An AOTROU a lavaras da Voizez ha da Aaron: Peogwir n'hoc'h eus ket kredet ennon evit va santelaat dirak mibien Israel, ne renot ket ar vodadenn-mañ er vro am eus roet dezho.
Adlezenn 1:37 - Bibl Koad 21: Ar Bibl e Brezhoneg evit ar Vretoned An AOTROU a fuloras a-enep din ivez en abeg deoc'h, ha lavaret en deus: Te kennebeut ned i ket enni. |
An AOTROU a lavaras da Voizez ha da Aaron: Peogwir n'hoc'h eus ket kredet ennon evit va santelaat dirak mibien Israel, ne renot ket ar vodadenn-mañ er vro am eus roet dezho.
An AOTROU a lavaras da Voizez: Kemer Jozue mab Nun, un den a zo ar Spered ennañ, hag e lakai da zorn warnañ.
Pign war-lein ar Pisga, sav da zaoulagad war-zu ar c'huzh-heol ha war-zu an hanternoz ha war-zu ar c'hreisteiz ha war-zu ar sav-heol, ha sell gant da zaoulagad; met ne dremeni ket ar Jordan-se.
Ro urzhioù da Jozue, kreñva anezhañ, kennerzh anezhañ, rak eñ eo a dremeno dirak ar bobl-mañ, hag a roio da hêrezh dezho ar vro a weli.
Lavarout a reas dezho: Oadet on hiziv a gant ugent vloaz, ne c'hellin ken mont na dont, hag an AOTROU en deus lavaret din: Ne dremeni ket ar Jordan-se.
An AOTROU a lavaras: Setu ar vro am eus touet reiñ da Abraham, da Izaak, da Jakob, o lavarout: He reiñ a rin da'z lignez. Diskouezet em eus anezhi da'z taoulagad, met ned i ket enni.
An AOTROU a fuloras a-enep din en abeg deoc'h hag a douas na dremenjen ket ar Jordan ha n'ajen ket er vro vat a ro dit an AOTROU da Zoue evel hêrezh.
Emaon o vont da vervel er vro-mañ, ne dremenin ket ar Jordan, met c'hwi a dremeno hag a berc'henno ar vro vat-se.