JEREMIA 30:19 - BUKUIT NE TILIIL Sireet ne Dutero Kanon

¹⁹ Ak komang'une olooto kongoi ak kutitap icheeget che igasegei: ak ates icheek, ama kong'ering'itu; atoroori kogeny icheek, ama konyeratitu.

Bukuit Ne Tilil

¹⁹ Ak komang'une olooto kongoi ak kutitap icheeget che igasegei: ak ates icheek, ama kong'ering'itu; atoroori kogeny icheek, ama konyeratitu.

BUKUIT NE TILIL

¹⁹ Ak komong’une oloto kongoi ak kutitab icheget che igasegei: ak ates ichek, ama kong’ering’itu; atorori kogeny ichek, ama konyeratitu.

JEREMIA 30:19 Referencias Cruzadas

EZRAH 6:22

Kiboiboitu eng' poiboiyet ne oo, koboiboenji igoorto ne po magatiinik che ma kinde mermereek peetuusyek tisap, amu ki igoochi `Kamuktaindet ne Toroor icheek koboiboitu ak ki wal muguleldap laitoryatap Assyria kotokyigei icheek si kogimit icheek eng' poisyetap kootap Kamuktaindet, Kamuktaindetap Israel.

NEEMIA 8:12

Ki pa piik tugul koamis, koeiso ak koyookto kebeberwek ak koboiboitu miising' amu kiga koguiyo ng'aleek che kiga kimwachi icheek.

NEEMIA 8:17

Kiteekyigei keryosyek tuiyet tugul ne po piik che ki weeksei che kiga kiluul ak komeny keryosyechooto, amu kitom koyai piigap Israel ko uu nooto kobooch peetuusyegap Jeshua weeriitap Nun, ak ki piit poiboiyet ne oo.

TIENWOGIKAL 53:6

Kita myee nda kiga pun yetunetap Israel `Zion! Ye tuun weech Kamuktaindet ole uu piikyik, ko poiboitu anyun Jakobo; ak kogaskei Israel.

ISAIAH 12:1

Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

ISAIAH 26:15

Ki ites pororyet, ee Kamuktaindet ne Toroor, ki ites pororyet kobarait; ii ne itoroorot; ki ites kobaraitu kiwotosyek tugul che po emet.

ISAIAH 27:6

Kimitu Jakobo eng' peetuusyek che pwoonei; piitei Israel ak kong'at, ak konyiit ng'wony logoek.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 51:3

Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

ISAIAH 55:5

Keero, iguure pororyet ne mengen, ak kolabatyin pororyet ne ki ma kongenin, amu Kamuktaindet ne Toroor Kamuktaindeng'ung', ak amu Ineendet ne Tiliil ne po Israel; amu ki kotoroorin.

ISAIAH 60:19

Ma koegu asiista lapkeiyeng'ung' peet: ama kogoonin lapkeiyet kaluunetap arawet: ago egu Kamuktaindet ne Toroor lapkeiyeng'ung' ne po koigeny; ak koek Kamuktaindeng'ung' toroornateng'ung'.

ISAIAH 60:22

Egu ne ming'in eliphuut, ak koek ne ming'in pororyet ne kiim: achokyini nooto anee Kamuktaindet ne Toroor eng' peetuunnyi.

ISAIAH 60:9

Igeno iman ngeguusyek, ak sip kogeno melisyek che po Tarsis, si kobiit komut weeriiguk eng' ole loo, koibu fedhaisyekwak ak thahabusyekwak, agobo kainetap Kamuktaindet ne Toroor Kamuktaindeng'ung', ak agobo Ineendet ne Tiliil ne po Israel, amu ki kotoroorin.

JEREMIA 17:26

Ak kobwa kobunu nganasoogap Judah, ak komoswek che kiyiem Jerusalem, ak che punu emetap Benjamin, ak emet ne soi, ak che punu tuloonook, ak che punu murot tai, koibu kagoochinoik che kibeelei, ak tiseiywek, ak kagoochinoigap peek che ng'ootiin, ak tuguuk che nyamdut, ak koibu korosegap kongoi, kobwa kootap Kamuktaindet ne Toroor.

JEREMIA 3:16

Ye tuun kaotesage ochaang'itu eng' emet, eng' peetuusyechooto, mwaei Kamuktaindet ne Toroor, koma komwaei icheek kogeny kole, “Moingetap arorutyetap Kamuktaindet ne Toroor.” Ama chutei metit, ama kobwaati icheek, ama kemage kiy; ama keyaei kogeny.

JEREMIA 31:27

Ogeero, pwoonei peetuusyek, mwaei Kamuktaindet ne Toroor, che agooljini kootap Israel ak kootap Judah iyoteetap chii ak iyoteetap tyony.

JEREMIA 31:4

Ateechin kogeny ak iteegoksei, ee pergeiyatap Israel! Kilelesonin kogeny ak kobooto sugutisyeguk che mengeechen, ak iwe iurerenote kobooto icheek che igasegei.

JEREMIA 33:22

Ko uu ye ma kimuuchi kiit tuguuk che po kipsengwet, ama kimuuchi keger ng'aniegap nyanjet; atese anyun iyoteetap Daudi otwogindennyu, ak Lawiik, che poisyeiwo.

EZEKIEL 36:37

Mwaei Kiptaiyat Kamuktaindet ne Toroor kole: Teepsena anyun kootap Israel agobo niito, si kobiit ayachi; atesyini icheek piik kochang'a ko uu akweetap keechiirek.

EZEKIEL 37:10

Ki amaoten anyun ko uu ye king'ata ineendet, ak ki nyoonji icheek kabuuset, ak kisopcho, ak kotononso eng' keelyekwak, lugeet ne oo miising'.

EZEKIEL 37:26

Ak kiyomiske ak icheek kogeny eng' kayomiset ne po kaalyeet: egu eng' icheek kayomiset ne wendi agoi koigeny: ak alumde icheek, ak ates, ande oldanyu ne tiliil kwenunnywa agoi koigeny.

SEKARIA 10:8

Aititenjini icheek, ak ayum, amu ki atyach icheek: ak kotesagis ko uu ye kiga kotesagis.

SEKARIA 12:8

Riibei Kamuktaindet ne Toroor eng' peetuunooto piik che menyei Jerusalem; ak koigei ne nyalulat eng' icheek Daudi eng' peetuunooto; ak koigei kootap Daudi Kamuktaindet, ko uu malaikaiyatap Kamuktaindet ne Toroor ne mi tainnywa.

SEKARIA 2:4

ak koleenji ineendet, “Labat, ng'alaalji murenonin ileenji: Ki menyei Jerusalem ko uu ye ki menyei nganasook che mengeechen che ma tinyei irimoik, amu chaang'indap piik ak tuuga che mi.

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

JOHANA 17:22

Ak kaagoochi icheek toroornatet ne ki igoono; si kobiit koek agenge ko uu ye ki agenge acheek;

1 PETERO 1:7

si kenyoor eng' kalasunet ak toroornatet ak teegisto, tyemet ne chamaksei ne po kayaneng'wong', ne tinyei kamanuutyet ne oo kosiir ne po thahabu che petos nganda kityemei eng' maat, eng' ng'ang'et ne po Jeso Kristo: