JEREMIA 30:10 - BUKUIT NE TILIIL Sireet ne Dutero Kanon

¹⁰ Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

Bukuit Ne Tilil

¹⁰ Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

BUKUIT NE TILIL

¹⁰ Ameiywei anyun, ee Jakobo otwogindennyu, mwaei Jehovah; ametoptoben, ee Israel: amu asorun eng’ ole loo, koboto iyoteng’ung’, komong’ eng’ emet ne kiga kiluulji; ak koweek Jakobo, ak kosis, ak komuuny, ama komi chi ne imui inendet.

JEREMIA 30:10 Referencias Cruzadas

TAUNET 15:1

Ye kingo pata tuguuchu anyun koityi Abram `ng'olyootap Kamuktaindet ne Toroor eng' ng'ang'utyet koleenji, “Abram, ameiywei! Aa long'eng'ung' ak oo melektang'ung' miising'.”

ISAIAH 14:3

Ak imwa kalewenoni agobo laitoryatap Babilon eng' peetuut ne koonin Kamuktaindet ne Toroor kamuung'et eng' arageneng'ung', ak eng' nyalildang'ung', ak eng' otisyet ne uui ne ki kibirchin,

ISAIAH 35:9

Ma piitu ng'etundo eng' olooto, ama punei oranooto tyondo age tugul ne koroom, ma kinyoorchin olooto; ago punei olooto che ki kityaach.

ISAIAH 43:5

Meiywei; amu ami kobooten: amutu iyoteng'ung' eng' kong'asiis, ayumin inyoo eng' cherongo;

ISAIAH 44:1

Kas anyun nguno, ee otwogindennyu Jakobo; ak Israel ne ki alewen:

ISAIAH 44:2

Mwaei Kamuktaindet ne Toroor ne kiyain, ne kimimiin eng' moet, ne toretin, kole, meiywei, ee otwogindennyu Jakobo; ak inyee Jesurun, ne ki alewen.

ISAIAH 46:11

aguure toriityon ne amei panyeek eng' kong'asiis, aguure kirwoogindennyu kobun emet ne loo; ee, kaamwa, ak ayae kosulda; ki achop, ak ayai.

ISAIAH 46:13

Aibu imandanyu koriik, malooitu, ama igaegei yetunennyu: ak ande Zion yetunet agobo Israel ne toroornatennyu.

ISAIAH 49:12

Ogeero, punu chu ole loo: ak ogeero, punu chu murot kaataam ak cherongo; ak punu chu emetap Sinim.

ISAIAH 49:25

Ago mwaei Kamuktaindet ne Toroor kole, kirebe che kiimeen luulenikwak, ak kityaachi tugul che ki kiluulei, che po che imuisei: amu kibortosi ak ineendet ne poryenen, ak asaru lagoguk.

ISAIAH 54:4

Meiywei, amu melilani; anan itoptoben; amu ma kiteweerin, amu iutye teweernatetap ming'inateng'ung', ama ibwaati chotisyetap mosoknateng'ung'.

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 23:4

Ak ande mestoweek che iyagi: ama koiyweisyei kogeny, anan koaragenso, ama piitu chii ne rarchin kiy, mwaei Kamuktaindet ne Toroor.

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

JEREMIA 23:8

Ago, mwaei kole, ko uu ye sabei Kamuktaindet ne Toroor, ne ki imut iyoteetap kootap Israel komong' eng' emet ne po murot kaataam, ak eng' emotinwek tugul ole kigaonji icheek, ak komeny emennywa.

JEREMIA 29:11

Amu angen kabwaatutik che abwaati agobo okweek, mwaei Kamuktaindet ne Toroor, kabwaatutigap kaalyeet, ma che po yaityet, si agoonok kamang'unet eng' peetuusyekwok che po let.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 3:18

Eng' peetuusyechooto, ko tuun pendoti kootap Judah ak kootap Israel, tuun pwoonei tuwai komong' eng' emet ne po murot kaataam kobwa emet ne ki agoochi kwanisyekwok kobunji.

JEREMIA 30:3

Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji.

JEREMIA 30:7

Pwo eng' peetuunooto, peetuut ne oo ne ma mi ne kergei: peetuutap nyalilda eng' Jakobo; nga kisaru eng' nyalilato.

JEREMIA 33:16

Kisaru Judah eng' peetuusyechooto; ak komeng'iis Jerusalem eng' chametapkei; ak ni kainet ne kimwaitoe, Kamuktaindet ne Toroor ko imandanyo.

EZEKIEL 16:52

Ip inyee kobunjiin kalilaneng'ung' amu koirwookyi chepkametwogiguk; po imanda icheeget kosiirin amu tengekwogiguk che koiyai che kiwechei kosiir chooto koyai icheeget: ee, ii teweeroksei aginye, ak iip kalilaneng'ung', amu koiityi imanda chepkametwogiguk.

EZEKIEL 38:11

ak imwa ile, Atogostoi emetap nganasook che ma tinyei irimoik; awendi ole mi icheek che mi eng' kaalyeet, che meng'iisyei eng' chametapkei, meng'iisyei icheek tugul ama tinyei irimoik, ama tinyei temeleiywek anan ormariichok:

HOSEA 2:18

Eng' peetuunooto ayae arorutyet agobo icheek kobooto tyong'igap timiin ak toriitigap parak, ak tuguuk che ichuutegei ng'wony. Ak airii kwanget ak rotwetap chok, ak aiste lugeet eng' emet, ak agoochi koruiyo eng' chametapkei.

HOSEA 2:20

Achobe atunin eng' imanda; ak inai Kamuktaindet ne Toroor.

HOSEA 6:11

Ee Judah, mi kogeny kesisyet ne kigeng'atun, ye tuun amutu kogeny piikyuk che kigeluul.

JOEL 2:21

Ee emoni, ameiywei, igaskei ak ibaibaitu, amu kogoyai Kamuktaindet ne Toroor tuguuk che eecheen.

MIKAH 4:9

Amu nee anyun si iwaach? Tos metinye laitoryat, tos ki kobet chiing'ung' ne po kapkirwook, kot konamin ng'waninwek che uu che po kwondo ne machei kosigiis?

SEKARIA 3:10

Mwaei Kamuktaindet ne Toroor ne po lugoosyek, kole tuun kuurei chii age tugul eng' okweek chiitap kokwennyi, eng' peetuunooto, konyo keel keetitap sabibuk, ak ne po mogoywet.

JOHANA 12:15

“Meiywei, inyee, ee, cheptap Zion. Keero, nyoonei Laitoryandeng'ung', kobunu moitap sigiryet!”