JEREMIA 25:9 - BUKUIT NE TILIIL Sireet ne Dutero Kanon

⁹ ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

Bukuit Ne Tilil

⁹ ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

BUKUIT NE TILIL

⁹ ogeero, ayoktoi kenam bikab ortinwek tugul che bo murot ne bo katam, mwaei Jehovah, koboto Nebukadresar, laitoriatab Babulon, otwogindennyu, ak amutu ichek kobokyi emoni, ak bik che menyei olito, ak bororiosiechu tugul che mi komoswechuto; ak ang’em ichek, agesu, ak ayai koek kwong’et, ak ne kirenyei, ak karotwek betusiek tugul.

JEREMIA 25:9 Referencias Cruzadas

2 LAITORINIK 24:2

Ki iyookyi `Kamuktaindet ne Toroor ineendet lugosyegap Kaldeik, piigap Syria, Moabik, ak che po lagogap Ammon. Ki iyookto icheek koba kobar Judah, ko uu ng'olyootap Kamuktaindet ne Toroor ne ki mwa eng' otwogikyik maotik.

2 ATEPTAP PEETUUSYEK 29:8

Ki nyoonji anyun nereegegap `Kamuktaindet ne Toroor Judah ak Jerusalem, ak ki igoito icheek ketoortaat koba komosi ak komosi, koek kwang'utyet, ak koek che kireenyei ko uu ye ogeere eng' konyekwok.

2 ATEPTAP PEETUUSYEK 36:21

si kosulda ng'olyootap Kamuktaindet ne Toroor ne ki mwa eng' kutitap Jeremiah, agoi kogasegei emet sabatoisyekyik: amu ki riip sabatoisyekyik eng' peetuusyechooto ki ma komenyei chii, kot kosulda kenyiisyek tamanwogik tisap.

KALEWANAIK 21:1

Uu ainoosyek muguleldap laitoryat eng' eutap Kamuktaindet ne Toroor; imuti kotokyigei oldo tugul ole machei.

ISAIAH 10:5

Pwo eng' Assyria, kirokto ne po nereegekyuk, kirokto ne po ineendet ne mi nereegekyuk eunnyi!

ISAIAH 13:3

Koang'at piikyuk che itabaanatiin, koaguur piikyuk che nyigoonen agobo nereegekyuk, chechuuget che igasegei etunatennyu.

ISAIAH 39:7

Ak komuti alak eng' weeriiguk che mong'unenen, che isiche; ak koba koek icheek kiptainik eng' kootap laitoryatap Babilon.

ISAIAH 44:28

ne mwaei agobo Cyrus kole, ineendet ko mestowondennyu, ak koyaei ineendet tuguuk tugul che achame: mwaei kogeny agobo Jerusalem kole, tuun kiteechei, ak komwachin Hekaluut koleenjin, Tuun kilumei lumeiyweguk.

JEREMIA 1:14

Yeityo koleenjo Kamuktaindet ne Toroor, “Mang'une yaityet murot kaataam, konyonjin piik tugul che po emet.”

JEREMIA 1:15

Keero, aguure ortinwek tugul che po pounatosyegap murot kaataam, mwaei Kamuktaindet ne Toroor, ak kobwa ak konde age tugul ng'echerennyi ne po laitornatet ye kimandoe eng' ormariichogap Jerusalem, ak kotokyigei irimoikyik tugul ak kotokyigei nganasook tugul che po Judah.

JEREMIA 10:22

Ogaso! Kigasei ng'aleek kobwanei, ak kirgirenet ne oo komang'une emetap murot kaataam, si kobiit koyai nganasoogap Judah koek karaatya, ole menyei lelwek.

JEREMIA 12:14

Mwaei Kamuktaindet ne Toroor ng'aleechooto agobo piik tugul che kiptengeginik che po kokwennyu, che twaei poroteet ne ki agoochi piikyuk Israel konam kobunji, kole: “Ogeero, atutu icheek eng' emennywa ak atutu kootap Judah komong' eng' kwenunnywa.”

JEREMIA 18:16

si koyai emennywa koek kwong'eet, ak koek ne kireenyei kotugul; kwong'ee age tugul ne siirtoi eng' yooto, ak kolelechi metinnyi.

JEREMIA 2:15

Kigoborisenji `ng'etuunyik ineendet, ak komororso miising'. Kigong'em emennyi koek karaatya, ki kebeel nganasookyik, ak ma komenyei chii.

JEREMIA 20:4

Amu mwaei Kamuktaindet ne Toroor kole, keero, ayain iegu kamuiset ne imuege, ak ne imue choronoguk tugul: ak kobar icheek puunikwak eng' rotwetap chok, ak igeer nooto: ak agoite Judah tugul koba eutap laitoryatap Babilon, ak koluul icheek koba Babilon, ak kobare rotwetap chok.

JEREMIA 24:9

agoitoi icheek koek che ki wiirchin komosi ak komosi eng' pounatosyek tugul che po ng'wony si konyoor taiyet; koek teweernateet, ak kalewenet, chotisyet ak sasisyet, eng' komoswek tugul ole aoonjini icheek.

JEREMIA 25:8

Kamwa anyun Kamuktaindet ne Toroor ne po lugoosyek kole: Amu ma ogas ng'aleekyuk,

JEREMIA 29:18

Ak asube icheek rotwetap chok, ak rubeet, ak koroito, ak agoite icheek kewiirchi komosi ak komosi eng' pounatosyek tugul che po ng'wony, si koek che chubootiin ak che kikwong'ee, che kireenyei ak che kiteweeri, eng' pororyosyek tugul che ki aoonji;

JEREMIA 35:11

Ago ye ki nyo Nebukadresar laitoryatap Babilon emoni, ko ki kile, Obwa keebe Jerusalem amu kiyweei lugeetap Kaldeik ak lugeetap piigap Syria; kemeny anyun Jerusalem.

JEREMIA 36:2

nam bukuit ne mamanat, isirchi ng'aleek tugul che koamwaun agobo Israel, ak agobo Judah, ak agobo pororyosyek tugul, kobooch peetuut ne ki ang'alaalun, kobooch peetuusyegap Josiah, agoi peetuuni.

JEREMIA 36:29

Ak imwa agobo Jehoiakim laitoryatap Judah ile, Mwaei Kamuktaindet ne Toroor kole: Ki ibeel bukuinooto, ile, Amu nee si isir, ile, Nyoonei laitoryatap Babilon iman kong'emei emoni, ak kowong' eng' olito chii ak tyony?

JEREMIA 4:7

Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

JEREMIA 40:2

Ki nam anyun kiptaiyatap riibiik Jeremiah, ak koleenji, ki mwa Kamuktaindet ne Toroor Kamuktaindeng'ung' yaityoni agobo olito;

JEREMIA 43:10

ak ileenji icheek, Mwaei Kamuktaindet ne Toroor ne po lugoosyek, Kamuktaindetap Israel, kole: Ogeero, ayooktoi kimut Nebukadresar laitoryatap Babilon, otwogindennyu, ak ande ng'echerennyi ne po laitornatet paragutap koichu kaauny; ak koiitae paragutap koichooto emainnyi ne po laitornatet.

JEREMIA 46:20

Rooryat ne karaaran miising' Misiri; ago kagonyo ng'emisyet ne punu murot kaataam, kagonyo.

JEREMIA 49:19

Ogeero, togosu ineendet ko uu ng'etundo kobunu Jordan ko kanyi peek miising' kobargei ak meng'ooteet ne kiim: ago achee, aoone komwei ineendet; ak age tugul ne kileweni, agoochini koboi ineendet: amu ng'oo ne kegerge? Ak ng'oo ne ng'atwa peetuut? Ak ng'oo mestowot ne tononi eng' tainnyu?

JEREMIA 6:1

Omwei osaruge, okweek lagogap Benjamin, omong'u eng' Jerusalem ak oguut iryageet eng' Tekoa; onamji parak kitap kaboorunet eng' Beth-hakerem. Amu itu yaityet eng' murot kaataam ak ng'emisyet ne oo.

JEREMIA 8:16

Kigasei eng' Dan waagaatap seruunegap paraisisyekyik. Potani emet komugul amu cheetap kateetap chechiik che kiimeen, amu kagobwa ak kagoam emet kobooto tuguuk tugul che kami, nganaseet kobooto che menyei oriit.

EZEKIEL 12:20

Ak king'emei nganasook che ki menyei, ak koguber emet; si onai ole aa Kamuktaindet ne Toroor.

EZEKIEL 16:40

Ak komutun kogeny tuiyet kobookyin, ak kolagenen koik, ak kotoorin eng' rotonikwak po chok.

EZEKIEL 21:11

Ak ki kigon si kobiit kesit, si kimuuch kenam: kilitei rotwetap chok, ee, kisitei, si kobiit kinde eutap parindet.

EZEKIEL 26:7

Amu mwaei anyun Kiptaiyat Kamuktaindet ne Toroor kole: Ogeero, amuti Nebukadresar laitoryatap Babilon, ineendet laitoryatap laitorinik, kobookyi Tyro, kobunu murot kaataam, kobooto paraisisyek, ak kariisyekyik che po lugeet, ak piik che ketei paraisisyek, ak kweanet, ak piik che chaang'.

EZEKIEL 36:5

mwaei anyun Kiptaiyat Kamuktaindet ne Toroor kole: Ki amwa iman eng' maatap ng'etkondanyu agobo pororyosyek che ng'etunotiin, ak agobo Edom tugul, che kiityigei emennyu kole kobunji eng' poiboiyetap mugulelwekwak tugul, eng' koroomnatetap saboondo, si kogoito keluul:

HABAKUK 1:12

Tos, me po koigeny, inyee, ee Kamuktaindet ne Toroor Kamuktaindennyu, Ineendet ne Tiliil ne nenyu? Ma kibegu. Ee Kamuktaindet ne Toroor, ki ichopchi ineendet kirwooget; ak ee inyee rwandet, ki igimit ineendet si kobiit kitigon.

HABAKUK 1:17

Tos tumdoi anyun tuguuk che mi regereiywondennyi, ama pagaktoi ineendet kobar pororyosyek kotugul?

NG'ATUTIK 28:37

Ak iegu kwang'utyet, kalewenet ak atindyot, eng' kwenutap piik tugul ole imutyinin Kamuktaindet ne Toroor.