JEREMIA 31:16 - BUKUIT NE TILIIL Sireet ne Dutero Kanon

¹⁶ Mwaei Kamuktaindet ne Toroor kole: Amat itee, anan iriir: amu mi melekto ne po poisyeng'ung', mwaei Kamuktaindet ne Toroor; ak pwoonei icheek kogeny eng' emetap puunyoot.

Bukuit Ne Tilil

¹⁶ Mwaei Kamuktaindet ne Toroor kole: Amat itee, anan iriir: amu mi melekto ne po poisyeng'ung', mwaei Kamuktaindet ne Toroor; ak pwoonei icheek kogeny eng' emetap puunyoot.

BUKUIT NE TILIL

¹⁶ Mwaei Jehovah ko u ni kole: Amat ite, anan irir: amu kigonin melekto eng’ boisieng’ung’, mwaei Jehovah; ak bwanei ichek kogeny eng’ emetab bunyot.

JEREMIA 31:16 Referencias Cruzadas

TAUNET 43:31

Yeityo koun togeennyi ak komong', ak kimuita si ma riir, ak ki le, “Oibu amitwogik.”

TAUNET 45:1

Ki ma imuuch Joseph anyun komuita eng' taitap piik tugul che ki tonondos eng' ole neegitee ineendet. Ki ng'at ak komwa eng' tuugeet ne oo kole, “Omaande chii tugul eng' ole ami.” Ki ma ng'et chii ne ki mi ak Joseph, ye king'aang'jigei `ineendet tupchosyekyik.

2 ATEPTAP PEETUUSYEK 15:7

Ago ogimegitu, among' kochorirenso eunekwok, amu onyooru melekto eng' poisyonikwok.”

TIENWOGIKAL 126:5

Che kolsei eng' peegap kong' ko kesei eng' poiboiyet.

TIENWOGIKAL 30:5

Tebyei nereegekyik ne matya; ichuldos chametap Kamuktaindet ne Toroor eng' sabeetap chii. Mi riirek kemout, ago piitu poiboiyet karon.

AMDOINDET 9:7

Ui oldang'ung', am amitwogiguk eng' poiboiyet, ak iee divaiguk eng' muguleldo ne paibai, amu kagocham Kamuktaindet poisyoniguk.

ISAIAH 25:8

Ki kolugui ineendet meet koigeny. Tuun ibuchi Kiptaiyat Kamuktaindet ne Toroor peegap kong' eng' togoochik tugul; ak koisto teweernatetap piikyik eng' ng'wony komugul. Amu kagomwa Kamuktaindet ne Toroor niito.

ISAIAH 30:19

Amu menyei `piik Zion eng' Jerusalem, ma iriiree kogeny. Iboorun iman myeeindo ye kas riireguk; ye kas kowolun.

ISAIAH 40:10

Ogeero, nyoonei Kiptaiyat Kamuktaindet ne Toroor ko uu ineendet ne kiim, ak kobounisyei eunnyi agobo ineendet; mi melektanyi kobooto ineendet, ak mi yaaktaennyi tainnyi.

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 30:18

Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.

JEREMIA 30:3

Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

JEREMIA 33:7

Ak agoochi Judah ak Israel koweek eng' ole kiga kiluulji, ak ateech icheek ko uu eng' tai.

EZEKIEL 37:21

Ak ileenji icheek, Mwaei Kiptaiyat Kamuktaindet ne Toroor kole: Ogeero, amutu piigap Israel komong' eng' pororyosyek, ole ki koba, ak ayum icheek eng' komosta agenge tugul, ak amutu icheek kobwa emennywa.

HOSEA 1:11

Iyumigei piigap Judah ak piigap Israel, ak kolewenjigei kandoindet agenge; ak paraitu ak konyoor keljiin eng' emonooto; amu egu peetuut ne oo peetuutap Jezreel.

1 THESSALONIKEK 4:14

Amu ngiyani keele kime Jeso ak kong'eet kogeny, ko uu nooto anyun eng' icheeget che ruitos eng' Jeso, imutu Kamuktaindet kobooto ineendet.

HEBRANIK 11:6

ak ngo ma mi kayaneet koma imugaksei kibaibai ineendet: amu ineendet ne riikyin Kamuktaindet konyaaljin koyan kole mi ineendet, ak kole igoochin melekto icheeget che cheeng'ei ineendet.

HEBRANIK 6:10

amu Kamuktaindet, koma Kamuktaindet ne ma po iman, kot koutye poisyeng'wong' ak chamyet ne ki obarte agobo kainennyi, ye ki oboisyechini che tiliileen, ak kota oboisyechini.

RUTH 2:12

Ingoyaagun Kamuktaindet ne Toroor poisyeng'ung', ingogoonin melekto ne nyiitaat Kamuktaindet ne Toroor, Kamuktaindetap Israel, ne ki inyoo imwechi kebebaikyik!”