JEREMIA 30:18 - BUKUIT NE TILIIL Sireet ne Dutero Kanon

¹⁸ Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.

Bukuit Ne Tilil

¹⁸ Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.

BUKUIT NE TILIL

¹⁸ Mwaei Jehovah ko u ni kole, Ogeero, awale kogeny luuletab emaisiekab Jakobo, ak arire meng’otosiekyik; ak keteech nganaset karaitanyi, ak kotebi gotab laitoriat ko u yeginye.

JEREMIA 30:18 Referencias Cruzadas

1 ATEPTAP PEETUUSYEK 29:1

Ki leenji `Laitoryat Daudi tuiyet tugul, “Ta ko ming'in Solomon weeriinnyu, ne ki lewen ineegei Kamuktaindet, ak kota ko etyet, ak ko oo poisyet; amu koyooto po laitoryat koma po chiito, po Kamuktaindet ne po Toroornatet.

1 ATEPTAP PEETUUSYEK 29:19

Ak igoochi weeriinnyu Solomon muguleldo ne ititaat, si koriip ng'atuutiguk, paornatosyeguk ak kaneetisyosyeguk, koyai chuuto tugul, ak koteech kootap laitoryat, ne ki achopchi tuguuchuuto.”

NEEMIA 7:4

Ki tebees anyun nganaseet ak ko paraa, ago king'ering' piik che ki mi oriit, ak ki tomo keteech kooriik.

TIENWOGIKAL 102:13

Ing'eete ak iriiree Zion, amu kagoyam keriree, ee, kagoit peetuut ne ki kichopchi.

TIENWOGIKAL 102:14

Amu poiboitu kiboitiniguk eng' koikyik, ak ko riiree temburyekyik.

TIENWOGIKAL 122:7

Ingotebee kaalyeet irimoiguk, ak ingotebee poroteet kooriguk che eecheen.

TIENWOGIKAL 48:13

Obwaat komyee irimoikyik, obwaat kooriikyik che eecheen; si kobiit omwachi ibinda ne piitu let, oleenji:

TIENWOGIKAL 48:3

Eng' kooriik che eecheen che po nganasanooto ko kigoboorgei Kamuktaindet koek ole kimwechin.

TIENWOGIKAL 78:69

Ak ki teech oldanyi ne tiliil koigei ole sutot, Koigei ng'wonyut ne kigogimiit ineendet koigeny.

TIENWOGIKAL 85:1

Ki iriree emeng'ung', inyee Kamuktaindet ne Toroor; ki iweegu Jakobo konyo eng' ole kiga luul ineendet.

ISAIAH 44:26

ne igimiti ng'olyootap otwogindennyi, ak kosuldoi kirwoogetap chechiik che kiyooktoi; ne mwaei agobo Jerusalem kole, tuun ki menyei; ak komwaei agobo nganasoogap Judah kole, tuun kiteechei, ak ang'eet komoswekyik che ki koek karatwek:

ISAIAH 44:28

ne mwaei agobo Cyrus kole, ineendet ko mestowondennyu, ak koyaei ineendet tuguuk tugul che achame: mwaei kogeny agobo Jerusalem kole, tuun kiteechei, ak komwachin Hekaluut koleenjin, Tuun kilumei lumeiyweguk.

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 29:11

Amu angen kabwaatutik che abwaati agobo okweek, mwaei Kamuktaindet ne Toroor, kabwaatutigap kaalyeet, ma che po yaityet, si agoonok kamang'unet eng' peetuusyekwok che po let.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 30:3

Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji.

JEREMIA 31:23

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ta komwaei kogeny icheek ng'aleechu eng' emetap Judah ak eng' nganasookyik, ye tuun aweech kogeny eng' ole ki kimut kole: Ingoberuurin Kamuktaindet ne Toroor, ee meng'ootetap imanda, ee tulweetap tiliilindo.

JEREMIA 31:38

Ogeero, pwoonei peetuusyek, mwaei Kamuktaindet ne Toroor, che tuun kiteekyine Kamuktaindet ne Toroor nganaseet kobooch teekseet ne kooi ne po Hanael agoi ormariichetap luuita.

JEREMIA 31:4

Ateechin kogeny ak iteegoksei, ee pergeiyatap Israel! Kilelesonin kogeny ak kobooto sugutisyeguk che mengeechen, ak iwe iurerenote kobooto icheek che igasegei.

JEREMIA 31:40

Ak koek ne tiliil eng' Kamuktaindet ne Toroor atebweet komugul ne po muuswek, ak ne po oreek, ak mbareenik tugul che itei kererutap Kidron, agoi luuita ne po ormariichetap paraisiit ne tokyingei kong'asiis; ma kitutu, anan kebut kogeny agoi.

JEREMIA 32:15

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ta kealei kogeny kooriik ak mbareenik ak mbareenigap sabibuk eng' emoni.

JEREMIA 32:44

Alei piik mbareenik eng' fedhaisyek, ak kosiir paronogap kayanjinet, ak kong'ooch, ak koguur paorinik, eng' emetap Benjamin, ak eng' komoswek che mi ole neegitee Jerusalem, ak eng' nganasoogap Judah, ak eng' nganasook che mi emetap tuloonook, ak eng' nganasook che mi emet ne soi, ak eng' nganasook che mi murot tai: amu agoochini koweek eng' ole ki kiluulji, mwaei Kamuktaindet ne Toroor.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

JEREMIA 33:7

Ak agoochi Judah ak Israel koweek eng' ole kiga kiluulji, ak ateech icheek ko uu eng' tai.

JEREMIA 46:27

Ago meiywei, ee Jakobo otwogindennyu, anan iaragen, ee Israel; amu, keero, asaruun eng' ole loo, ak asaru iyoteng'ung' eng' emet ne ki kiluulji; ak koweek Jakobo, ak komuuny ak kotebee kaalyeet, ama mi chii ne imui.

JEREMIA 49:39

Ago aweechi kogeny luulenigap Elam eng' peetuusyek che po let, mwaei Kamuktaindet ne Toroor.

JEREMIA 49:6

Ago ye ibata aweegu kogeny che kigeluul che po lagogap Ammon, mwaei Kamuktaindet ne Toroor.

EZEKIEL 36:11

ak ateswok piik ak tyong'ik; ak kotesak ak koiiyo: ak kemenyok ko uu peetuusyekwok che po tai, ak ayaiywok ne myee kosiir eng' tai: si onai ole aa Kamuktaindet ne Toroor.

AMOS 9:14

Ak amutu kogeny piikyuk Israel che kiga keluul, ak koteech nganasook che kiga koek karatwek ak komeny olooto; ak komiin mbareenigap sabibuk ak koeei divaigap mbareenichooto; ak kobatis ak koam logoegap mbareenichooto.

SEKARIA 1:12

Ki wol anyun malaikaiyatap Kamuktaindet ne Toroor kole, “Ee Kamuktaindet ne Toroor ne po lugoosyek, ta ieesyoi kot kotyanit si iriiree Jerusalem, ak nganasoogap Judah, che ki inereekyi kenyisyechu tamanwogik tisap?”

SEKARIA 1:16

Ko uu nooto mwaei Kamuktaindet ne Toroor ne po lugoosyek kole kaaweekyigei Jerusalem ariiree; ki teekyin koonnyu nganasanooto, ak kechuul porowet ne kikwaise eng' Jerusalem.’ ”

SEKARIA 12:6

Ayae eng' peetuunooto pounigap Judah koigei rokyietap maat ne mi kweenik, ak koigei kegenget ne mi kwenutap ratuutigap peek; ak kogees piik tugul che mi komoswek tugul che mi eutap tai ak che mi murot kaataam: ak komeny Jerusalem kogeny komostanyi, nooto ko Jerusalem.

SEKARIA 12:7

Sip kosaru Kamuktaindet ne Toroor emaisyegap Judah, si ma eet toroornatetap kootap Daudi ak toroornatetap piik che menyei Jerusalem, kosiir Judah.

SEKARIA 14:10

Kiwolei emet tugul koigei Arabah, kobooch Geba agoi Rimon murot tai ne po Jerusalem; ak kieeti, ak komeny oldanyi, kobooch ormariichetap Benjamin, agoi komostap ormariichet ne po tai, agoi ormariichetap luuita, kobooch teekseet ne kooi ne po Hananel, agoi komoswegap laitoryat ole kitue sabibuk.