1 Peter 1:21 - ASII LAKDAP Bible (BSI)

²¹ Riita, apaiq pum lümiishe namshiq raq Shiikeawe ma kamwan lan. Apaiq ka Shiikeawe raq amaa wa tiidong wanto she. Raüta apaiq ma Shiikeawe raq achhai anyii khushü jonghea kuqto she. Krai mren, namshiq raq kamtsantsii thü tlan kriika, Shiikeawe raq mikuq dongdii. Kriika poiki mak she.

Hawa Naga Bible 2001

²¹ Vpiq kuex vthueyc wawc tvyuing tvtenc wvnc vtueq ngauz vngax lekuy rvhumc jix waz ningkhvnc nuex nuimshiq kuex Tishox muex kvmluimx wvnc tuit; kvkhoc rvtueq nuimshiq kvmluimx nuiyc thuinz tvluimc juing kuex Tishox nuex rvwak httax wuez kuinz.

Muklom

²¹ Khristo tungkang o Shkewa ma nim aa han tin, barey Khristo tha amáng wang wey thajey ta etho piq ma phun amun kot ta. Irimal ang eq nim kam nia tungmang Shkewa na ang aa.

1 Peter 1:21 Referencias Cruzadas

Tvtsvmc 42:5

Ngi ka atinkhan jaram jonjüsea wa? Atinkhan langlang jaram chapa wa? Ngi ka Shiikeawe miili miran phanha, kiimaq thongshiri hali apaiq mitiitsamha, ngi chhiiti kiimaq i Shiikeawe.

JEREMIA 17:7

“Shatmaq jurwa Ngi ma kamtsantsii thütlaq, kriiti ma Ngi raq achu shiiman mikuqha.

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

John 12:44

Kra akhing na, Jesuq raq chiiriim raüta agilülü maq traho bomtsi ka akhiishe chongkuqto, “Jurwa ngi ma kam tlaq, kriika ngi ma kam wan lamlam li ka riimak, shatmaq ngi tiikaiti we miimin kamtlo.

John 14:1

“Namshiq ka naq chapa rongkiq, kiimaq naq tiimangchan rongkiq,” nguta Jesuq raq tsangshiq ma tsii chongkuqto. “Shiikeawe miili kam ronglaq. Kiimaq ngi miimin kam ronglaq.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

John 17:1

Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.

John 17:24

“I We lei! Ümniiraq tsangshiq ka i sengi ma tiija wan laü she. Krai mren, ngi raq tsangshiq ka, ngi ümbano sitiikang, kiijaq ngi rai adam na tiisi wan dam rotiikang. Akha siwan hai jiitiq, ümniiraq i khushü tiijong kuq laü kra, tsangshiq raq michhi wan. Ara jamkhano chongtiikang ngukla, ara ra nai hiq armin mitiiq pha wan shaq niiphü dongdii, ümniiraq ngi ka lungwii wan laü ihata. Kriikha maq, i khushü tiijong kuq tlaü kata.

John 17:5

I We lei! Riita ümchaü min, ra nai hiq min mitiiq shaq niiphü, i khushü jonglu siwantaq irhali, ümchaü ümniirai mantut na, tiijong kuq nonglaq.

John 3:34

Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.

Acts 2:24

Shatmaq, Shiikeawe raq apaiq ka amaa wa tiidong wanto. Shiikeawe raq apaiq ka atsai ningkun kharü mong wiishe daa wanto. Ara jamkhano chongtiikang ngukla, atsai ningkun kharü raq, Jesuq ka ümkhiiriita jiimin kha lot mak.

Acts 3:13

Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.

Acts 3:15

Namshiq raq maiqse ma tsitsü raüchong tiichamketi we kriika, atsea riibaiq lan. Shatmaq, Shiikeawe raq apaiq ka amaa wiishe hali tiidong wan nongto. Kiimaq, apaiq ka amaa wa dong wantaq kra chhi wantibi hakhi ka naishiq sitiikai.

Acts 4:10

Riita, ümchaü min namshiq tarü raq, Israilnok mungmaiqse tarü raq, ara bomtsi ara tiitsangdada sap ronglaq. Arwe arka thawe kharü mong wa, ümchaü phintsaqtsaq she, arot la arot she heakito. Raüta, ümchaü namshiq tarü makki na, phintsaqtsaq hea she chap raü chhi tlan. Ara heakitaq arka, namshiq raq atsatbaiq han, Najareth hiqti we Jesuq Khristo mang na ningkun asi; kriiwe ningkun maq heakito. Jesuq ka namshiq raq pumsongkham na tübaiq lanta tsatbaiq lan. Shatmaq, Shiikeawe raq apaiq ka amaa wiishe tiidong wanto.

Romans 10:9

Ara chongkuq tiikai arai mren, ümniiraq ümnübok maq, Jesuq kriidea Tatiwe nguta, kiimaq Shiikeawe raq apaiq ka amaa wiidea tiidong wanto nguta, ümtsan mong maq kamwan laüta, nokwe man na linham linhok hakhi kuq haü jiila, ümkhum ka Shiikeawe raq mitiichhii kuq.

Romans 4:24

Ara bomtsi waiqthütaq arka, nashiq miitu min riito. Arka nashiq phong wa, nashiq Tati Jesuq ka amaa wa tiidong wanti we, Shiikeawe apaiq ma kam tiikai, laita apaiq raq nashiq ka kechu maiqse she nguta ajam na tiidii wan tlaqti thun miitu riito.

2 Corinthians 6:15

Khristo nai Thawe ka kiqshi maq jamkho miram lot? Phungmaiqse raq thatsang maiqse rai kiqshi tsiimshi maq lang wan chang ka phanshi ra asi sha?

Ephesians 1:15

Riita, ija namshiq raq Tati Jesuq ma kamwan lan kiimaq namshiq raq Shiikeawe sengibi tarü ka kai lungwii tlan nguta tsütsa ka tai kang.

Colossians 1:27

Shiikeawe raq kra apaü raüta athü wan ka, ümchaü sanha asengi ma, aphoq kechang she nguta akiq tiideato she. Riita ara achong lot mai rahea phan, achhai anyii tsiiqchong nyamchong rümtlaq arka, wiitarü miitu rümtlo. Riita ara chongtiikai apaü raüta athü bomtsi ka, Khristo ka namshiq khum niishe sitlo nguta chongtlo. Kra liichum ka, namshiq riimin Shiikeawe achhai anyii khushü jonglu kra milap wandam han she nguta ngo ahata.

1 Timothy 1:1

Ngi, Paul, Khristo Jesuq kiimwe ma nashiq Chhiiti Shiikeawe aming maq kiimaq nashiq ran tiikai Khristo Jesuq raq ashong we raq--

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

Hebrews 2:9

Shatmiitiina, nashiq raq, Jesuq ka alose miitu, rasetiim nam miimin anun ma tiijato chhikai. Kra anun ma tiijataq kriika, apaiq raq Shiikeawe kaphap mangchan wokhong maq, maiqse angu tarü miitu mitsai laq nguta atiiki. Raüta, apaiq raq maiqse miitu tsaitaq krai mren, Shiikeawe raq apaiq ka wiitarü thaq na ajong alu miishe shongto. Apaiq khushü ngao ka achhai anyii she kuqto chhi tiikai.

Hebrews 6:1

Lo ta, ikhiijiika, nashiq ka sinkhu na wawan ruq li warong i. Laita maiqla raq phaqsea chang, atsaü bomtsi kriishe phaqsi laita si rong i. Man niiwa, nashiq Phung na shang pha wa, atiicham pha chang, Phungmaiqse rilung tsütsa tai kai kriika, ümchaü bliiq chongki nong mang she. Namshiq riimin kra apha wan chang hiqkhu phishi kiijiili ka naq nga rai rongkiq she. Ra na dü wan chang. Ümchaü nashiq riika apha wan tsantsii klai wan laita, thiihü rilung jaqsham ka miimthü kai she. Laita Shiikeawe wokhong na nyap wan kai she.

Hebrews 7:25

Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.

1 Peter 1:11

Tsangshiq riika ara kupi wan akhing ranaiq ka ümtincho wa miraq, kiimaq arka jamkhiiwa miku pi wan, kriithun ka wiita sap lot haijaq nguta shiichaq sidi wanto. Khristo Wenyi tsangshiq shammibi khum na tiipum raüta phanchan kuq wantaq ka, ara chongtiikai ümchaü kupi wantaq akhing ranaiq arshe riito. Kra tiithai kuqtaq bomtsi ka, Khristo ka pinthum chamchao riihum wan chang miraq nguta chongto. Kra chamchao walü lea wan lot raütiitiq, apaiq achai anyii khushü ka jonghea mijong wan nguta chongthüto.

1 Peter 1:3

Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

1 Peter 3:22

Apaiq ka ramungtan niishe wawanto. Raüta Shiikeawe ma jaqtsi nü niishe nga tlo. Kiijaq nga raüta, apaiq raq rasetiim thun tlotli khuthaq na, kiimaq ramungtan na siti arang hotibi thun khuthaq na, kiimaq ningkun hoti pahea sitlaq kra thaq na, arang ajong jonghea ho raütiishe mung rüm nga tlo.