JEREMIA 3:2 - BUKUIT NE TILIIL Sireet ne Dutero Kanon

² Onyal parak ak ogeer tuloonook che churyotin. Tos mi ano komoswek che tomo oruiye tuwai? Ki igen icheek eng' ortinwek taban, ko uu Arabuindet eng' surkwen, ak ki imurwon emet eng' kugoinateng'ung' ak eng' sogornateng'ung'.

Bukuit Ne Tilil

² Onyal parak ak ogeer tuloonook che churyotin. Tos mi ano komoswek che tomo oruiye tuwai? Ki igen icheek eng' ortinwek taban, ko uu Arabuindet eng' surkwen, ak ki imurwon emet eng' kugoinateng'ung' ak eng' sogornateng'ung'.

BUKUIT NE TILIL

² Onyal barak ak ogeer tulonok che churiotin; mi ano komoswek che tom oruiye tuwai? Kiigen ichek eng’ ortinwek taban, ko u Marabuindet eng’ ong’atet; ak kiimuruon emet eng’ kugoinateng’ung’ ak eng’ sogornateng’ung’.

JEREMIA 3:2 Referencias Cruzadas

TAUNET 38:14

Ki ireek anyun ngoroikyik che po mosoknateet, ak ki ilaach ngoryeet ne kooi, kotugegei, ak kotaegei ngoryonooto, ak ki tebee ormariichetap nganaseet ne kiguure Enaim, ne mi ooreet ne wendi Timnah. Ki keer kole ki koeet Shelah, ak ma kigoochi ineendet kotun.

1 LAITORINIK 11:3

Ki tinyei osotik pogol tisap, che ki tiibiigap pounik, chebaigeinik pogol somok. Ki imaas osotichooto muguleldanyi.

2 LAITORINIK 23:13

Ki ing'wanit laitoryat komoswek che torooreen che ki mi taitap Jerusalem, che ki mi eutap tai ne po tulweetap ng'emisyet, ne kiga teekyi Solomon laitoryatap Israel Astoret ne kiwechei ne po Sidonik, kobooto Kemos ne kiwechei ne po Moab, ak Milkom ne kiwechei ne po lagogap Ammon.

TIENWOGIKAL 106:38

Kitumda korotiik che ma tinyei tengek, korotiigap weeriikwak ak tiibiikwak, che ki igoochi kanamonigap Kanaan koek tiseiywek; ak ki king'wanit emet eng' korotiik.

KALEWANAIK 23:28

Ee saptoi ko uu rebindet, ak kotesei kaberberik eng' piik.

KALEWANAIK 7:11

Polin ak ko ngelelyo, ma tononi eng' koonnyi:

JEREMIA 12:12

Katogosta piik che luulsei koba tuloonook tugul che churyotin eng' surkwen. Amu parisyei rotwetap chok ne po Kamuktaindet ne Toroor kobooch tabanda age ne po emet, agoi tabanda age. Ara ma mi chii ne tinyei kaalyeet.

JEREMIA 2:20

Amu ki airii choging'ung' eng' peetuusyek che po keny, ak ang'etii anooguk ak ki imwa ile, “Maotin,” amu ki ing'uruuge eng' tulweet age tugul ne kooi ak eng' keetit age tugul ne tuon, iyae kugoinatet.

JEREMIA 2:23

Imuktoi ano anyun ile, “Ma aa murwoon, ma asup Baalik”? Keer oreng'ung' eng' atebweet, nai kiit ne kaiyai. Ii moitap tambeesyet ne chepchep ne isubi ortinwekyik,

JEREMIA 2:7

Ki amutwak obwa emet ne chaang' amitwogik, si kobiit oam logoekyik ak myeeindonyi; ago kingo it emonooto, ong'wanit emennyu, ak oyai porotennyu koek kiit ne kiwechei.

JEREMIA 3:1

Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

JEREMIA 3:13

Ng'aany tengektong'ung' kityo; ile ki ingelelji Kamuktaindet ne Toroor Kamuktaindeng'ung' ak ki iseerchi toek ortinweguk eng' kelutap keetit age tugul ne tuon ak ma ogasa iit kutinnyu, mwaei Kamuktaindet ne Toroor.

JEREMIA 3:21

Kigasei waagaat eng' tuloonook che churyotin, riirek ak soomutigap piigap Israel; amu ki komaas ooreenywa, kigoutye Kamuktaindet ne Toroor Kamuktaindennywa.

JEREMIA 3:9

Ee iman, ki komurwon emet eng' kugoinatennyi ne po tangoi, ko uu ye ki ipkei ak koik ak subenik.

JEREMIA 7:29

Ee Jerusalem, icheru suumeeguk anyun, ak iwiirte, rirate eng' tuloonook che churyotin, amu kaesyok ak ametook anee Kamuktaindet ne Toroor, okweek ibini ko kogoono nereegek.

EZEKIEL 16:16

Ak ki ip ngoroiguk ak iyachigei komoswek che torooreen che ki ilelesane saleiywek che teerchiin, ak iyae chooto kugoinatet: ma kobiitu tuguuk che uu chooto, ama ko yaaksei ko uu nooto.

EZEKIEL 20:28

Amu ye kinga muutu icheek kobwa emet, ne ki aitoochi eunnyu agoochi, kogeer tulweet age tugul ne kooi, ak keetit age tugul ne nyigiis, ak ki igoito eng' olooto korosekwak, ak ki igoito eng' olooto kagoochinoikwak che po tagisyet, kibeelei kogeny nyamdutikwak, ak koroong'ji olooto kagoochinoikwak che kieei.

HOSEA 2:5

Amu ki yaei kamet kugoinatet; ki yai teweernateet ineendet ne ki manachi icheek. Amu ki mwa kole, asuboti chamanikyuk, che koono amitwogikyuk ak peekyuk, koroorikyuk che po keechiirek ak mabuteekyuk, mwanikyuk ak tuguuk che aee.

LUKA 16:23

Ak ye ki mi ye mi che ki kobek konyal parak, komi nyalilda ne oo, kogeer Abraham komi ole loo, komi Lazaro tegeennyi.

NG'ATUTIK 12:2

Ong'em anyun ak owong'u oldinwek tugul ole kioote kanamonikwak pororyosyek che oluule. Ong'em oldinwek chooto tugul che mi tuloonook che kooen, che mi legemosyek ak che mi keetiik che tuonen keel.