1 TIMOTEO 6:11 - BUKUIT NE TILIIL Sireet ne Dutero Kanon

¹¹ Ago inyee, ee, chiitap Kamuktaindet, mwee tuguuchuuto; ak isup imanda, ak kayweet ne kiywei Kamuktaindet, kayaneet, chamyet, muitaet, mutyonet.

Bukuit Ne Tilil

¹¹ Ago inyee, ee, chiitap Kamuktaindet, mwee tuguuchuuto; ak isup imanda, ak kayweet ne kiywei Kamuktaindet, kayaneet, chamyet, muitaet, mutyonet.

BUKUIT NE TILIL

¹¹ Ago inye, ee, chitab Jehovah, mwee tuguchuto; ak isub imanda, ak kaiyweet ne kiywei Jehovah, kayanet, chamnyet, muitaet, mutyonet.

1 TIMOTEO 6:11 Referencias Cruzadas

1 LAITORINIK 13:1

Eng' peetuut age ko kitononi Jeroboam eng' ye neegitee kapkorosuut kobeelei nyamdutik. Ki nyo chiitap Kamuktaindet ne Toroor eng' Judah eng' ng'olyootap Kamuktaindet ne Toroor konyo Bethel.

1 LAITORINIK 13:26

Kingo kas maotyondonooto kole, “Ineendet ko chiitap Kamuktaindet, ne kagabistoe ng'olyootap Kamuktaindet ne Toroor: ko nooto anyun, kaigoochi `Kamuktaindet ne Toroor ineendet ng'etundo, ne kagereer ineendet ak kobar, ko uu ng'olyootap Kamuktaindet ne Toroor ne ki kamwachi ineendet.”

1 LAITORINIK 17:18

Ki leenji `ineendet Elijah, “Kiting'egei nee ak inyee, chiitap Kamuktaindet? Koinyo oli ami si kong'ang'ak tengektonyu, ak ibar weeriinnyu?”

1 LAITORINIK 17:24

Ki leenji `kwonyooto Elijah, “Kaanai nguno ale ii chiitap Kamuktaindet ne Toroor ak ko po iman ng'olyootap Kamuktaindet ne Toroor ne mi kuting'ung'.”

1 LAITORINIK 20:28

Ki nyo chiitap Kamuktaindet ne Toroor koriik ak kong'alaalji laitoryatap Israel, kole, “Kamwa Kamuktaindet ne Toroor ko uu ni, kole: ‘Amu komwa piigap Syria kole, Kamuktaindet ne Toroor ko kamuktaindetap tuloonook, ma kamuktaindetap atebwosyek, andoi anyun eung'ung' tuiyoni oo tugul, si onai ole aa Kamuktaindet ne Toroor.’ ”

2 LAITORINIK 1:13

Ki iyookto kogeny kiptaiyat ne po somok kobooto piikyik konom. Ki togosta kiptaiyatap somok ne pou konom ak konyo kogutuny eng' taitap Elijah, ak kosaisai ineendet, koleenji, “Ee chiitap Kamuktaindet, asaain ale, ingobunji kamanuut ne oo, saboondanyu ak saboonwegap otwogichuguk konom eng' taing'ung'!

2 LAITORINIK 1:9

Koyooktoochi anyun `laitoryat kiptaiyat kobooto piikyik konom. Ki togosta kwo ole mi ineendet, ak kitebyei ng'wony Elijah eng' tulweet parak. Ak ki mwachi ineendet koleenji, “Ee, chiitap Kamuktaindet, kole laitoryat, ‘Choruge!’ ”

2 LAITORINIK 23:17

Kiteep ineendet kole, “Nee ki o po kabwaatet no ageere?” Ak ki mwachi piigap nganaseet ineendet koleenji, “Kereritap chiitap Kamuktaindet, ne ki punu Judah, ne ki nyo komwaita tuguuchuuto kaiyai iyachi kapkorosutap Bethel.”

2 LAITORINIK 5:20

Ago ki le Geasi otwogindetap Elisha chiitap Kamuktaindet, “Keero, kabagakyi kiptaiyandennyu Naaman Syrianindet, amataach eng' eunnyi tuguuk che kaibu. Ko uu ye sabei Kamuktaindet ne Toroor, alabati asubi ineendet ak aibe ineendet tuguuk alak.”

1 ATEPTAP PEETUUSYEK 23:14

Ago ki kiitito weeriigap Musa chiitap Kamuktaindet, ooreetap Lawi.

2 ATEPTAP PEETUUSYEK 8:14

Ko uu ng'atuutyetap Daudi kwandanyi koging'at riipsosyegap tisiik eng' otisyennywa, ak Lawiik koyai poisyonikwak si kolasu ak koboisyei kobooto tisiik ko uu ye yamei poisyetap peetuut age tugul. Ki ng'at riibiigap kurgeet ak icheek koyai riipsosyekwak eng' kurgeet age tugul; amu kiga ng'at Daudi chiitap Kamuktaindet ko uu nooto.

NEEMIA 12:24

Ki che eecheen che po Lawiik ko ki Hasabia, Serebia ak Jeshua weeriitap Kadmiel kobooto tupchosyekwak che kitokyindos ak icheeget, si kolas ak komwaei kongoi, kowaljingei ko uu eng' ng'atuutyetap Daudi chiitap Kamuktaindet.

NEEMIA 12:36

ak tupchosyekyik, Semaiah, Asarel, Milalai, Gilalai, Maai, Nethanel, Judah ak Hanani, kotinyei kibugandinik che po Daudi chiitap Kamuktaindet ne Toroor. Ak ki indoe icheek Ezrah siriindet.

TIENWOGIKAL 34:14

Istoegei yaityo, ak iyai ne myee; cheeng' kaalyeet, ak isup.

TIENWOGIKAL 38:20

Kaek puunikyuk che yaaktoi yaityet eng' ne myee, amu asubi kiit ne myee.

KALEWANAIK 15:9

Wechei `Kamuktaindet ne Toroor ooreetap kiptengekyot, ago chamei ne isubi imanda.

ISAIAH 51:1

Oepcha iit, okweek che osubi imanda, okweek che ocheeng'e Kamuktaindet ne Toroor: ogeer rwandet ne ki kimoong'unenok eng' waet, ak ogeer keriinget ne ki kibalunenok.

JEREMIA 35:4

ki amutu kobwa kootap Kamuktaindet ne Toroor, agoi koot ne po oriit ne po weeriigap Hanan weeriitap Igdalia, chiitap Kamuktaindet ne Toroor, ne kineegite koot ne po oriit ne po pounik, ne ki mi paragutap koot ne po oriit ne po Maaseia weeriitap Shallum, riibindetap kurgeet.

ROMANIK 14:19

Nooto anyun, ongisup tuguuk che yaei kaalyeet, ak tuguuk che kiteegegei acheegei eng' acheegei.

1 KORINTOEK 10:14

Nooto anyun, chamanikyuk, omwee piteetap kanamonik.

1 KORINTOEK 14:1

Osup chamyet; ak ocheeng' miising' konunoik che po Kabuuset, ago ne siirei ko oamde logoiywek.

1 KORINTOEK 6:18

Omwee ibeetapkei. Tengek age tugul ne yaei chii komiitei saang'utap poorto; ago ineendet ne yaei ibeetapkei koyachin poortanyi tengekto.

NG'ATUTIK 16:20

Isup che po imanda kityo, si isap ak inyaban emet ne koonin Kamuktaindet ne Toroor Kamuktaindeng'ung'.

NG'ATUTIK 33:1

Ni kaberuret ne ki iberuur `Musa chiitap Kamuktaindet piigap Israel kotom kome:

1 TIMOTEO 1:14

ak kitesak myeeindap Kiptaiyandennyo kobarait kobooto kayaneet ak chamyet ne mi eng' Kristo Jeso.

1 TIMOTEO 4:12

Amat kosas chii ming'inateng'ung'; ago egu kaboorunet eng' icheek che iyani, eng' ng'olyoot, eng' atepto, eng' chamyet, eng' kayaneet, eng' tiliilindo.

1 TIMOTEO 5:10

ne kimwaitae ineendet poisyonik che myach; ngo kigo pai lagok, ngo ki kotaach toek, ngo kigoun keelyegap che tiliileen, ngo ki kotoret che nyalildos, ngo kigogiilgei eng' poisyet age tugul ne myee.

1 TIMOTEO 6:20

Ee, Timoteo, riip anyun nooto kigegoonin, istoegei ng'aleek che ma namegei ak ooreetap Kamuktaindet, ak kabeletapkei ne po naet, nooto kiguure eng' lembech naet;

2 TIMOTEO 2:21

Ngo tiliilgei anyun chii eng' tuguuchuuto, koegu tereet ne po teegisto, ne itabaanat, ne nyoljin koboisyee kiptaiyat, ne ki kichopchi poisyet age tugul ne myee.

2 TIMOTEO 2:22

Ago mwee maguutik che po neranik, ak isup imanda, chamyet, kayaneet, kaalyeet, kobooto icheeget che kuurei Kiptaiyat eng' mugulelwek che tiliileen.

2 TIMOTEO 3:10

Ago ki isup inyee kaneetisyennyu, atebeet, kiit ne atokyinige, kayaneet, mutyonet, chamyet, muitaet,

2 TIMOTEO 3:17

si kobiit koek chiitap Kamuktaindet, ne ineetat, ne ki kichop koek ne ititaat eng' poisyet age tugul ne myee.

HEBRANIK 12:14

Ogiilgei otebi eng' kaalyeet kobooto piik tugul, ak tiliilinooto ne ngo ma tinyei chii koma imuuchi kogeer Kiptaiyat:

1 PETERO 3:11

Ingoistoegei yaityo, ak koyai ne myee; Ingocheeng' kaalyeet ak koosup.

1 SAMUEL 2:27

Ki nyoonji `chiitap Kamuktaindet Eli ak koleenji, “Kamwa Kamuktaindet ne Toroor ko uu ni, ‘Tos ki ma ang'aang'jigei kootap kwandang'ung' ye ki miitei Misiri eng' kootap Pharaoh?

1 SAMUEL 9:6

Koleenji otwogindet, “Keero, miitei nganasani chiitap Kamuktaindet, ak ineendet ko chiito ne kigonyiti, ak ko tuguuk tugul che mwaei kosuldoi iman. Ngebe anyun yooto tamangap komuuch komwaiwech agobo pandanyo ne kibendi.”