Chutei Kamuktaindet ne Toroor kirwooget, korwookyin poisyegap piikyik ak pounigap piikyik: koleenji, okweek che ki oam mbareetap sabibuk; mi kooriikwok parunenigap kibananook.
JEREMIA 12:10 - BUKUIT NE TILIIL Sireet ne Dutero Kanon Kigong'em mbareennyu ne po sabibuk mestoweek che chaang', ki kotyegat kebebertanyu, ki koyai kebebertanyu ne karaaran koek surkwen ne ma mi kiy. Bukuit Ne Tilil Kigong'em mbareennyu ne po sabibuk mestoweek che chaang', ki kotyegat kebebertanyu, ki koyai kebebertanyu ne karaaran koek surkwen ne ma mi kiy. BUKUIT NE TILIL Kigong’em mbarennyu ne bo sabibuk mestowek che chang’, kigotiegat kebebertanyu, kigoyai kebebertanyu ne kararan koek ong’atet ne mami kiy. |
Chutei Kamuktaindet ne Toroor kirwooget, korwookyin poisyegap piikyik ak pounigap piikyik: koleenji, okweek che ki oam mbareetap sabibuk; mi kooriikwok parunenigap kibananook.
Amurwoni anyun pounik che po ole-tiliil, ak ayae Jakobo koek ne chuboot, ak ayae Israel koek ne kisasei.
Pwo eng' mestoweek che ng'emei ak koyestoi keechiiregap akweennyu! Mwaei Kamuktaindet ne Toroor.
Ak kosiisyo piusyek che po kaalyeet amu nereegek che koroomen che po Kamuktaindet ne Toroor.
Ki kometo ole ung'egei, ko uu ng'etundo: amu ki koek emennywa ne kikwong'ee amu koroomnatetap rotwetap chok ne usiisyei, ak amu nereegekyik che koroomen.
ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.
Ago ki ale, “Imuktoi ano andein otebi ak lagok ak agoonin emet ne karaaran, poroteet ne myee ne po lugosyegap pororyosyek? Ki abwaati ale, oguureno ‘Abba’; ama omastoi ometa.
kobwa anyun neganaset oriit pounik tugul che po laitoryatap Babilon, ak kotebee ormariichet ne po kween, chooto ko Nergal-sareser, Samgar-ne po, Sarsekim, Rap-saris, Nergal-saresar, Reb-mag, kobooto pounik tugul alak che ki ng'et che po laitoryatap Babilon.
Pwaanjin ineendet mestoweek ak keechiirekwak; teechei emaisyekwak koyieme ineendet, ak iyagisye age tugul komostanyi.
Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.
Ee, weeriitap chii, maoten agobo mestowegap Israel, maoten, ak ileenji mestowechooto, Mwaei Kiptaiyat Kamuktaindet ne Toroor kole: Pwo! Mestowegap Israel che paegei amitwogik icheegei! Tos ma nyooljin mestoweek kobai keechiirek?
ago aiyestoi icheek eng' kipchurchuryet eng' pororyosyek tugul che ki tomo konai. Ki ek anyun emet karaatya eng' let, kot ko mata kobun chii yooto anan koweegegei: amu ki igoochi emet ne ki karaaran koguber.
Ago pagakte, amat ikwa seremut ne miitei Hekaluut saang'; amu ki kigoochi Pororyosyek: ak kotyechei eng' keelyekwak nganaseet ne tiliil eng' arawek artam ak aeng'.