Adlezenn 7:11 - Bibl Koad 21: Ar Bibl e Brezhoneg evit ar Vretoned Mirout a ri ar gourc'hemennoù, ar reolennoù hag ar barnedigezhioù a gemennan dit hiziv, hag e ri diouto. |
Bremañ Israel, selaou ar reolennoù hag ar barnedigezhioù a gelennan deoc'h evit ober diouto, evit ma vevot ha ma'z eot da berc'hennañ ar vro a ro deoc'h an AOTROU, Doue ho tadoù.
Setu, kelennet em eus deoc'h ar reolennoù hag ar barnedigezhioù, evel m'en deus gourc'hemennet din an AOTROU va Doue, evit ma reot diouto e-kreiz ar vro ma'z eot e-barzh d'he ferc'hennañ.
Mirit ar pezh en deus gourc'hemennet an AOTROU ho Toue deoc'h ha grit dioutañ, ne zistroiot nag a-zehou nag a-gleiz.
met rentañ a ra an hevelep tra war o dremmoù d'ar re a gasa anezhañ, evit o lakaat da vervel. Ne zale ket gant an hini a gasa anezhañ hag e rent an hevelep tra war e zremm.
Mar selaouit ar barnedigezhioù-se, ma virit anezho ha ma grit diouto, an AOTROU da Zoue a viro dit an emglev hag an drugarez en deus touet da'z tadoù.
Diwall d'ankounac'haat an AOTROU da Zoue, o tremen hep mirout e c'hourc'hemennoù, e varnedigezhioù hag e reolennoù a gemennan dit hiziv.