Nthi 19:2 - ÎVUKU RÎA ÛVORO MWARO

² Tî waro gwîka ûndû ûtambîte gwîciiria, nginya kavora ndiunîkaga îvîndî.

Nthi 19:2 Referencias Cruzadas

2Atha 4:39

Ûmwe wa ndungata icio nîwathiîre na kûu mûgûndarî gûcaria manyenyi. Nîwonire mûthavibu wa kîthaka na agîtua kuuma kûrî guo manyamû meengî mekariî ta maage na akîmakuua na nguo yake. Nîwathiîre namo, akîmatemanga na akîmaruga, atakûmenya nî ndûî.

Ayubu 31:5

Ethîrwa ndûûraga mvenanagia, na mvinyûraga kwaria ûthani;

Nthi 1:16

Nîûndû mavinyûragîra gwîka maûndû marîa macûku, na methagîrwa marî na karûgî ga kûûragana.

Nthi 10:21

Ciugo cia mûndû mûthingu igunaga andû eengî, nwatî irimû ikucaga nîûndû wa gûtura ûmenyo.

Nthi 14:29

Mûndû ûrîa ûtarakaraga na îvenya arî ûtaûku mwîngî, nwatî mûndû ûrakaraga na îvenya onanagia ûrîa arî mûritu.

Nthi 21:5

Mîvango ya mûndû ûrîa ûrutaga wîra na kîîo nîîtûmaga agîe indo nyîngî, nwatî mûndû ûrîa wîkaga maûndû na îvenya ndagîcaga na indo cia kwîgana.

Nthi 25:8

ndûkavinyûre kûûvira îgootirî; nîûndû mûthiiarî mûndû wîngî angîruta ûira wa kwonania atî we ûrî na mavîtia, ûgaacoka wîke atîa?

Nthi 28:20

Mûndû mwîvokeku nîakaagîa na irathimo nyîngî, nwatî ûrîa wendaga gûtonga na îvenya nîakaaverithua.

Nthi 28:22

Mûndû mûkoroku endaga gûtonga na îvenya, na ndamenyaga atî akaarîkîrîria na ûthîni.

Nthi 29:20

Kûrî kîîrîgîrîro kûrî kîrimû gûkîra mûndû ûrîa wîciragia nî mûûgî na tî mûûgî.

Mûvunjia 12:9

Mûvunjia aarî mûndû mûûgî, kwoguo nîwathomithagia andû maûndû marîa aaicî. Nîwethomithirie nthimo na agîituîria waro nîguo amenye ûma wacio.

Mûvunjia 7:9

Ndûkarakarage na îvenya, nîûndû marakara mekaraga kûrî irimû.

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Johana 16:3

Andû nîmakaamwîka maûndû mama nîûndû matiîcî Vava na matimbicî.

Aroma 10:2

Nie nîrî mûira wao atî methagîrwa marî na kîîo kînene mûno wîrarî wa Ngai, nwatî matiîthagîrwa marî na ûmenyo.

Afil 1:9

Îvoya rîakwa kûrî mue nî atî wendo wenyu ûthiî na mbere kwongerereka, vamwe na ûmenyo wa ma na gûkûûrana maûndû waro,