Nthi 14:2 - ÎVUKU RÎA ÛVORO MWARO

² Mûndû ûrîa ûrî mîthiîre mîrûngîrîru nîetigîrîte Ngai-Mûnene; nwatî ûrîa ûtarî mwîvokeku nîamûnyararaga.

Nthi 14:2 Referencias Cruzadas

2Sam 12:9

Rîu nîndûî gîtûmîte ûkararie watho wa Ngai-Mûnene? Nîndûî gîtûmîte wîke ûndû ûyû mûcûku ûguo? Watûmire Uria aûragîrwe mbaararî nî Aamoni na ûgîcoka ûgîoca mûndûmûka wake!

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

2Atha 17:34

Andû acio matwîre mekaga wa ûrîa meekaga tene nginya ûmûnthî. Matigoocaga Ngai-Mûnene kana mavingia mawatho, irîra kana watho na maathani marîa aaveere njiarwa cia Jakovu, ûrîa eetire Isiraeli.

Ayubu 1:1

Kwarî na mûndû wetagwa Ayubu, wa kuuma vûrûrirî wa Uzi. Ayubu aarî mûndû mwaro na mwîvokeku. Aarî mûndû wetigîrete Ngai na wareganîte na maûndû macûku.

Ayubu 12:4

Nie natuîkire wa kûthekagîrîrwa nî arata akwa; nie naavoire Ngai na akîmbîgua; nie mûndû mûthingu na mwîvokeku, nduîkîte wa kûthekererwa.

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Thaburi 112:1

Kumiani Ngai-Mûnene! Kûrathimwa nî mûndû ûrîa wîtigîrîte Ngai-Mûnene, ûrîa ûkenaga mûno rîrîa akwathîkîra maathani make.

Thaburi 25:21

Ngitîra nîûndû wa wega na wîvokeku wakwa, nîûndû we nîwe nîîvokete.

Nthi 11:12

Mûndû ûrîa ûnyararaga andû arîa engî nî kîrimû, nwatî mûndû ûrîa ûrî ûtaûku nî gûkira akiraga.

Nthi 16:17

Andû arîa marî mîthiîre mîrûngîrîru nîmaûragîra maûndû marîa macûku; mûndû ûrîa ûmenyagîrîra mîthiîre yake nîagitagîra mwoyo wake.

Nthi 16:6

Gûtuîka mwathîki na mwîvokeku nîgûtûmaga Ngai overe mûndû mevia. Gwîtigîra Ngai-Mûnene nî kûgiragia mûndû eke maûndû macûku.

Nthi 19:1

Nîkava mûndû ethîrwe arî mûthîni na arî mwîvokeku, gûkîra mûndû waragia maveeni na arî kîrimû.

Nthi 2:15

andû arîa matarî mîthiîre mîrûngîrîru, na matangîîvokwa.

Nthi 28:6

Nîkava mûndû mûthîni ûrîa ûtûûraga arî mwîvokeku, gûkîra gîtonga kîrîa gîtûûraga ûtûûro ûtarî wa kwîvokeka.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

Luka 16:14

Rîrîa Afarisai meegwire maûndû mama monthe, nîmaanyûrûririe Jesû nîûndû maarî akorokeru mbeca mûno.

Ciîko 10:22

Nao nîmaamûcokerie atîrî, “Tue nîkwa tûtûmîrwe nî Korinelio ûrîa wîthagîrwa arî mûnene wa athigari îgana. Ke nî mûndû mûthingu, wîtigîrîte Ngai, na ûvetwe gîtîîo nî rûrîrî ruonthe rwa Ayahudi. Mûraika wa Ngai aramwîrire agûtûmanîre ûthiî gwake mûciî nîguo egue ûrîa we ûkuga.”

Ciîko 10:35

Andû arîa magoocaga Ngai na mekaga ûrîa kwagîrîrîte, nîmetîkagîrwa nîke wana ethîrwa nî a rûrîrî rûrîkû.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.