Nthi 19:22 - ÎVUKU RÎA ÛVORO MWARO

²² Ûndû ûrîa mwagîrîru kuumana na mûndû nî wîvokeku, nîkava mûndû mûthîni gûkîra mûndû ûrîa ûveenanagia.

Nthi 19:22 Referencias Cruzadas

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

2Maû 6:8

nwatî Ngai-Mûnene nîwerire vava Daudi atî, ‘Nîwaro nîûndû nîwagîre na wendi wa kûndumîra hekarû,

Ayubu 17:5

Mûndû ûrîa ûcukanagîrîra arata ake nîûndû wa mbeca, ciana ciake nîcio icokaga kwona thîna.

Ayubu 6:15

Arata akwa mamvenetie ta karûnjî, wata kamûvuro karîa kavûcaga mbura yakîa.

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Nthi 19:1

Nîkava mûndû ethîrwe arî mûthîni na arî mwîvokeku, gûkîra mûndû waragia maveeni na arî kîrimû.

Nthi 19:21

Mûndû ethagîrwa arî na mîvango mîîngî ngororî yake, nwatî wendi wa Ngai-Mûnene nîguo wîkîkaga.

Nthi 19:23

Gwîtigîra Ngai-Mûnene nî gûtûmaga mûndû atûûre îvinda îraca, na mûndû atûûraga arî mwîganîru na ndangînyitwa nî ûndû mûcûku.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.