2 Samuel 8:6 - Bibl Koad 21: Ar Bibl e Brezhoneg evit ar Vretoned

⁶ David a lakaas ur gwarnizon e Siria eus Damask, hag ar Siriz a voe sujet gant David, o paeañ un truaj. An AOTROU a ziwalle David e pep lec'h ma'z ae.

2 Samuel 8:6 Referencias Cruzadas

2 Samuel 10:19

An holl rouaned a oa didndan Hadadezer, o welout e oant bet pilet gant Israel, a reas peoc'h gant Israel, hag e voent sujet dezhañ. Hag ar Siriz o doe aon da skoazellañ c'hoazh mibien Ammon.

2 Samuel 23:14

David a oa neuze er c'hreñvlec'h, hag e-keit-se e oa gwarnizon ar Filistined e Betlehem.

2 Samuel 3:18

Bremañ eta grit-se, rak an AOTROU en deus komzet ouzh David o lavarout: Dre zorn David va servijer e tieubin va fobl Israel eus dorn ar Filistined hag eus dorn o holl enebourien.

2 Samuel 5:10

Ha David a zeue da vezañ brasoc'h-brasañ; an AOTROU, Doue an armeoù, a oa gantañ.

2 Samuel 7:9

bet on ganit e kement lec'h ma ec'h eus kerzhet, distrujet em eus da holl enebourien dirazout, graet em eus dit un anv bras, evel anv ar re vras a zo war an douar,

2 Samuel 8:14

hag e lakaas gwarnizonoù en Edom. Dre-holl en Edom e lakaas gwarnizonoù, hag an holl Edomiz a voe sujet da Zavid. An AOTROU a ziwalle David e pep lec'h ma'z ae.

2 Samuel 8:2

Trec'hiñ a reas ar Voabiz ivez, hag o muzulias gant ur gordenn, en ur lakaat anezho da c'hourvez war an douar. Muzuliañ a reas div gordennad evit o lakaat da vervel, hag ur gordennad leun evit lezel ganto o buhez. Hag ar Voabiz a voe sujet gant David, o paeañ un truaj.

2 Samuel 8:7

David a gemeras ar skoedoù aour a oa gant servijerien Hadadezer, hag a zegasas anezho da Jeruzalem.

1 Rouaned 4:21

Salomon a rene war an holl rouantelezhioù adalek ar stêr betek bro ar Filistined ha betek harzoù an Ejipt. Degas a raent profoù, hag e voent sujet dezhañ e-pad holl amzer e vuhez.

2 Rouned 1:1

Goude marv Akab, Moab en em savas a-enep Israel.

2 Rouned 14:28

Diwar-benn nemorant oberoù Jeroboam, ar pezh a reas hag e gurioù er brezel evit adc'hounit Damask hag Hamad, hag a oa da Juda, evit Israel; kement-se ha n'eo ket skrivet e levr danevelloù rouaned Israel?

2 Rouned 18:7

An AOTROU a voe gantañ, e kement lec'h ma'z ae e rae berzh. En em sevel a reas a-enep roue Asiria, ha ne voe ken sujet dezhañ.

2 Rouned 3:4

Mesha roue Moab en doa tropelloù, hag e paee da roue Israel ur gwir a gant mil oan ha kant mil tourz gant o gloan.

1 Danevelloù 18:13

hag e lakaas gwarnizonoù en Edom, hag an holl Edomiz a voe sujet da Zavid. An AOTROU a ziwalle David e pep lec'h ma'z ae.

2 Danevelloù 17:2

Lakaat a reas strolladoù en holl gêrioù kreñv Juda, ha gwarnizonoù e bro Juda hag e kêrioù Efraim a oa bet tapet gant Asa e dad.

Salmoù 140:7

Lavaret em eus d'an AOTROU: Te eo va Doue, ro da skouarn, o AOTROU, da vouezh va fedennoù!

Salmoù 60:10

Moab eo ar gibell en em walc'han enni, teurel a ran va botez war Edom. Douar ar Filistined, laosk kriadennoù em enor!

Krennlavarioù 21:31

Ar marc'h a zo prest evit deiz an emgann, met dont a ra an dieubidigezh a-berzh an AOTROU.

1 Samuel 13:3

Jonatan a gannas gwarded ar Filistined a oa e Geba, hag ar Filistined a glevas kement-se. Saül a reas seniñ ar shofar dre an holl vro en ur lavarout: Ra selaouo an Hebreed!

1 Samuel 14:1

Un deiz, Jonatan mab Saül a lavaras d'an den yaouank a zouge e armoù: Deus ha tremenomp war-zu gwarded ar Filistined a zo en tu all. Met ne lavaras ket-se d'e dad.

1 Samuel 14:15

Hag e voe ur spont bras er c'hamp, er vro, hag e-touez an holl bobl. Ar gwarded hag ar re a oa aet d'ober distruj a voe spouronet ivez, hag ar vro a grenas. Bez' e voe evel ur spont degaset gant Doue.

1 Samuel 14:6

Jonatan a lavaras d'an den yaouank a zouge e armoù: Deus, tremenomp betek gwarded an diamdroc'hidi-se, marteze e labouro an AOTROU evidomp, rak netra ne harzo an AOTROU da zieubiñ gant kalz pe gant nebeut a dud.