Nthi 19:23 - ÎVUKU RÎA ÛVORO MWARO

²³ Gwîtigîra Ngai-Mûnene nî gûtûmaga mûndû atûûre îvinda îraca, na mûndû atûûraga arî mwîganîru na ndangînyitwa nî ûndû mûcûku.

Nthi 19:23 Referencias Cruzadas

Thaburi 103:17

Nwatî wendo ûtathiraga wa Ngai-Mûnene, ûtûûraga tene na tene, kûrî arîa onthe mamwîtigagîra, na ûthingu wake ûtûûraga kûrî njiarwa cionthe,

Thaburi 19:9

Gwîtigîra Ngai-Mûnene nî ûndû mwaro, na nîgûtûûra tene na tene. Matuîro ma Ngai-Mûnene nî ma ma; na nî magîrîru vîndî cionthe.

Thaburi 25:13

Ngai-Mûnene nîagaatûma magîe na ûtûûro mwaro vîndî cionthe, na njiarwa ciao nîikegwatîra vûrûri.

Thaburi 85:9

Nama nîevarîrîtie kûvonokia andû arîa mamwîtigîrîte, nîguo riiri wake ûtûûre vûrûrirî wetû.

Thaburi 90:14

Twonagie wendo waku ûtathiraga kîraûko wa kîraûko, nîguo twinage tûrî na gîkeno ûtûûrorî wetû wonthe.

Thaburi 91:10

Kwoguo gûtirî ûndû mûcûku ûgaakûnyita, gûtirî mûthiro ûgaakuvîvîria nyomba yaku.

Thaburi 91:16

Nîngaatûma atûûre kavinda karaca, na nîngaamûvonokia.”

Nthi 10:27

Wathîkîra Ngai-Mûnene nîûgûtûûra îvinda îraca, nwatî mûndû mwaganu akucaga atakinyîtie.

Nthi 11:19

Mûndû wa wonthe wendete gûtûûra ekaga maûndû ma ûthingu nîagaatûûra, nwatî mûndû wa wonthe wendete gwîka maûndû marîa macûku nîagaakua.

Nthi 12:21

Andû arîa athingu matinyitagwa nî maûndû macûku, nwatî arîa aganu methagîrwa mecûrîtwe nî mathîna.

Nthi 19:22

Ûndû ûrîa mwagîrîru kuumana na mûndû nî wîvokeku, nîkava mûndû mûthîni gûkîra mûndû ûrîa ûveenanagia.

Nthi 22:4

Kîveo Kîam wînyivia na gwîtigîra Ngai-Mûnene nî ûtonga, gîtîîo na ûtûûro mûraca.

Nthi 3:24

Rîrîa wîkarîte nthî, ndûgetigagîra; na wathiî kûmama, ûkaamamaga toro mbaro.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Mathaayo 5:6

Kûrathimwa nî arîa mavûtagîra na makanyondera maûndû ma ûthingu; nîûndû nîmakaavaithua!

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

2Tim 4:18

Nake Mwathani nîakûndethûra maûndûrî monthe macûku na amvire Ûthamakirî wa îgûrû amenyererete. Mwathani arokumua tene na tene! Ameni.