JEREMIA 3:3 - BUKUIT NE TILIIL Sireet ne Dutero Kanon

³ Kigeger anyun ropta amu nooto, si mata kobiit ropta ne po let, ago itinye togeetap chepkugoniot ak ieesyoi ililan.

Bukuit Ne Tilil

³ Kigeger anyun ropta amu nooto, si mata kobiit ropta ne po let, ago itinye togeetap chepkugoniot ak ieesyoi ililan.

BUKUIT NE TILIL

³ Kigeger anyun ropta amu noto, si mata kobiit ropta ne bo let; ago itinye togetab chepkugoniot, ak iesioi ililan.

JEREMIA 3:3 Referencias Cruzadas

TAUNET 19:34

Eng' peetuut ne ki isubi nooto, koleenji ne oo ne ming'in, “Keero, ko ki ruiye lagat ak abba. Nginage kogeny kumik kemouni po ra si iwe aginye oruiye tuwai, si keriip iyoteet.”

NEEMIA 9:17

Ki eesyo icheek kogas iit, amata kobwaat kwang'utiguk che ki iyai eng' kwenunnywa, ago ki iuiit kaatinnywa. Eng' ngelelnatennywa kogilewen kiptaiyannywa komut icheek koweekyigei otwoknateet eng' Misiri. Ago ii Kamuktaindet ne ichoboot inyochi kaat, ii myee ak itinye riirge, ii Kamuktaindet ne ma sip konereechi, ak itinye rireenet ne oo, ama imete icheek.

KALEWANAIK 21:29

Iuuiiti togeennyi chiito ne ya, ago chobei ortinwekyik chiito ne po iman.

ISAIAH 5:6

Ametoi keng'em, si ma kesabori ama kesemberi; ago piitos katook che rutei piich ak che toorei piich. Ang'ate kogeny poolik si mata korobonji.”

JEREMIA 14:1

Ki nyoonji Jeremiah ng'olyootap Kamuktaindet ne Toroor agobo kemeut.

JEREMIA 14:22

Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.

JEREMIA 14:3

Iyooktoi piikwak che taagunotiin kiboitiinikwak koba ole mi peek: pendi agoi keriingonik, ama nyooru peek. Weeksei kiboitiinik puch ak tereenikwak; kolililandos, kotoptobendos ak kogatuch metowekwak eng' arageneet.

JEREMIA 14:4

Ililandos che ibatisye ak kotuchei metowekwak, amu emet ne ki kobetak, ak amu ki ma kota komi ropta emet.

JEREMIA 36:2

nam bukuit ne mamanat, isirchi ng'aleek tugul che koamwaun agobo Israel, ak agobo Judah, ak agobo pororyosyek tugul, kobooch peetuut ne ki ang'alaalun, kobooch peetuusyegap Josiah, agoi peetuuni.

JEREMIA 5:24

Ama mwaei eng' mugulelwekwak koleen, ongiywei Kamuktaindet ne Toroor Kamuktaindennyo, ne koonu ropta ne po tai ak ne po let eng' peetuusyekyik, ineendet ne riibwech wigisyek che ki king'at che po kesisyet.

JEREMIA 5:25

Ki kowal tengekwogikwok tuguuchuuto, ak ki koetenak tengekwogikwok myeeindo.

JEREMIA 5:3

Ee Kamuktaindet ne Toroor, tos ma keerei konyeguk imanit? Ki ibir icheek, ago ma aragenso, ki igeesu icheek, ago ki eesyo kotaach katigonet. Ki iuit icheek togoochikwak kosiir rwandet, ki eesyo koweekyingei.

JEREMIA 6:15

Tos ki ililanso ye kingo yai tuguuk che kiwechei? Achicha, ma ililanso agot kitigin, ama walogis togoochikwak. Ibutos anyun kobooto icheeget che ibutos, tuun ki wiirtoi eng' peetuut ne anyoonjini icheek abire, mwaei Kamuktaindet ne Toroor.

JEREMIA 8:12

Tos ki ililanso ye kingo yai tuguuk che kiwechei? Achicha, ma ililanso agot kitigin, ama walogis togoochikwak. Tuun ibutos anyun icheeget kobooto chooto ki ibutyo. Tuun ki wiirtoi icheek eng' peetuut ne kibirei, mwaei Kamuktaindet ne Toroor.”

JEREMIA 9:12

Ak ateebee aleen, Tos ng'oo chiito ne utaat ne imuuchi koguiyo niito? Ak ng'oo ineendet ne ki ng'alaalji kutitap Kamuktaindet ne Toroor, si kobiit komwaita? Amu nee anyun si kong'emak emet ak kolal ko uu surkwen, kot koma kobunei chii?

EZEKIEL 3:7

Ago ma kasin kootap Israel; amu ma machei icheek kogasa; amu uueen metowo ago uueen mugulelwok koot tugul ne po Israel.

ATEPTAP LAWIK 26:19

Airie anyun menoteetap kimnateng'ung', ak ayai kipsengwet neng'wong' koigei karnet ak koigei emeng'wong' sugunwet.

AMOS 4:7

Ak ki aeetenak kogeny ropta, ye ki tomo arawek somogu si koit kesisyet. Ki agoochi korobonji nganaseet age, ak aeete ropta nganaseet age. Kirobonji komosta ne ming'in, ak ki yaam komosta ne ma robonji.

AMOS 4:8

Koombeniot anyun nganasook aeng'u anan ko somok koba nganaseet age si koe peek, ago ma yam; ago tomo oweekyage, mwaei Kamuktaindet ne Toroor.

SEPANIA 2:1

Oyumgei, ee, oyumgei, ee pororyet ne ma tinyei kalilanet;

SEPANIA 3:5

Po iman Kamuktaindet ne Toroor ne mi kwenunnyi; ma yaei tengekto; iboortoi kirwoogennyi karonet age tugul, yaei kosulda; ago ma ililandos piik che ma po iman.

HAGGAI 1:11

Ak ki ang'at kobiit kemeut eng' emet ak eng' tuloonook, eng' peek ak eng' divaik, eng' mwanik ak eng' tuguuk che piitos eng' ng'wony, eng' piik ak eng' tuuga, ak eng' poisyonik tugul che po eunek.”

NG'ATUTIK 28:23

Yamei ko aiegeitu sugunwet kipsengwet ne mi paragung'ung' ak kogergeitu ak karnet ng'wony ne ityeche.

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet: