JEREMIA 3:4 - BUKUIT NE TILIIL Sireet ne Dutero Kanon

Tos mechame iriircho kobooch nguno, ile, “Abba, ii kandoindetap ming'inatennyu?”

Bukuit Ne Tilil

Tos mechame iriircho kobooch nguno, ile, “Abba, ii kandoindetap ming'inatennyu?”

BUKUIT NE TILIL

Tos mechame irirja koboch nguno, ile, Baba, i kandoindetab ming’inatennyu?

JEREMIA 3:4 Referencias Cruzadas

TIENWOGIKAL 119:9

Itiliile nee mureno ooreennyi? Kogas iit, ko uu ng'olyoondeng'ung'.

TIENWOGIKAL 48:14

“Kamuktaindet niito ko Kamuktaindennyo koigeny ak koigeny. Egu ineendet kandoindennyo koigeny.”

TIENWOGIKAL 71:17

Ee Kamuktaindet, ki ineeta kobooch ko aa ming'in; ak ki amwaite agoi nguno poisyoniguk che po kwong'eet.

TIENWOGIKAL 71:5

Amu inyee ne ageniin, ee Kiptaiyat Kamuktaindet ne Toroor, Ii kamang'unennyu kobooch ko aa ming'in.

KALEWANAIK 1:4

Kigoochi ng'ulaatyet che perberen, kogoochi neran naet ak naet ne myee.

KALEWANAIK 2:17

ne ki kometo chamaneet ne kinerchindos tuwai, ak kobistoe kayomisetap Kamuktaindennyi.

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

JEREMIA 2:27

che leenjin subenet, “Ii abba.” Ak koleenji koita, “Ki isicha.” Amu ki kotuktocha patai, ama tokyagei. Ago mwaei eng' peetuutap nyalildanywa kole “Ng'eet ak isarwech!”

JEREMIA 3:19

Ago ki ale, “Imuktoi ano andein otebi ak lagok ak agoonin emet ne karaaran, poroteet ne myee ne po lugosyegap pororyosyek? Ki abwaati ale, oguureno ‘Abba’; ama omastoi ometa.

JEREMIA 31:22

Iombenoti kot kotyanit, ee inyee chepto ne iweechigei let? Amu ki kotoi Kamuktaindet ne Toroor koyai kiit ne leel eng' ng'wony; yiemei kwondo muren.

JEREMIA 31:9

Pwoonei koriiryonu, ak amutune saautik: agoochini kobendat eng' ole neegit ainoosyek, eng' ooreet ne litit eng' ole ma kinachi: amu aa kwanda eng' Israel, ak taaitanyu Ephraim.

HOSEA 2:15

Ak agoochi ineendet mbareenikyik che po sabibuk eng' olooto, ak ayai atebweetap Akor koek kurgeetap kamang'unet. Iyanwa eng' olooto ko uu eng' peetuusyegap ming'inatennyi, ak ko uu eng' peetuut ne ki mong'u kotogosu eng' emetap Misiri.

MALAKI 1:6

Igoochin konyit weeriit kwandanyi, ak kogonyiti otwogindet kiptaiyandennyi. Ngot ko aa kwanda anyun, komi ano teegistanyu? Ak ngot ko aa kiptaiyat, komi ano kaiyweisyet ne kiywea? Mwaiwok Kamuktaindet ne Toroor ne po lugoosyek ee tisiik, che osase kainennyu. Omwae ole ki kisaste ano kaineng'ung'?

MALAKI 2:14

Ago oteebe ole, “Amu nee si ma kotaachei?” Amu kogoek Kamuktaindet ne Toroor paoryat eng' kwenung'wong', inyee ak osotyotap ming'inateng'ung' ne ki iberber, nganda ineendet ko chamaneng'ung' ak ko osotyotap kayomisutyeng'ung'.