2 Samuel 8:2 - Bibl Koad 21: Ar Bibl e Brezhoneg evit ar Vretoned

Trec'hiñ a reas ar Voabiz ivez, hag o muzulias gant ur gordenn, en ur lakaat anezho da c'hourvez war an douar. Muzuliañ a reas div gordennad evit o lakaat da vervel, hag ur gordennad leun evit lezel ganto o buhez. Hag ar Voabiz a voe sujet gant David, o paeañ un truaj.

2 Samuel 8:2 Referencias Cruzadas

2 Samuel 12:31

Kas a reas gantañ ivez ar bobl a oa enni, hag o lakaas da droc'hañ gant heskennoù, ogedoù-houarn ha bouc'hili-houarn, hag e reas dezho labourat d'ar forn-vrikennoù. Ober a reas evel-se da holl gêrioù mibien Ammon, ha David a zistroas da Jeruzalem gant an holl bobl.

2 Samuel 8:6

David a lakaas ur gwarnizon e Siria eus Damask, hag ar Siriz a voe sujet gant David, o paeañ un truaj. An AOTROU a ziwalle David e pep lec'h ma'z ae.

1 Rouaned 4:21

Salomon a rene war an holl rouantelezhioù adalek ar stêr betek bro ar Filistined ha betek harzoù an Ejipt. Degas a raent profoù, hag e voent sujet dezhañ e-pad holl amzer e vuhez.

2 Rouned 1:1

Goude marv Akab, Moab en em savas a-enep Israel.

2 Rouned 17:3

Salmanazar roue Asiria a bignas a-enep dezhañ, hag Ozea a voe e sujed, hag e kase un truaj dezhañ.

1 Danevelloù 18:2

Trec'hiñ a reas ar Voabiz ivez, hag ar Voabiz a voe sujet gant David, o paeañ un truaj.

2 Danevelloù 26:8

An Ammoniz zoken a rae profoù da Ozia, hag ar vrud anezhañ a zeuas betek dor an Ejipt, rak dont a reas da vezañ galloudek-meurbet.

Salmoù 108:9

Galaad a zo din, din eo Manase, Efraim eo moger va fenn, Juda eo va lezenner,

Salmoù 18:45

Kerkent ha ma klevont, e sentont ouzhin; mibien an diavaeziad a zeu da'm lubaniñ,

Salmoù 60:10

Moab eo ar gibell en em walc'han enni, teurel a ran va botez war Edom. Douar ar Filistined, laosk kriadennoù em enor!

Salmoù 60:8

Doue en deus komzet en e santual, hag e laouenain. Lodennañ a rin Sichem, hag e vuzuilhin traonienn Sukkod,

Salmoù 83:6

Rak kuzuliet o deus eus un hevelep kalon, graet o deus un emglev a-enep dit,

Izaia 36:16

Na selaouit ket Ezekiaz, rak evel-henn e lavar roue Asiria: Grit ar peoc'h ganin ha deuit da'm c'havout, hag e tebro pep hini ac'hanoc'h eus e winienn ha pep hini eus e fiezenn, hag ec'h evo pep hini dour e buñs,

Niveroù 24:17

Me henn gwel, me a sell outañ, met n'eo ket evit prestik: Ur steredenn a zeuio eus Jakob, ur walenn a vo savet eus Israel, toullañ a raio kostezioù Moab, distrujañ a raio holl vibien Sed.

1 Samuel 10:27

Met tud fall a lavaras: Penaos e tieubfe hemañ ac'hanomp? Hag e tisprizjont anezhañ, ha ne gasjont prof ebet dezhañ. Met eñ a chomas bouzar ouzh kement-se.

1 Samuel 14:47

Saül a renas eta war Israel, hag e reas brezel a bep tu a-enep e enebourien, a-enep Moab, a-enep mibien Ammon, a-enep Edom, a-enep rouaned Zoba, a-enep ar Filistined. Ha dre-holl ma'z ae, e kase ar spouron.

1 Samuel 22:3

Mont a reas David ac'hane da Vizpe e Moab. Hag e lavaras da roue Moab: Mar plij, ra zeuio va zad ha va mamm ganeoc'h, ken na vo gwelet petra a raio Doue ganin.

1 Samuel 22:4

O degas a reas dirak roue Moab, hag e chomjont gantañ e-pad an holl amzer ma voe David er c'hreñvlec'h-se.