MATAYO 5:5 - BUKUIT NE TILIIL Sireet ne Dutero Kanon

Poiboen che talaen, amu tuun punjin ng'wony.

Bukuit Ne Tilil

Poiboen che talaen, amu tuun punjin ng'wony.

BUKUIT NE TILIL

Boiboen che taloen: amu tun bunjin ng’ony.

MATAYO 5:5 Referencias Cruzadas

TIENWOGIKAL 147:6

Tiiei Kamuktaindet ne Toroor che iming'inegei; ago chooru kiptengeginik kobwa ng'wony.

TIENWOGIKAL 149:4

Amu paibai Kamuktaindet ne Toroor eng' piikyik; igororoni eng' yetunet che iming'inegei.

TIENWOGIKAL 22:26

Amisyei che talaen ak kobiyong'so; ilasu Kamuktaindet ne Toroor che cheeng'ei ineendet. Ingosapcho mugulelwekwok koigeny!

TIENWOGIKAL 25:13

Tebyei saboondanyi eng' poroteet, ak konyaban iyotennyi emet.

TIENWOGIKAL 25:9

Indochin che talaen eng' kirwooget; ak ineeti che talaen ooreennyi.

TIENWOGIKAL 37:11

Ago namei emet che talaen; ak kogaaskei eng' kaalyeet ne oo.

TIENWOGIKAL 37:22

Amu che ki koberuur Kamuktaindet ne Toroor, kobunjin emet; ago che ki kochup kiwong'u.

TIENWOGIKAL 37:29

Namei emet che po imanda, ak komeny olooto koigeny.

TIENWOGIKAL 37:34

Igen Kamuktaindet ne Toroor, ak isup ooreennyi, ak koeetin inam emet; ye kiwong'u kiptengeginik igeere.

TIENWOGIKAL 37:9

Amu kiwong'u che yaei yaityo, ago namei emet che igeni Kamuktaindet ne Toroor.

TIENWOGIKAL 69:32

Kagogeer che talaen, ak kogaskei: Ingosapcho mugulelwekwok, okweek che ocheeng'e Kamuktaindet.

ISAIAH 11:4

ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

SEPANIA 2:3

Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

KAITOSYEK 12:3

Ago ki chii ne tala miising' Musa kosiir piik tugul che ki mi ng'wony.

MATAYO 11:29

Otiiny kaat choginnyu ak oneetenage; amu aa tala ak aming'inige eng' muguleldo: si osich kamuung'et eng' saboonwekwok.

MATAYO 21:5

“Omwachi cheptap Zion, Keero, nyoonjinin Laitoryandeng'ung', tala, ak kobunu sigiryet, ak moitap sigiryet, parnotyot.”

ROMANIK 4:13

Amu ki ma kigoochi Abraham ak kesweekyik arorutyet eng' ooreet ne po Ng'atuutyet keele kobunji ng'wony, ago eng' imanda ne po kayaneet.

GALATYEK 5:23

kaming'inetapkei, riibetapkei: ma mi ng'atuutyet ne eesyoi chuuto.

EPESOEK 4:2

eng' kaming'inetapkei tugul ak mutyonet, kobooto muitaet, omuitochinigei eng' chamyet;

KOLOSAIK 3:12

Nooto anyun, amu oo lewenaigap Kamuktaindet che tiliileen ak ko oo chamanik, olaach muguleldo ne po rireenetapkei, talasyet, kaming'inetapkei, mutyonet, ak muitaet;

1 TIMOTEO 6:11

Ago inyee, ee, chiitap Kamuktaindet, mwee tuguuchuuto; ak isup imanda, ak kayweet ne kiywei Kamuktaindet, kayaneet, chamyet, muitaet, mutyonet.

2 TIMOTEO 2:25

ne kere kong' eng' mutyonet icheek che kirindoi; tamangap kogoochi Kamuktaindet icheek siguunet ne po naetap imanit,

TITO 3:2

amat komwa kiy ne ya agobo chii age tugul, amat koek piich che po pooryot, ingoek che talaen, koboorchin piik tugul mutyonet tugul.

JAKOBO 1:21

Eng' nooto anyun omete simdo tugul ak chaang'indap yaitwogik, otaach eng' mutyonet ng'olyoot ne ki kimin, ne imuuchi kosar saboonwekwok.

JAKOBO 3:13

Ng'oo ne utaat eng' okweek ak koguitos? Ingobarta poisyonikyik eng' atebeet ne myee eng' kaming'inetapkei ne po ng'omnateet.

1 PETERO 3:15

ago ogonyit Kristo koek Kiptaiyat ne tiliil eng' mugulelwekwok: ak oegu che chobootiin kotugul owolji chii tugul ne teebenok ng'olyoo agobo kamang'unet ne miitei eng' okweek, ago eng' talasyet ak kaiyweisyet:

1 PETERO 3:4

ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.