Jeremiaz 1:7 - Bibl Koad 21: Ar Bibl e Brezhoneg evit ar Vretoned Hag an AOTROU a lavaras din: Na lavar ket: Ur bugel on, rak mont a ri etrezek an holl re ma kasin ac'hanout, hag e lavari kement a c'hourc'hemennin dit. |
Ha bremañ, AOTROU va Doue, lakaet ec'h eus da servijer da ren e lec'h David va zad, ha n'on nemet un denig yaouank, n'ouzon ket penaos en em ren.
an AOTROU a gomzas da Voizez o lavarout: Me eo an AOTROU , lavar da Faraon roue an Ejipt kement a lavarin dit.
Evel-henn e komz AOTROU: En em zalc'h war leurenn ti an AOTROU, ha lavar da holl gêrioù Juda a zeu da stouiñ e ti an AOTROU an holl gomzoù am eus gourc'hemennet dit lavarout dezho; na lam ket ur ger.
P'en doe echu Jeremiaz da lavarout d'an holl bobl holl gomzoù an AOTROU o Doue, en deus roet dezhañ, evit ma lavarfe dezho an holl gomzoù-se,
Lavarout a ri dezho an holl gomzoù-mañ, met ne selaouint ket. Krial a ri war o lerc'h, met ne respontint ket.
Met pa gomzin ouzhit, e tigerin da c'henoù, evit ma lavari dezho: Evel-henn e komz an Aotrou AOTROU. Ra selaouo an hini a fello dezhañ selaou, ra ne selaouo ket an hini na fello ket dezhañ henn ober, rak un ti disent ez int.
an AOTROU en deus va c'hemeret a-drek an tropell, an AOTROU en deus lavaret din: Kae, diougan da'm fobl Israel.
Doue a zeuas da gavout Balaam e-pad an noz hag a lavaras: Mard eo deuet an dud-se evit da c'hervel, sav, kae ganto, met ober a ri hervez ar c'homzoù a lavarin dit.
Balaam a lavaras da Valag: Setu ez on deuet da'z kavout. Ha gallout a rin bremañ lavarout un dra bennak? Me a lavaro ar gomz a lakaio Doue em genoù.
hag o teskiñ dezho mirout kement am eus gourc’hemennet deoc’h. Ha setu, emaon ganeoc’h bemdez betek fin ar bed. Amen.