Nthi 18:24 - ÎVUKU RÎA ÛVORO MWARO

²⁴ Ûrata ûmwe ndwîthagîrwa ûrî wa ma, nwatî kûrî arata evokeku gûkîra mûndû na mûrwang'ina.

Nthi 18:24 Referencias Cruzadas

2Sam 1:26

“Nie nîrî na kîeva nîûndû waku mûrwaiya Jonathani; kûrî nie we ûraarî mûndû mwaro mûno! Wendo ûrîa ûramendete naguo ûrarî wa magegania, nîûndû ûrarî mûnene gûkîra wendo wa mûndû mûka.

2Sam 15:21

Nwatî Itai nîwacokerie mûthamaki atîrî, “Mwathi wakwa, nevîta na rîîtwa rîa Ngai-Mûnene, atî vîndî cionthe tûkethagîrwa nawe, wana ethîrwa nî mûtinorî wa gîkuû.”

2Sam 16:17

Abusalomu nîwaûririe Hushai atîrî, “Ûcio nîguo wîvokeku waku kûrî mûrataguo Daudi? Mûregire kûthiî nake nîkî?”

2Sam 21:7

Nwatî Daudi nîwavonokirie Mefiboshethu, mûvîcî wa Jonathani. Jonathani aarî mûvîcî wa Saûlo. Daudi aavonokirie Mefiboshethu nîûndû wa mwîvîtwa ûrîa ke mwene na Jonathani meevîtanîrîte mbere ya Ngai-Mûnene.

Nthi 17:17

Mûrata wa ma nî wa vîndî cionthe. Andû arîa maciaranîrîtue vamwe nîmatethanagia vîndî ya thîna.

Nthi 27:10

Ndûkariganîrwe nî mûrata waku kana mûrata wa aguo. Ndûgetie ûtethio kuuma kûrî andû a nyomba yaku vîndî ya thîna. Nîkava mûndû ûrîa mûtûûranîrîte nake gûkîra mûrwanyûkwe ûrîa ûrî kûraca.

Nthi 27:9

Maguta na mînyamû mînungi waro nîîkenagia mûndû, nwatî thîna nîûcûkangagia mûndû.

1Sam 18:1

Rîrîa Saûlo na Daudi maarîkirie kwaria, Jonathani mûvîcî wa Saûlo nîwagucîrîrue mûno nî Daudi na Jonathani akîenda Daudi wata ûrîa eyendete ke mwene.

1Sam 18:3

Jonathani nîwendire Daudi mûno na kwoguo nîwathondekire kîîranîro na Daudi, atî magaatûûra marî arata.