Adlezenn 5:32 - Bibl Koad 21: Ar Bibl e Brezhoneg evit ar Vretoned

³² Mirit ar pezh en deus gourc'hemennet an AOTROU ho Toue deoc'h ha grit dioutañ, ne zistroiot nag a-zehou nag a-gleiz.

Adlezenn 5:32 Referencias Cruzadas

2 Rouned 17:37

Ar reolennoù, ar barnedigezhioù, al lezenn hag ar gourc'hemennoù en deus skrivet evidoc'h, a virot, hag e reot diouto da viken, ha ne zoujot ket doueoù all.

2 Rouned 21:8

Ne lakain ken Israel da gerzhout er-maez eus an douar am eus roet d'o zadoù, gant ma taolint hepken evezh d'ober kement am eus gourc'hemennet dezho, hervez an holl lezenn en deus gourc'hemennet dezho va servijer Moizez.

2 Rouned 22:2

Ober a reas ar pezh a zo reizh dirak daoulagad an AOTROU, o kerzhout war holl hentoù David e dad, hep distreiñ nag a-zehou nag a-gleiz.

Salmoù 125:5

Met evit ar re a zibab hentoù troidellek, an AOTROU a raio dezho kerzhout gant ar vicherourien a zireizhder. Ra vo ar peoc'h war Israel!

Salmoù 19:12

Da servijer a zo sklêrijennet ganto, ur gopr bras a zo evit an hini a vir anezho.

Salmoù 80:19

ha ne zistroimp ken diouzhit. Ro deomp ar vuhez, hag ec'h aspedimp da anv.

Krennlavarioù 3:2

rak deizioù hir ha bloavezhioù a vuhez, ha peoc'h ivez a zegasint dit.

Krennlavarioù 4:27

na zistro nag a-zehou nag a-gleiz, tenn da droad diouzh an droug.

Izaia 30:21

Ha pa'z eot a-zehou pe a-gleiz, da zivskouarn a glevo a-dreñv dit ur vouezh a lavaro: Amañ emañ an hent, kerzhit ennañ.

Ezekiel 20:19

Me eo an AOTROU ho Toue, kerzhit em reolennoù, mirit va barnedigezhioù evit ober diouto.

Ezekiel 37:24

David va servijer a vo o roue, hag o devo holl ur mesaer hepken. Kerzhout a raint hervez va barnedigezhioù, hag e virint va reolennoù evit ober diouto.

Adlezenn 11:32

Mirit an holl reolennoù ha barnedigezhioù a lakaan dirazoc'h hiziv ha grit diouto.

Adlezenn 12:32

Mirout a reot an holl draoù a c'hourc'hemennan dit hag e reot diouto, ha ne lakaiot netra ouzhpenn enno ha ne lammot netra diouto.

Adlezenn 17:11

Ober a ri hervez setañs al lezenn o devo kelennet dit hag hervez ar varnedigezh o devo disklêriet dit; ne zistroi ket eus ar setañs o devo lavaret, nag a-zehou nag a-gleiz.

Adlezenn 17:20

E galon ne savo ket dreist e vreudeur, ha ne zistroio ket eus ar gourc'hemennoù nag a-zehou nag a-gleiz, evit ma vo hiraet e zeizioù en e rouantelezh, dezhañ ha d'e vibien, e-touez Israel.

Adlezenn 24:8

Diwall diouzh gouli al lorgnez, evesha mat ha gra kement a gelenno deoc'h an aberzhourien, al Levited, evesha d'ober evel ma em eus gourc'hemennet dezho.

Adlezenn 28:14

hep distreiñ nag a-zehou nag a-gleiz eus an holl gomzoù a c'hourc'hemennan di hiziv, evit mont war-lerc'h doueoù all hag o servijañ.

Adlezenn 29:8

Kemeret hon eus o bro hag he roet hon eus da hêrezh d'ar Rubeniz, d'ar C'hadiz ha da hanter-veuriad Manase.

Adlezenn 6:17

Mirout a reot gourc'hemennoù an AOTROU ho Toue, e destenioù hag e reolennoù en deus gourc'hemennet dit.

Adlezenn 6:25

Ar reizhder a zalc'himp pa virimp an holl c'hourc'hemennoù-se ha pa raimp diouto dirak an AOTROU hon Doue, evel m'en deus urzhiet deomp.

Adlezenn 6:3

Selaou a ri eta, Israel, hag ec'h eveshai ma vo graet diouto, evit ma vi eürus ha ma kreskot meurbet, evel m'en deus lavaret an AOTROU, Doue da dadoù, er vro a zever gant laezh ha mel.

Adlezenn 8:1

Mirout a reot an holl c'hourc'hemennoù a gemennan dit hiziv hag e reot diouto, evit ma vevot ha ma kreskot, ha ma'z eot da berc'hennañ ar vro en doa touet an AOTROU d'ho tadoù.

Jozue 1:7

En em galoneka ha bez kreñv-meurbet, evit ober diouzh an holl lezenn en deus kemennet dit Moizez va servijer; ne zistroi nag a-zehou nag a-gleiz, evit ober berzh dre holl ma'z i.

Jozue 23:6

Dalc'hit start eta, o virout kement a zo skrivet e levr lezenn Moizez hag oc'h ober dioutañ, ne zistroiot nag a-zehou nag a-gleiz,

2 Pêr 2:21

Rak gwelloc’h e vefe bet dezho na anavezjent ket hent ar reizhder, eget goude bezañ e anavezet distreiñ diouzh ar gourc’hemenn santel a oa bet roet dezho.