MALAKI 2:14 - BUKUIT NE TILIIL Sireet ne Dutero Kanon

¹⁴ Ago oteebe ole, “Amu nee si ma kotaachei?” Amu kogoek Kamuktaindet ne Toroor paoryat eng' kwenung'wong', inyee ak osotyotap ming'inateng'ung' ne ki iberber, nganda ineendet ko chamaneng'ung' ak ko osotyotap kayomisutyeng'ung'.

Bukuit Ne Tilil

¹⁴ Ago oteebe ole, “Amu nee si ma kotaachei?” Amu kogoek Kamuktaindet ne Toroor paoryat eng' kwenung'wong', inyee ak osotyotap ming'inateng'ung' ne ki iberber, nganda ineendet ko chamaneng'ung' ak ko osotyotap kayomisutyeng'ung'.

BUKUIT NE TILIL

¹⁴ Ago, omwae ole, Kalya? Amu kogoek Jehovah baoriat eng’ kwenung’wong’, inye ak osotiotab ming’inateng’ung’, ne kiiberber, nganda, inendet ko chamaneng’ung’, ak ko osotiotab kayomisutieng’ung’.

MALAKI 2:14 Referencias Cruzadas

TAUNET 2:18

Yeityo komwa Kamuktaindet ne po Toroornatet kole, “Ma myee kotebi chii ineegei; ayachini ne toreti ne kergei ak ineendet.”

TAUNET 31:50

Ngot ko tuun ius tiibiikyuk, anan ngot ko tuun itun kwonyiik alak isyone tiibiikyuk, nga ma mi chii kwenunnyoo, ko paoryat Kamuktaindet eng' kwenunnyoo, inyee ak anee.”

KALEWANAIK 2:17

ne ki kometo chamaneet ne kinerchindos tuwai, ak kobistoe kayomisetap Kamuktaindennyi.

KALEWANAIK 30:20

Uu ni atebeetap kwondo ne tinyei ibeetapkei: amisyei ak kouus kutit, ak komwa kole, “Ma ayai kiy ne ya.”

KALEWANAIK 5:20

Weeriinnyu, amu nee si ibaibaegei chepkugoniot, ak isuup tegetap chepkugoniot?

AMDOINDET 9:9

Otebi eng' poiboiyet ak osotyot ne ichame, peetuusyek tugul che po sabeeng'ung' ne po puch, che kigoonin ineendet eng' kurereetap asiista, peetuusyeguk tugul che po puch: amu kebebertang'ung' nooto kotee isabe ak eng' poisyeng'ung' ne iyaei eng' kurereetap asiista.

TYENDO NE SIIREI TUGUL 1:15

Keero, ii karaaran miising' inyee chamanennyu; keero, itinye itoon; uu konyeguk che po cheptugenik.

ISAIAH 54:6

Amu kigoguurin Kamuktaindet ne Toroor ko uu osotyot ne kigebagaakta, ne ki kigoochi koaragen eng' muguleldanyi, osotyot neta ko ming'in, ye kagion, mwaei Kamuktaindeng'ung'.

ISAIAH 58:3

Mwaei icheek kole, amu nee si kirugutige, amegeere? Amu nee si kinyalil acheek saboonwekyok, amemage kiy? Ogeero, onyooru poiboiyeng'wong' eng' peetuutap karuguteng'wong' pogei, ak omage piik tugul che poisyewok tuguuk che siirtoot.

JEREMIA 29:23

amu ki koyai perberyo eng' Israel, ak koyai ibeetapkei ak osotigap piigap kokwennywa, ak ki komwa ng'aleek che po lembech eng' kainennyu, che ki ma ang'at icheek; ak ko aneendet ne angen, ak ko aa paoryat, mwaei Kamuktaindet ne Toroor.

JEREMIA 42:5

Ki mwachi anyun `icheek Jeremiah koleenji, ingoek Kamuktaindet ne Toroor paoryat ne po iman ak ko ne kiyani eng' kwenunnyo, ngot koma ki yai ko uu ng'olyoot age tugul ne kaiyogunenen Kamuktaindet ne Toroor Kamuktaindeng'ung' iibwech.

JEREMIA 8:12

Tos ki ililanso ye kingo yai tuguuk che kiwechei? Achicha, ma ililanso agot kitigin, ama walogis togoochikwak. Tuun ibutos anyun icheeget kobooto chooto ki ibutyo. Tuun ki wiirtoi icheek eng' peetuut ne kibirei, mwaei Kamuktaindet ne Toroor.”

JEREMIA 9:2

Kata myee nda katinye eng' surkwen ole ruei kipruitoinik, si kobiit abagaakta piikyuk ak awechigei! Amu icheeget tugul koyaei ibeetapkei, ak ko tuiyetap piik che iberberisyei.

EZEKIEL 16:8

Ak kinga pun ye imi, ageerin, keero, peetuusyeguk ko ki po peetuusyegap chamyet; ak ki atugunen ngoryennyu ak atuch aach ngoryeeng'ung': ee, ki ayosyeun, ak ki koyomiske ak inyee, mwaei Kiptaiyat Kamuktaindet ne Toroor, ak ki ibunjo.

MIKAH 1:2

Ogas okweek pororyosyek, okweek tugul, oepchi iit, ee ng'wony, ak tugul che mi olooto: ak ingoek Kiptaiyat Kamuktaindet ne Toroor paoryat eng' okweek, Kiptaiyat ne mi hekalunnyi ne tiliil.

MALAKI 2:15

Tos ki ma yaak Kamuktaindet okweek tuwai oegu poorto agenge ak oegu saboondo agenge? Amu nee si koek agenge? Ki cheeng'ei iyoteet ne iywei Kamuktaindet. Oriip anyun mugulelwekwok, amat koberber chii osotyotap ming'inatennyi.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

MALAKI 3:8

Tos chorei chii Kamuktaindet? Ago ochoora. Ago oteebe ole, “Ki kichoorten ano?” Ki ochor kebeberwegap taman ak kagoochinoik.

KIRUOGIK 11:10

Ak ki leenji poisyegap Gilead Jephta, “Egu Kamuktaindet ne Toroor paoryat eng' kwenunnyo, kiyae iman ko uu ng'olyoondeng'ung'.”

1 SAMUEL 12:5

Kowolji Samuel kole, “Paoryat Kamuktaindet ne Toroor agobo okweek, ak paoryat nenyi ne ki kiil eng' peetuuni, keele ma onyooru kiy eng' eunnyu.” Kowol piik kole, “Paoryat ineendet.”