Nthi 16:8 - ÎVUKU RÎA ÛVORO MWARO

⁸ Nîkava kûgîa na indo nini na njîra ya wîvokeku, gûkîra kûgîa na indo nyîngî na njîra îtarî na kîvooto.

Nthi 16:8 Referencias Cruzadas

Thaburi 37:16

Nîkava kanyamû kanini karîa mûndû mûthingu arî nako, gûkîra indo nyîngî cia andû arîa aganu.

Nthi 15:16

Nîkava kwîthîrwa ûrî mûthîni na wîtigîrîte Ngai-Mûnene, gûkîra gûtonga na wîthîrwe na thîna.

Nthi 15:17

Nîkava kûrîcanîra manyenyi andû marî na wendo, gûkîra kûrîcanîra ndegwa noru andû marî na ûthû.

Nthi 16:7

Ngai-Mûnene angîkenua nî mîthiîre ya mûndû, nîatûmaga wana nthû cia mûndû ûcio ituîke arata.

Nthi 16:9

Mûndû nîavangaga maûndû make, nwatî Ngai-Mûnene nîke wonagia mûndû ûrîa agwîka.

Nthi 17:1

Nîkava kûrîa tûirio tûnini andû marî na thayû, gûkîra kûrîa kîrugo na andû marî na ngucanio.

Nthi 28:6

Nîkava mûndû mûthîni ûrîa ûtûûraga arî mwîvokeku, gûkîra gîtonga kîrîa gîtûûraga ûtûûro ûtarî wa kwîvokeka.

Mûvunjia 4:6

Nî kava kûgîa na indo nini ûrî na thayû wa ngoro gûkîra kûgîa indo nyîngî ûtarî na thayû. Kûu nîta kûvinyûrania na rûkûngi.

Jeremia 17:11

Mûndû ûrîa ûgîcaga na ûtonga na njîra îtagîrîrîte, ekariî ta gîconi kîrîa kîgumbagîra matumbî gîtaciarîte, gatagatî ga ûkûrû wake ûtonga ûcio nîûkaathira, na mûthiiarî akethîrwa arî kîrimû.

Mika 6:10

Nyombarî cia andû arîa aganu kûrî indo irîa andû acio maagwatire na njîra ya maveeni. Matûmagîra ithimi cia maveeni na ûndû ûcio nînîûthûrîte.