Nthi 19:1 - ÎVUKU RÎA ÛVORO MWARO Nîkava mûndû ethîrwe arî mûthîni na arî mwîvokeku, gûkîra mûndû waragia maveeni na arî kîrimû. |
Vîndî cionthe mavecanaga makenete na magakombithania, na ciana ciao nî kîrathimo kûrî o.
Mûndû mûthingu nîwonagîrîria mûndû ûrîa wîngî njîra, nwatî njîra ya mûndû mwaganu nîîmûvîtithagia.
Mûndû ûrîa ûrî mîthiîre mîrûngîrîru nîetigîrîte Ngai-Mûnene; nwatî ûrîa ûtarî mwîvokeku nîamûnyararaga.
Nîkava kwîthîrwa ûrî mûthîni na wîtigîrîte Ngai-Mûnene, gûkîra gûtonga na wîthîrwe na thîna.
Nîkava kûgîa na indo nini na njîra ya wîvokeku, gûkîra kûgîa na indo nyîngî na njîra îtarî na kîvooto.
Ûndû ûrîa mwagîrîru kuumana na mûndû nî wîvokeku, nîkava mûndû mûthîni gûkîra mûndû ûrîa ûveenanagia.
Nîkava mûndû mûthîni ûrîa ûtûûraga arî mwîvokeku, gûkîra gîtonga kîrîa gîtûûraga ûtûûro ûtarî wa kwîvokeka.
Nîûndû njara cienyu nîinyitîtwe nî mûgiro nîûndû wa kûragana, ciara cienyu igeka ciîko njûku, mîromo yenyu nîyarîtie maveeni, natuo tûrîmî twenyu tûkaaria waganu.
Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.
Rîu îîcirie ûvoro ûyû na ûmenye ûrîa wagîrîrwe nî gwîka. Ûndû ûyû wavota kûretere mwathi wetû ûndû mûcûku wa vamwe na andû a mûciî wake. Ke nî mûndû mwaganu na ndangîthikîrîria mûndû!”
Nîrakûthaitha ndûkarûmbûyanie na Nabali. Mûndû ûcio nî wa mana! Ke ekariî wa rîîtwa rîake na nî kîrimû! Mwathi wakwa nie ndirarî kuo rîrîa ndungata ciaku iraakinyire.