1 TIMOTEO 6:10 - BUKUIT NE TILIIL Sireet ne Dutero Kanon

¹⁰ Amu chametap silingisyek ko tigityot agenge ne po yaitwogik alak tugul. Kigong'asyigei piik alage kot kometo kayaneet ak ki kotorgei eng' aragenosyek che chaang'.

Bukuit Ne Tilil

¹⁰ Amu chametap silingisyek ko tigityot agenge ne po yaitwogik alak tugul. Kigong'asyigei piik alage kot kometo kayaneet ak ki kotorgei eng' aragenosyek che chaang'.

BUKUIT NE TILIL

¹⁰ Amu chametab siling’isiek ko tigitiot agenge ne bo yaitwogik alak tugul: che kigong’asyigei alage kot kometo kayanet ak kigotorgei eng’ arogenosiek che chang’.

1 TIMOTEO 6:10 Referencias Cruzadas

TAUNET 29:14

ak ki mwachi Laban koleenji, “Angen komyee ale, ii kowekyuk ak panyeekyuk.” Ak ki tebi ak ineendet arawet agenge.

TAUNET 29:26

Ki le Laban, “Ma piteetap olinyoo kitun ne ming'in kotom kitun ne oo.

TAUNET 34:27

Ki pwa weeriigap Jakobo ole mi piik che kagebar, ak kiluul nganaseet, amu kiga kong'em chepkametinnywa.

TAUNET 38:16

Ki wo ole mi eng' ooreet taban ak koleenji, “Kaigai icham kituiyegei,” amu ki ma nai kole ineendet ko kwondo ki po weeriinnyi. Ki leenji, “Igoono nee, si kobiit inyoonjo?”

1 LAITORINIK 2:40

Ki ng'eet Shimei ak koiito sigiryennyi, ak kwo agoi kap Akis eng' Gath, kocheeng' otwogikyik. Ki wo Shimei komut otwogikyik eng' Gath.

2 LAITORINIK 5:27

Namin anyun mogondosigap Naaman ak iyoteng'ung' koigeny.” Ki manda anyun eng' ye ki mi ineendet ko kagonam mogondosaik, koleelit ko uu teluji.

TIENWOGIKAL 32:10

Nyooru ng'waninwogik che chaang' kiptengekyot, ago kimuute rireenetapkei ne imang'u Kamuktaindet ne Toroor.

TIENWOGIKAL 62:10

Amomang'u sastaet, amomene rebisyet; ngo tesak mogornatosyek ko mat otiegei.

KALEWANAIK 1:19

Uu nooto ortinwegap age tugul ne kipkeiyat agobo kelunet; rebei saboonwegap piik.

KALEWANAIK 1:31

amei anyun logoegap ortinwekwak, ak konyiak ng'aleekwak che yaacheen.

KALEWANAIK 15:27

Inyalili koonnyi `ineendet ne kipkeiyat agobo kelunaik, ago sabei ineendet ne wechei asoya.

AMDOINDET 2:19

Ak ng'oo ne ingen ngo tuun egu chiito ne utaat anan ko ne perber? Nganda uu nooto, ko tuun pou poisyennyu tugul ne koabirtochigei ak ne abartae ng'omnateet eng' kurereetap asiista. Puch niito agine.

ISAIAH 1:23

Ngelelik pouniguk, ak ko choronogap chooriik. Chamei age tugul asoya, ak kosuboti tuguuk che kigeerchin. Ma ibesyechin ne ma tinyei sigiik, ama ki ipchin icheek ng'aleegap mosoget.

ISAIAH 56:11

Ee, kipkein sesenik, ma piyong'dos agoi; ak chuuto ko mestoweek che ma iguitos kiy: ki komaasta tugul koosup ooreenywa, kigosup chii tugul keljinennyi, eng' komosta age tugul.

EZEKIEL 13:19

Ak ki ong'wanita eng' piikyuk agobo baale che po rubeito ak kererutigap magatiinik, si obar saboonwegap piik che ma nyoljin kobek, ak osaru saboonwegap piik che ma nyoljin kosapcho amu lembechekwok che omwachini piikyuk che chamei kogas lembechechooto.

EZEKIEL 16:33

Igoochin pichooto chepkugonik tugul asoya: ago igoochini inyeendet tuguuguk che po kagaigaet chamaniguk tugul, ak igaigae icheek tuguuchooto, si kobiit kobwonjin eng' komosta age tugul agobo kugoinatosyeguk.

EZEKIEL 22:12

Kigotaach icheek eng' inyee asoya si kotumda korotiik; ki ip kelunet ne siirtoot ak che tesatiin, ak ki inyooru poroteet eng' keiyandit amu ki isastae piigap kokweng'ung', ak ki iutyeno, mwaei Kiptaiyat Kamuktaindet ne Toroor.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

MALAKI 1:10

Kaigai onde chii ne kerei kurgotik si molaal maat eng' kaptisisyennyu puch! Ma paibai eng' okweek agot kitigin, amataache kagoochinet ne punu eunekwok, mwaei Kamuktaindet ne Toroor ne po lugoosyek.

MATAYO 13:22

Nooto ne ki kilechi ole mi katook, ko ineendet ne kasei ng'olyoot ak kogiich kererwegap met che po ng'wony, ak kaberberisyet ne po mogornateet, si mai.

MATAYO 23:13

“Ago pwo eng' okweek, siriik ak Pharisaik, chombilik! Amu ogere piik pounatetap kipsengwet. Amu mochutei okweeget olooto, ak che machei kochut olooto ko mochamjini koba.

MATAYO 6:19

Amogonorchigei konoraik eng' ng'wony, ole amei kuutik anan kong'em kutuuk, ak ole putei chooriik ak kochoor;

MARIKO 4:19

ak ye kait kaimutigap ng'wony, ak kaberberisyetap mogornateet, ak magutigap tuguuk alak, kogiich ng'olyoot si ma sich logoek.

NG'ATUTIK 16:19

Amemaas kirwooget. Ametiytiy piik anan itaach che po kagaigaet, amu kerei konyegap che tinyei utaatyet tuguuk che po kagaigaet, ak kogunuuri ng'aleegap che po imanda.

NG'ATUTIK 23:18

Ameibu melektap chepkugoniot anan che ki ale seset kobwa kootap Kamuktaindet ne Toroor Kamuktaindeng'ung' eng' kaarorunet age tugul. Amu wechei `Kamuktaindet ne Toroor Kamuktaindeng'ung' chooto tuwai.

KOLOSAIK 3:5

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik;

1 TIMOTEO 3:3

ne ma kimaiya, ne ma pirisyei; ago ne tala, ne ma chii ne po pooryot, ne ma chamei silingisyek;

1 TIMOTEO 6:21

ne kigosup alage ak ki kochiliil eng' kayaneet. Ingotep myeeindo kobooten.

1 TIMOTEO 6:9

Ago icheek che machei koek mogoreek kobutyin yoomseet ak mesteet ak maguutik che chaang' che perberen, che ibu ng'wanindo, che lugui piik koba ng'emisyet ak luseet.

2 TIMOTEO 3:2

Amu egu piik che chamegei icheegei, che chamei silingisyek, che ichaugei, che mendos, che poisyee chemerereet, che ingeleljin sigiikwak, che ma tinyei kongoi, che ma tiliileen,

2 TIMOTEO 4:10

amu ki kobagakta Dema, ko kagocham ng'wonyuni po peetuusyechu, ak kwo Thessalonika; kwo Kreske Galatia, kwo Tito Dalmatia.

TITO 1:11

che kanyool keger kutusweekwak; che itarng'aanyi ko komugul, koneeti tuguuk che kama konyolu amu mogornateetap teweernateet.

JAKOBO 5:19

Che kitupche, ngot komi chii eng' kwenung'wong' ne mastoi eng' imanda, ak kowal chii ineendet;

JOSHUA 7:21

Kinga keer eng' tuguuk che ki kiluul ngoryeet ne karaaran ne po Babilon ak shekelisyek pogol aeng' che po fedha, ak thahabu ne nyigiisindanyi ko shekelisyek konom, agase myat anyun ak aip. Ung'ootiin tuguuchooto eng' ng'wony eng' kwenutap emainnyu ak ko tabanu ng'wony fedha eng' tuguuchooto.”

JUDA 1:11

Pwo eng' icheek! Amu ki isup ooreetap Kain, ak kogoochigei mastaetap Balaam komach melekto, ak kilusyo eng' ngelelnatetap Kora.

NG'ANG'UTYET 18:13

ak kinamon, ak nyamdutik, ak nyamdutik che kibeelei, ak mwanik che ki ilegei, ak tuguuk che nyamdut, ak divaik, ak mwanik, ak peek che ng'ootiin che tambulul, ak nganuuk, ak tuuga, ak keechiirek; ak paraisisyek ak chepkichutisyek ak mutwoorik; ak saboonwegap piik.