Kingo it arawetap tisap ye kiga komeng'iis piigap Israel eng' nganasookwak, koyumjigei piik Jerusalem ko uu chiichak.
JEREMIA 30:3 - BUKUIT NE TILIIL Sireet ne Dutero Kanon Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji. Bukuit Ne Tilil Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji. BUKUIT NE TILIL Keero, bwanei betusiek, mwaei Jehovah, che awale luuletab bikyuk Israel ak Juda, mwaei Jehovah: ak agochi ichek koweek kobwa emet ne kiagochi kwanisiekwak, ak kobunji. |
Kingo it arawetap tisap ye kiga komeng'iis piigap Israel eng' nganasookwak, koyumjigei piik Jerusalem ko uu chiichak.
Ago ki riiryo eng' kutit ne oo tisiik che chaang' ak Lawiik ak kandoigap kooriigap kwanisyek, poisyek chooto kiga keer koot ne ki po tai, ye ki ngelumdoi lumeiywotap koiito eng' tainnywa, ak ki waakyo alak eng' poiboiyet.
Ak eng' kenyiit ne po aeng' ngap koit kootap Kamuktaindet eng' Jerusalem, kotoi Zerubabel weeriitap Shealtiel ak Jeshua weeriitap Josadak kobooto tupchosyekwak (tugul che tisiik, Lawiik ak luulenik tugul che kiga week Jerusalem) poisyet. Ki inde Lawiik, kobooch che po kenyiisyek tiptem ak che siirei, koriip poisyet ne po kootap Kamuktaindet ne Toroor.
Iweech chechook che kigeluul, ee Kamuktaindet ne Toroor, ko uu ainoosyek che po murot tai.
Kita myee nda kiga pun yetunetap Israel `Zion! Ye tuun weech Kamuktaindet ole uu piikyik, ko poiboitu anyun Jakobo; ak kogaskei Israel.
ago, kileen, Ko uu ye sabei Kamuktaindet ne Toroor, ne ki imut piigap Israel eng' emetap murot kaataam, ak eng' emotinwek tugul che kiga koonji icheek: ak amutu icheek kogeny kobwa emennywa ne ki agoochi kwanisyekwak.
Ogeero, pwoonei peetuusyek, mwaei Kamuktaindet ne Toroor, che ang'eetyini Daudi Temet ne po iman, ak kolaitoran ko laitoryat, ak kobois eng' ng'omnateet, ak koyai kirwooget ak imanda eng' emet.
Ago pororyet ne kase iit laitoryatap Babilon, ak koot ineendet, abagaaktoi pororyonooto kong'et eng' emennywa, mwaei Kamuktaindet ne Toroor; ak kobat emonooto, ak komeny olooto.
ki ibei koba Babilon, ak tebee olooto, agoi peetuut ne arutochini icheek, mwaei Kamuktaindet ne Toroor; aibu anyun aweegu kobwa olito.
Amu mwaei Kamuktaindet ne Toroor kole, ye ibata kenyiisyek tamanwogik tisabu omi Babilon, arutochok, ak asuldawok ng'olyoondennyu ne myee, amutwok obwa olito.
Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.
Eng' peetuusyechooto, ko tuun pendoti kootap Judah ak kootap Israel, tuun pwoonei tuwai komong' eng' emet ne po murot kaataam kobwa emet ne ki agoochi kwanisyekwok kobunji.
Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.
Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.
Mwaei Kamuktaindet ne Toroor kole: Amat itee, anan iriir: amu mi melekto ne po poisyeng'ung', mwaei Kamuktaindet ne Toroor; ak pwoonei icheek kogeny eng' emetap puunyoot.
Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ta komwaei kogeny icheek ng'aleechu eng' emetap Judah ak eng' nganasookyik, ye tuun aweech kogeny eng' ole ki kimut kole: Ingoberuurin Kamuktaindet ne Toroor, ee meng'ootetap imanda, ee tulweetap tiliilindo.
Ogeero, pwoonei peetuusyek, mwaei Kamuktaindet ne Toroor, che agooljini kootap Israel ak kootap Judah iyoteetap chii ak iyoteetap tyony.
Ogeero, pwoonei peetuusyek, mwaei Kamuktaindet ne Toroor, che kiyomisigei ak kootap Israel eng' kayomiset ne leel, ak kobooto kootap Judah;
Ogeero, pwoonei peetuusyek, mwaei Kamuktaindet ne Toroor, che tuun kiteekyine Kamuktaindet ne Toroor nganaseet kobooch teekseet ne kooi ne po Hanael agoi ormariichetap luuita.
Ogeero, ayumi icheek komong' eng' emotinwek tugul che kigaonji icheek amu nereegekyuk, ak eng' nereegekyuk che ng'woneen, ak eng' nereegek che eecheen, ak amutu icheek kogeny kobwa olito, ak agoochi komeny eng' chametapkei.
Alei piik mbareenik eng' fedhaisyek, ak kosiir paronogap kayanjinet, ak kong'ooch, ak koguur paorinik, eng' emetap Benjamin, ak eng' komoswek che mi ole neegitee Jerusalem, ak eng' nganasoogap Judah, ak eng' nganasook che mi emetap tuloonook, ak eng' nganasook che mi emet ne soi, ak eng' nganasook che mi murot tai: amu agoochini koweek eng' ole ki kiluulji, mwaei Kamuktaindet ne Toroor.
atimdoi anyun agine iyoteetap Jakobo, ak ne po Daudi otwogindennyu, kot koma lewen iyotennyi koek pounik che pou iyoteetap Abraham, Isak, ak Jakobo: amu agoochini koweek eng' ole ki kiluulji, ak ariiree icheek.
Ak ki sirchi Jeremiah bukuit yaityet tugul ne tuun nyoonjin Babilon, ng'aleechuuto tugul che ki kisir agobo Babilon.
Ak onai ole aa Kamuktaindet ne Toroor, ye amutwok obwa emetap Israel, emet ne ki aitoochi eunnyu ale agoochini kwanisyekwok.
Ak amutu komong' eng' pororyosyek, ak ayumu eng' emotinwek, ak amutu kobwa emennywa; ak abai icheek eng' tuloonoogap Israel, eng' ole neegitee kereruusyek, ak eng' komoswek tugul che ki menyei eng' emonooto.
Amu amutwok omang'une pororyosyek, ak ayumak omong'u eng' emotinwek tugul, ak amutwak obwa emeng'wong'.
Punjinok niito, kogergeit tugul; emet ne ki ayosye ale agoochini kwanisyekwok: ak kobunjook emoni koek poroteng'wong'.
Amu, ogeero, tuun ayumi pororyosyek tugul eng' peetuusyechooto, ak eng' peetuunooto, ye tuun aweech kogeny che kiga keluul che po Judah ak Jerusalem,
Ak kobunji ngeguut piik che ki ng'et che po kootap Judah; iyage akwotisyekwak olooto: eng' kooriigap Askelon koskoleny; amu rutochin Kamuktaindet ne Toroor Kamuktaindennywa, ak komut icheek kogeny eng' ole kiga kiluulji.
Amutwok eng' peetuusyechooto, ak ayumak eng' peetuusyechooto: amu ayaok onaage ak olasunage eng' kwenutap pororyosyek tugul che po ng'wony, ak tuun aweekwok poroteet ogeere, mwaei Kamuktaindet ne Toroor.
Ak ki leenji kasubikyik, Tuun pwoonei peetuusyek, che tuun omache ogeer peetuut agenge ne po Weeriitap chii, ak mogeere.
Amu tuun pwonjinin peetuusyek che teechei puuniguk irimeet koyiemin komoswek tugul, ak kogerchin ko eng' komosta age tugul,
Eng' tuguuchu ogeere, ko tuun pwoonei peetuusyek, che ma ng'etunee koita agot agenge paragutap age, ne ma tuun ki wiirchin ng'wony.
kowal anyun Kamuktaindet ne Toroor Kamuktaindeng'ung' luuleet ne ki kiluulin ak korirenen ak koweek koyumin eng' pororyosyek tugul ole ki iyestoochin Kamuktaindet ne Toroor Kamuktaindeng'ung'.
Imutyin `Kamuktaindet ne Toroor Kamuktaindeng'ung' emet ne ki po kwanisyeguk si kobunjiin ak koyaun ne myee, kotesin ichaang'itu isiir kwanisyeguk.
Amu ye kingo nyoorchi lelutik icheek, komwa kole: “Ogeero, pwoonei peetuusyek, mwaei Kiptaiyat kole, che tuun kiyomisyinige kayomiset ne leel ak kootap Israel ak kootap Judah.