JAKOBO 3:13 - BUKUIT NE TILIIL Sireet ne Dutero Kanon

¹³ Ng'oo ne utaat eng' okweek ak koguitos? Ingobarta poisyonikyik eng' atebeet ne myee eng' kaming'inetapkei ne po ng'omnateet.

Bukuit Ne Tilil

¹³ Ng'oo ne utaat eng' okweek ak koguitos? Ingobarta poisyonikyik eng' atebeet ne myee eng' kaming'inetapkei ne po ng'omnateet.

BUKUIT NE TILIL

¹³ Ng’o ne ng’om eng’ okwek ak koguitos? Ingobarta boisionikyik eng’ atebet ne mie eng’ kaming’inetab ge ne bo ng’omnatet.

JAKOBO 3:13 Referencias Cruzadas

Kitabuutap JOB 28:28

Ak ki mwachi chiito, koleenji, ‘Ogeero, ngiywei Kiptaiyat, ko utaatyet nooto; Ak ngeistoegei yaityet, ko kaguiyet nooto.’ ”

TIENWOGIKAL 107:43

Epchin iit ne utaat tuguuchuuto, ak kobwaatoti rireenosyegap Kamuktaindet ne Toroor.

TIENWOGIKAL 122:8

Amu tupchosyekyuk ak choronokyuk, amwae nguno ale, “Ingotebenen kaalyeet.”

TIENWOGIKAL 149:4

Amu paibai Kamuktaindet ne Toroor eng' piikyik; igororoni eng' yetunet che iming'inegei.

TIENWOGIKAL 25:9

Indochin che talaen eng' kirwooget; ak ineeti che talaen ooreennyi.

TIENWOGIKAL 45:4

Eng' etunateng'ung' iwendote eng' katerteerisyet, agobo imanit ak iriip imanda. Ak ineetin eung'ung' ne po tai poisyosyek che imuisei.

AMDOINDET 8:1

Ng'oo ne kergei ak chiito ne utaat? Ak ng'oo ne ingen kaweegetap kiy? Igoochin ng'omnatetap chiito togeennyi kooluu, ak kowalak uuindap togeennyi.

AMDOINDET 8:5

Ma naei kiy ne ya age tugul ne riibei ng'atuutyet, ak ibestos muguleldap chiito ne utaat peetuusyek ak kirwooget.

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

ISAIAH 60:6

Tuchin chaang'indap tambeesik, kobooto moegap tambeesik che po Midian ak Ephah; punu tugul Sheba: ibu thahabu ak tuguuk che nyamdut, ak komwaita kalasunoigap Kamuktaindet ne Toroor.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

JEREMIA 9:12

Ak ateebee aleen, Tos ng'oo chiito ne utaat ne imuuchi koguiyo niito? Ak ng'oo ineendet ne ki ng'alaalji kutitap Kamuktaindet ne Toroor, si kobiit komwaita? Amu nee anyun si kong'emak emet ak kolal ko uu surkwen, kot koma kobunei chii?

JEREMIA 9:23

Mwaei Kamuktaindet ne Toroor kole, amat koloskei chiito ne utaat eng' ng'omnatennyi, anan koloskei chiito ne kiim amu kimnateennyi, amat koloskei mogoryot eng' mogornatosyekyik.

SEPANIA 2:3

Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

KAITOSYEK 12:3

Ago ki chii ne tala miising' Musa kosiir piik tugul che ki mi ng'wony.

MATAYO 11:29

Otiiny kaat choginnyu ak oneetenage; amu aa tala ak aming'inige eng' muguleldo: si osich kamuung'et eng' saboonwekwok.

MATAYO 21:5

“Omwachi cheptap Zion, Keero, nyoonjinin Laitoryandeng'ung', tala, ak kobunu sigiryet, ak moitap sigiryet, parnotyot.”

MATAYO 5:5

Poiboen che talaen, amu tuun punjin ng'wony.

MATAYO 7:24

Nooto anyun age tugul ne kasei ng'aleechuchuk ak koyai, kiyanie chiito ne utaat ne ki teech koonnyi rwandet parak:

1 KORINTOEK 6:5

Amwae ni si agoonok olilanse. Tos iman, ma mi chii ne utaat eng' kwenung'wong' ne imuuchi kotil ng'aleek eng' kwenutap tupchosyekyik,

2 KORINTOEK 10:1

Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

2 KORINTOEK 8:24

Nooto anyun oboorchi icheeget eng' taitap kanisosyek kiit ne ibooru chamyeng'wong', ak kalasunennyo pogei agobo okweek.

GALATYEK 5:23

kaming'inetapkei, riibetapkei: ma mi ng'atuutyet ne eesyoi chuuto.

GALATYEK 6:1

Che kitupche, agot ngenyoorchi chii lelutyet, ko okweek che otinye Kabuuset ne Tiliil, oweegu chiito ne uu nooto eng' muguleldo ne po mutyonet; ak iriipkei, si ma kiyomin aginye.

GALATYEK 6:4

Ago ingotyem chii age tugul poisyennyi, si konyoor anyun kiit ne ilasunegei ineegei, ak ma eng' chiito age.

EPESOEK 4:2

eng' kaming'inetapkei tugul ak mutyonet, kobooto muitaet, omuitochinigei eng' chamyet;

PILIPIK 1:27

Ago ingoek atebeeng'wong' ne nyoljin logoiywek che myach che po Kristo: si ngot anyoo ageerok anan ngo ma mi anee, amuuchi agas agobo atebeeng'wong', keele otonondosi komyee eng' sabeet agenge, eng' muguleldo agenge ogiiligei agobo kayaneetap logoiywek che myach;

KOLOSAIK 3:12

Nooto anyun, amu oo lewenaigap Kamuktaindet che tiliileen ak ko oo chamanik, olaach muguleldo ne po rireenetapkei, talasyet, kaming'inetapkei, mutyonet, ak muitaet;

1 TIMOTEO 4:12

Amat kosas chii ming'inateng'ung'; ago egu kaboorunet eng' icheek che iyani, eng' ng'olyoot, eng' atepto, eng' chamyet, eng' kayaneet, eng' tiliilindo.

1 TIMOTEO 6:11

Ago inyee, ee, chiitap Kamuktaindet, mwee tuguuchuuto; ak isup imanda, ak kayweet ne kiywei Kamuktaindet, kayaneet, chamyet, muitaet, mutyonet.

2 TIMOTEO 2:25

ne kere kong' eng' mutyonet icheek che kirindoi; tamangap kogoochi Kamuktaindet icheek siguunet ne po naetap imanit,

TITO 3:2

amat komwa kiy ne ya agobo chii age tugul, amat koek piich che po pooryot, ingoek che talaen, koboorchin piik tugul mutyonet tugul.

HEBRANIK 13:5

Oegu che ityagatin eng' chametap silingisyek; ingoyamak tuguuk che otinye; amu ki komwa ineendet kole, “Ma koi abagaakteen, ma koi ameteen.”

JAKOBO 1:21

Eng' nooto anyun omete simdo tugul ak chaang'indap yaitwogik, otaach eng' mutyonet ng'olyoot ne ki kimin, ne imuuchi kosar saboonwekwok.

JAKOBO 2:18

Ago imuuchi komwa chiito kole, “Itinye inyee kayaneet, atinye anee poisyonik.” Iboorwo kayaneng'ung' ne ma tinyei poisyonik, si aboorun poisyonikyuk eng' kayaneet.

JAKOBO 3:1

Amat koek che chaang' eng' okweek kaneetik, tupchosyekyuk, ongen ole tuun kinyooru kirwooget ne oo miising'.

JAKOBO 3:17

Ago utaatyet ne punu parak ko ne tai ko tiliil, yeityo ko po kaalyeet, ak komuitoi, ak kasei kiy ne kimwachin, ak ko nyiitaat rireenet ak logoek che myach, ama walaksei, ama tinyei chombilet.

1 PETERO 1:15

ago ko uu ye tiliil ineendet ne kiguurok, oegu che tiliileen ak okweek eng' atebosyek tugul;

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 PETERO 3:4

ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.