EPESOEK 4:2 - BUKUIT NE TILIIL Sireet ne Dutero Kanon

² eng' kaming'inetapkei tugul ak mutyonet, kobooto muitaet, omuitochinigei eng' chamyet;

Bukuit Ne Tilil

² eng' kaming'inetapkei tugul ak mutyonet, kobooto muitaet, omuitochinigei eng' chamyet;

BUKUIT NE TILIL

² eng’ kaming’inetab ge tugul ak mutyonet, koboto muitaet, omuitochinige eng’ chamnyet;

EPESOEK 4:2 Referencias Cruzadas

TIENWOGIKAL 138:6

Agot nga toroor Kamuktaindet ne Toroor, kogeerei ne nyeraat, ago ingen ineendet menotyot agot ngo mi ole loo.

TIENWOGIKAL 45:4

Eng' etunateng'ung' iwendote eng' katerteerisyet, agobo imanit ak iriip imanda. Ak ineetin eung'ung' ne po tai poisyosyek che imuisei.

KALEWANAIK 16:19

Kaigai ngetepto kaming'inetapkei kobooto kibananook, kosiir kepchei parunenik ak menotik.

KALEWANAIK 3:34

Chotei ineendet iman chotiik, ago igoochin myeeindo che iming'inegei.

AMDOINDET 7:8

Kaigai kagesunetap kiy kosiir taunennyi; kaigai ne muitoi eng' muguleldonyi kosiir ne meenei.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

SEPANIA 2:3

Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

KAITOSYEK 12:3

Ago ki chii ne tala miising' Musa kosiir piik tugul che ki mi ng'wony.

MATAYO 11:29

Otiiny kaat choginnyu ak oneetenage; amu aa tala ak aming'inige eng' muguleldo: si osich kamuung'et eng' saboonwekwok.

MARIKO 9:19

Ki wolji icheek koleenji, “Ee, ibinda ne ma tinyei kayaneet, atebye kobootok kot kotyanit? Amuitoiywok kot kotyanit? Omutwaa ineendet.”

POISYONIGAP CHE KIYOKTOI 20:19

aboisyechini Kiptaiyat eng' kaming'inetapkei tugul, ak eng' peegap kong', ak eng' tyemuutik che kibwanjo eng' chobutik che po ung'oot che po Yahudik;

ROMANIK 15:1

Nooto anyun kanyoljech acheek che ki kiimeen kegesen nyalulnatetap che ma kiimeen, ama kibaibaigei acheegei.

1 KORINTOEK 13:7

siisei eng' tuguuk tugul, iyani tuguuk tugul, imang'u tuguuk tugul, muitoi eng' tuguuk tugul.

GALATYEK 6:2

Otoretkei eng' nyalilwogik, oyae kosulda ng'atuutigap Kristo.

EPESOEK 1:4

ko uu ye kilewenech eng' ineendet ye kitom kelumda, si keegu che tiliileen che ma tinyei leluut eng' tainnyi eng' chamyet:

KOLOSAIK 1:11

kigimitok eng' kamuktaet tugul, ko uu kamugetap toroornatennyi, agoi muitaet tugul ak talasyet eng' poiboiyet,

1 TIMOTEO 6:11

Ago inyee, ee, chiitap Kamuktaindet, mwee tuguuchuuto; ak isup imanda, ak kayweet ne kiywei Kamuktaindet, kayaneet, chamyet, muitaet, mutyonet.

2 TIMOTEO 2:25

ne kere kong' eng' mutyonet icheek che kirindoi; tamangap kogoochi Kamuktaindet icheek siguunet ne po naetap imanit,

JAKOBO 1:21

Eng' nooto anyun omete simdo tugul ak chaang'indap yaitwogik, otaach eng' mutyonet ng'olyoot ne ki kimin, ne imuuchi kosar saboonwekwok.

1 PETERO 3:15

ago ogonyit Kristo koek Kiptaiyat ne tiliil eng' mugulelwekwok: ak oegu che chobootiin kotugul owolji chii tugul ne teebenok ng'olyoo agobo kamang'unet ne miitei eng' okweek, ago eng' talasyet ak kaiyweisyet:

1 PETERO 3:8

Ne po let anyun, ko oegu tugul che po kabwaatet agenge, che rireegei, che chamdos ko uu che tupcho, che ng'arng'ar mugulelwek, che iming'inegei: