü laq.

Hebrews 11:8

Shiikeawe raq Abraham ma, mung ashi mikuq kang nguta kiqkham kuqto. Krai mren, Abraham raq Shiikeawe ma kamtsantsii thüto. Raüta, apaiq ka ümba na saüho chang wa, kriimin sap mak miili, ahiqshong arahai kra miimthü raüta, Shiikeawe raq shunshea tlaq kra phanphan, Shiikeawe raq akuq tachong hiqshong mung kiina kihoto.

Hebrews 13:1

Phungmaiqsetiim phunainobi rai, riilung riiwii maq shongnga ronglaq.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.

James 1:21

Arkha maq, namshiq tarü raq, maiqmii tsan mong na abi, ashe ashi tiima tsantsii sitlaq kra, kiimaq abi ati rong arai sitlaq thun kra, wiita tsuqsaiqsaiq riilanta, arang chong maq ba lanta, phai baiq ronglaq. Lanta, Shiikeawe wokhong na, phaqchii nichii maq nyap wan lanta, si ronglaq. Lanta Shiikeawe raq, apaiq asii bomtsi lai namshiq mongjii na chhi jang wan tlaq kra, lang lanta si ronglaq. Kra bomtsi raq, namshiq rilung ka tiichhii wan raüta tiichhan chhi wan tlo.

James 4:8

Arkha maq, namshiq ka Shiikeawe wokhong na nyap wan tlo ronglaq. Raüla apaiq raq namshiq ka awokhong na mitiisi. Ai! ngarai maiqse kong lei! Namjaq ashe kra he wan tlo rong laq! Mongnam nok loi!

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.

1 Peter 2:17

Maiqse angu tarü ma anato lanta sirong laq. Namkongti Phungmaiqsetiim rai riilung riiwii maq sirong laq. Shiikeawe ka shreng lanta sirong laq. Kiimaq Hokham we ka shreng lanta sirong laq.

1 Peter 3:1

Akhiisii hali, Phungmaiqse ta-nyungre lei, namshiq min maiqmii we asetiim wokhong na saksi minmi maq shongnga raa tlo. Namshiq rong arai athuk atsom maq siwan kra chhi raüta, tsangshiq phong wa, weshi ra ka Tsütsa Ahea ma kam makti li siraü min, mikam wan. Akha shonga han jiika, namshiq raq tsangshiq ma kamwan ronglaq, nguta chongke rea ngo min rarai mak li.

1 Peter 3:20

Riita ara chongtiikai winji khum arka, Nowaq raq laita wantaq akhing na siti, Shiikeawe bom tleati riito. Shiikeawe riika tsangshiq ka kai tsan tiitsi raüta khe wanto. Shatmaq tsangshiq raq kam mak riito. Maiq atsapse li, tsangshiq tiichat lai mong na ngataq kriiti kli rathup jüjang mong wa kham thaq maq tiichhii kuqto.

1 Peter 3:8

Riita ümchaü jamlai wa chong kang, kra bomtsi ka ashat she riipha. Namshiq wiitarü ka tiima tsantsii ashi kiimaq chap ashi, nga ashi maq sirong laq. Namshiq liipan na siphu sino ikha riilung riiwii sirong laq. Riimang riichan kiimaq sobsob bombom maq sironglaq.

1 Peter 4:17

Phangthum Khapho ranaiq saüho miika ajeli she. Shiikeawe raq asengi kha ka kongkhu mipho phaho. Shiikeawe raq nashiq kha ka kongkhu mipho. Ikhiijiika, Shiikeawe raq atiichongki Tsütsa Ahea ma kam wan makti ka Shiikeawe raq ümtinkhan she wa tiichamchao jiiq riila! Kra chamchao ngutlaq kriika, achonglot mai phiiptsi chang!

1 Peter 4:8

Akhek pinthum, namshiq liipan na riimang riichan maq sirong laq. Mangchan tsii miitiq kongti mra ümchu li siraü min midii kuq lot han.

2 Peter 1:7

Namshiq raq kongtibi Phungmaiqse wiitarü ka maklii ashi maq lungwii ronglaq. Namshiq raq nanok tarü ma lungwii tsantsii thü lanta sironglaq.

1 John 3:11

Namshiq raq, man na Phung na shang wan pha ji na tsütsa ahea tai lan ihata. Kriika nashiq ka riilung riiwii miishe sichang nguta tai lan ihata.

1 John 3:23

Shiikeawe raq nashiq ma, Ase Jesuq Khristo ma kam raa tlo nguta, aming kuq tlo. Laita nashiq nai nashiq liipan na, riilung riiwii maq siraa tlo nguta aming kuq tlo. Arka Khristo raq nashiq ma aming kuqtaq irsii li.

1 John 4:12

Shiikeawe ka jurmin chhi mak dea. Shatmaq nashiq liipan na riimang riichan laita sihai jiila, Shiikeawe ka nashiq rai pumshi hanshi dea sitlo ngushat miraq. Kiimaq apaiq lungwiitsii ka nashiq khum na asho awo maq sitlo ngushat.

1 John 4:20

Riita maiq ashi ra raq, apaiq raq Shiikeawe ka lungwii tiikang nguta mingu. Shatmaq aphu ano Phungmaiqse ka shulii tlaq jiika, apaiq ka arot we ngushat. Jamkhano ngukla, apaiq raq aphuno we amak maq rashra chhi tlaq kra santla lungwii mak jiika, apaiq raq amak maq chhi mak Shiikeawe ka jamkhii raüto milungwii.

1 John 4:7

Lungwii phunainotiim lei, nashiq liipan na riimang riichan maq sirong phiina. Jamkhano ngukla Shiikeawe ka lungwiitsii. Lungwiitsii rümti ka Shiikeawe se. Apaiq raq Shiikeawe ka asap.

Revelation 2:4

Shatmaq tiina, ngi raq namshiq ma tsan tiibi chang lam asi. Tsanbi chang lam ka ara: Namshiq raq man na Phung na shang wan pha na, ngi jamkho lungwii lan ikha, ümchaü ka lungwii man she.