ISAIAH 61:1 - BUKUIT NE TILIIL Sireet ne Dutero Kanon

¹ Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

Bukuit Ne Tilil

¹ Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

BUKUIT NE TILIL

¹ Mi kobota tamirmirietab Kiptaiyat Jehovah; amu kiila Jehovah si kobiit aamji logoiywek che miach che nyerotin; kigoyokta anya che ilyotin mugulelwek, si kobiit aamji luulenik katiaget, ak kitiach che ratotin.

ISAIAH 61:1 Referencias Cruzadas

TIENWOGIKAL 102:20

si kogas tigenetap kimonjororyot; si kotyach icheek che kigechopchi meet;

TIENWOGIKAL 147:3

Inyai che ilyotiin mugulelwekwak, ak koratei mookwak.

TIENWOGIKAL 149:4

Amu paibai Kamuktaindet ne Toroor eng' piikyik; igororoni eng' yetunet che iming'inegei.

TIENWOGIKAL 2:6

“Kande laitoryandennyu `Zion tulweennyu ne tiliil.”

TIENWOGIKAL 22:26

Amisyei che talaen ak kobiyong'so; ilasu Kamuktaindet ne Toroor che cheeng'ei ineendet. Ingosapcho mugulelwekwok koigeny!

TIENWOGIKAL 25:9

Indochin che talaen eng' kirwooget; ak ineeti che talaen ooreennyi.

TIENWOGIKAL 34:18

Neegitee Kamuktaindet ne Toroor icheeget che ilyotiin mugulelwekwak, ak kosaru icheek che ki konyeratitu mugulelwekwak.

TIENWOGIKAL 45:7

Ichame imanda ak iweche tengekto. Eng' nooto anyun, ki koiilin Kamuktaindet, Kamuktaindeng'ung' eng' mwaita ne po poiboiyet kosiir siritoiguk.

TIENWOGIKAL 51:17

Korosegap Kamuktaindet ko Kabuuset ne kigoil; ee Kamuktaindet, mesase muguleldo ne kigoil ak kotinyei siguunet.

TIENWOGIKAL 68:7

Ee Kamuktaindet, ye kinga imande indoe piiguk, Ye kiityegoti surkwen,

TIENWOGIKAL 69:32

Kagogeer che talaen, ak kogaskei: Ingosapcho mugulelwekwok, okweek che ocheeng'e Kamuktaindet.

KOMONG'U 28:41

Yeityo ilaakyi ng'eetap komet Aron tuguuchooto ak weeriikyik ak icheek ak iil, ak itoroorchi icheek poisyetap tiliilindo itabaan, si kobiit koboisyeiwo eng' tisiisyet.

KOMONG'U 29:7

Yeityo inam mwaita ne ki ilse iroong'ji metinnyi ak iil ineendet.

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

ISAIAH 30:19

Amu menyei `piik Zion eng' Jerusalem, ma iriiree kogeny. Iboorun iman myeeindo ye kas riireguk; ye kas kowolun.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

ISAIAH 32:7

Yaacheen tuguuk che po rebindet; chobei chobutik che yaacheen si kobare che talaen ng'aleek che po lembech, agot ye ng'alaali ne ma tinyei kiy ng'aleek che lititen.

ISAIAH 40:9

Togoste tulweet ne kooi ee Zion, inyee ne imwatoi logoiywek che myach; waach miising' eng' kimnateet ee Jerusalem, inyee ne imwachini logoiywek che myach; waach, ameiywei; mwachi nganasoogap Judah ileenji, ogeer, Kamuktaindeng'wong'!

ISAIAH 42:1

Ogeero otwogindennyu, ne agimiiti, nenyu ne ki alewen ne poiboitune saboondanyu; kande ineendet saboondanyu; ipchin kirwoogetap iman pororyosyek.

ISAIAH 42:7

iyat koonyek che koryotiin, imoong'u kimonjororinik eng' korgoreet, imoong'u che tebee mesundeito.

ISAIAH 48:16

Oriikyo, ogas ni; tomo amwa kiy eng' ung'oot kobooch keny; ki ami kobooch agoi; kagoyookta anyun Kiptaiyat Kamuktaindet ne Toroor, ak Kabuusennyi.

ISAIAH 49:9

koleenjin icheek che ratotiin, Omande; ak koleenjin che mi mesundeito, Obartegei. Amisyoti eng' ortinwek, ak egu komoswek che torooreen ole churat, ole ki agete.

ISAIAH 52:7

Korooron ne tya eng' tuloonook, keelyegap ineendet ne ibu logoiywek che myach, ne mwaitoi kaalyeet, ne ibu logoiywek che myach che po myeeindo, ne mwaitoi yetunet; ne mwachin Zion koleenjin, Laitorani Kamuktaindeng'ung'!

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 57:18

Ki ageer ortinwekyik, ak asoobi ineendet: andochini kogeny, ak aweekyi ineendet kagaigaosyek kobooto piikyik che riirtos.

ISAIAH 59:21

Ni anyun kayomisennyu ne kiyomisyinige ak icheek, mwaei Kamuktaindet ne Toroor: ma istoegei kuting'ung' Kabuusennyu ne miten ak ng'aleeguk che kiande kuting'ung', anan eng' kutitap iyoteng'ung', anan eng' kutusweegap mochogoroniguk, mwaei Kamuktaindet ne Toroor, kobooch nguno agoi koigeny.

ISAIAH 66:2

Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

JEREMIA 34:8

Ki nyoonji Jeremiah `ng'olyoot ne ki punu Kamuktaindet ne Toroor, ye kingo kagoyai Laitoryat Zedekiah arorutyet kobooto piik tugul che ki mi Jerusalem, kole, komwaita katyaget eng' icheek;

JEREMIA 52:33

Ak ki wal ngoroikyik che po korgoreet, ak ki amis eng' tainnyi kotugul eng' peetuusyek tugul che po sabeennyi.

HOSEA 6:1

“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.

ATEPTAP LAWIK 7:35

Niito kebebertap Aron ak weeriikyik che punu kagoochinoik che kigoochin Kamuktaindet ne Toroor, kobun maat. Ki kitabaanji icheek kong'etee peetuut ne ki kindoi koboisyechi Kamuktaindet ne Toroor eng' tisiisyet.

MIKAH 3:8

Ago kanyiia iman kimnateet eng' Kabuusetap Kamuktaindet ne Toroor, ak eng' kirwooget, ak eng' kamuget, si kobiit amwachi Jakobo pistoennyi, ak amwachi Israel tengektanyi.

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

MATAYO 3:16

Kingo kagibatisan Jeso, ye kigatogos kityo eng' peek, ogeero, ki yaatagis kipsengwet ak kogeer `ineendet Kabuusetap Kamuktaindet kochoorugei ko uu cheptuget ak kotonoon eng' paragunnyi.

LUKA 7:22

Kowolji koleenji, “Oba omwachi Johana tuguuk che kaogeer ak che kaogas; kigoochin kipkoratinik kogeerto, ak pendoti che koing'waldos, kitiliili che tinyei mogondosaik, ak kastoi che ming'otin, king'eeti che ki kobek, ki amjin kibananook logoiywek che myach.

JOHANA 1:41

Ki sip konyoor Simion ne tupcho, ak koleenji, “Kagenyooru Mesia” (ye kiweech, ko Kristo).

JOHANA 3:34

Amu ng'alaali ng'aleegap Kamuktaindet ineendet ne ki iyoogu Kamuktaindet; amu ma koonu ineendet Kabuuset ne Tiliil eng' karagendoet.

POISYONIGAP CHE KIYOKTOI 10:38

ongen ole ki iil `Kamuktaindet Jeso ne po Nazareth eng' Kabuuset ne Tiliil ak eng' kamuktaet; kiwendot ineendet ak koyaei ne myee, ak kosoobi tugul che ki inyaliili chesawilyet, amu ki mi Kamuktaindet kobooto ineendet.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

POISYONIGAP CHE KIYOKTOI 4:27

Amu iman kituitos eng' nganasani Herod ak Pontio Pilato agine kobooto Pororyosyek ak piigap Israel, kole kogirinda Kiboityondeng'ung' ne Tiliil Jeso, ne ki iil,

2 KORINTOEK 3:17

Kiptaiyat ko Kabuuset ne Tiliil anyun: ak ole mi Kabuusetap Kiptaiyat komi katyaget.

2 KORINTOEK 7:6

Ago Kamuktaindet ne igoigoi che nyerootiin, ko ki igaigaech eng' nyonunetap Tito;

HEBRANIK 1:9

Ichame imanda ak iweche tengekto; eng' nooto anyun, ki koiilin Kamuktaindet, ineendet Kamuktaindeng'ung' eng' mwaitap poiboiyet kosiir siritoiguk.”