HOSEA 2:15 - BUKUIT NE TILIIL Sireet ne Dutero Kanon

¹⁵ Ak agoochi ineendet mbareenikyik che po sabibuk eng' olooto, ak ayai atebweetap Akor koek kurgeetap kamang'unet. Iyanwa eng' olooto ko uu eng' peetuusyegap ming'inatennyi, ak ko uu eng' peetuut ne ki mong'u kotogosu eng' emetap Misiri.

Bukuit Ne Tilil

¹⁵ Ak agoochi ineendet mbareenikyik che po sabibuk eng' olooto, ak ayai atebweetap Akor koek kurgeetap kamang'unet. Iyanwa eng' olooto ko uu eng' peetuusyegap ming'inatennyi, ak ko uu eng' peetuut ne ki mong'u kotogosu eng' emetap Misiri.

BUKUIT NE TILIL

¹⁵ Ak agochi inendet mbarenikyik che bo sabibuk eng’ oloto, ak agochi inendet atebwetab Akor, koek kurgetab kamang’unet; ak koyanwa eng’ oloto, ko u eng’ betusiekab ming’inatennyi, ak ko u eng’ betut ne kimong’u kotogosu eng’ emetab Misri.

HOSEA 2:15 Referencias Cruzadas

1 LAITORINIK 16:31

Ki keer ineendet ko ki it ne ming'in kowendote tengekwogigap Jeroboam weeriitap Nebat ak kwo anyun kotun Jesebel cheptap Etbaal laitoryatap Sidonik, ak kwo koot Baal ak kogutung'ji.

TIENWOGIKAL 106:12

Ki iyan anyun ng'aleekyik; ki tyen kalasunennyi.

TIENWOGIKAL 129:1

“Kigonyaliila icheek konyil che chaang' kobooch ko aa ming'in” Ingomwa Israel nguno kole,

ISAIAH 65:10

Ak koek Saron piutap akwotisyegap keechiirek, ak koek atebweetap Akor ole ruiye akwotisyek, amu piikyuk che ki kocheeng'a.

ISAIAH 65:21

Ak koteech kooriik, ak komeny; ak komiin sabibuk eng' mbareenik, ak koam logoekwak.

JEREMIA 2:1

Ki nyoonjo ng'olyootap Kamuktaindet ne Toroor, koleenjo,

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

JEREMIA 29:11

Amu angen kabwaatutik che abwaati agobo okweek, mwaei Kamuktaindet ne Toroor, kabwaatutigap kaalyeet, ma che po yaityet, si agoonok kamang'unet eng' peetuusyekwok che po let.

JEREMIA 3:4

Tos mechame iriircho kobooch nguno, ile, “Abba, ii kandoindetap ming'inatennyu?”

JEREMIA 32:15

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ta kealei kogeny kooriik ak mbareenik ak mbareenigap sabibuk eng' emoni.

RIREKAB JEREMIA 3:21

Ago abwaati niito, ak ko uu nooto atinye anyun kamang'unet ale:

EZEKIEL 16:22

Ama ibwaat eng' tuguuguk tugul che kiwechei, ak eng' kugoinatosyeguk, peetuusyegap ming'inateng'ung', ye ki imi puch aach ngor, ak ki ikwarkwarane korotiguk.

EZEKIEL 16:60

Nganda uu nooto, abwaati kayomiset ne ki kiyomiske ak inyee eng' peetuusyegap ming'inateng'ung', ak agimiitun kayomiset ne po koigeny.

EZEKIEL 16:8

Ak kinga pun ye imi, ageerin, keero, peetuusyeguk ko ki po peetuusyegap chamyet; ak ki atugunen ngoryennyu ak atuch aach ngoryeeng'ung': ee, ki ayosyeun, ak ki koyomiske ak inyee, mwaei Kiptaiyat Kamuktaindet ne Toroor, ak ki ibunjo.

EZEKIEL 28:25

Mwaei Kiptaiyat Kamuktaindet ne Toroor kole: Ye tuun kaayum kootap Israel komang'une pororyosyek ole kiga kiyestoochi, ak aegu ne itabaanat eng' icheek eng' taitap pororyosyek, komeny anyun emennywa ne ki agoochi otwogindennyu Jakobo.

EZEKIEL 28:26

Ak komeny olooto eng' chametapkei; ee teechei kooriik, ak komiin sabibuk, ak komeng'iis eng' chametapkei; ye tuun kaarwookyi icheek tugul che sasei icheek che mi komoswekwak tugul; si konai kole aa Kamuktaindet ne Toroor Kamuktaindennywa.

HOSEA 11:1

Ki achame Israel kota ko ming'in, ak ki aguur weeriinnyu komong' eng' Misiri.

HOSEA 12:13

Ak ki imoong' Kamuktaindet ne Toroor Israel eng' emetap Misiri eng' maotyot, ak kiriiboot maotyot ineendet.

HOSEA 12:9

Ago aa Kamuktaindet ne Toroor Kamuktaindeng'ung' kobooch emetap Misiri; taagoonin kogeny imeny emaisyek, ko uu eng' peetuusyegap igoorto ne ki king'at.

HOSEA 13:4

Ago, aa Kamuktaindet ne Toroor Kamuktaindeng'ung' kobooch emetap Misiri: amecheeng'jigei kamuktain ne teer, kobatena aneege, ama mi yetindet age kobatena.

HOSEA 2:12

Ang'eme keetiikyik che po sabibuk ak mogoonikyik, che mwaei koleen, “Chu ko tuguuk che ki alena chamanikyuk.” Ayae tuguuchooto koek timiin, ak koam tyong'igap timiin.

AMOS 9:14

Ak amutu kogeny piikyuk Israel che kiga keluul, ak koteech nganasook che kiga koek karatwek ak komeny olooto; ak komiin mbareenigap sabibuk ak koeei divaigap mbareenichooto; ak kobatis ak koam logoegap mbareenichooto.

SEKARIA 9:12

Oweekyigei irimeet, ee okweek kimonjororinik che otinye kamang'unet; agot rani amwae ale, ageerun konyil aeng'.

KAITOSYEK 21:17

Kityen anyun Yahudik tyeni: “Kuutu peek, ee keriingoni! Otyenji!

JOHANA 10:9

Aa kurgeet: ngwo chii age tugul ko ne puna anee, kesaru, ak kwo ko, ak komanda saang', ak konyoor ole kiyage.

POISYONIGAP CHE KIYOKTOI 14:27

Kingo kagobwa, koyum kaniset komugul ak komwachi tuguuk tugul che kiga koyai Kamuktaindet eng' icheek, ak ole kiga koyatyindo Pororyosyek kurgeet ne po kayaneet.

JOSHUA 7:26

Ki iruruuch koik eng' paragunnyi ak mi koichooto agoi ra. Ki istogei anyun nereegek eng' Kamuktaindet ne Toroor. Ki kiguure anyun yooto atebweetap Akor agoi ra.

KIRUOGIK 8:34

Ak ma ibwaat piigap Israel Kamuktaindet ne Toroor Kamuktaindennywa, ne ki sar icheek eng' eunegap puunikwak tugul che ki mi komosta age tugul.