SEKARIA 7:14 - BUKUIT NE TILIIL Sireet ne Dutero Kanon

¹⁴ ago aiyestoi icheek eng' kipchurchuryet eng' pororyosyek tugul che ki tomo konai. Ki ek anyun emet karaatya eng' let, kot ko mata kobun chii yooto anan koweegegei: amu ki igoochi emet ne ki karaaran koguber.

Bukuit Ne Tilil

¹⁴ ago aiyestoi icheek eng' kipchurchuryet eng' pororyosyek tugul che ki tomo konai. Ki ek anyun emet karaatya eng' let, kot ko mata kobun chii yooto anan koweegegei: amu ki igoochi emet ne ki karaaran koguber.

BUKUIT NE TILIL

¹⁴ ago aiyestoi ichek eng’ kipchurjuriet eng’ bororiosiek tugul che kitomo konai. Kiek anyun emet karatia eng’ let, kot ko mata kobun chi yoto anan koweegegei: amu kiigochi emet ne ki kararan koguber.

SEKARIA 7:14 Referencias Cruzadas

2 ATEPTAP PEETUUSYEK 36:21

si kosulda ng'olyootap Kamuktaindet ne Toroor ne ki mwa eng' kutitap Jeremiah, agoi kogasegei emet sabatoisyekyik: amu ki riip sabatoisyekyik eng' peetuusyechooto ki ma komenyei chii, kot kosulda kenyiisyek tamanwogik tisap.

TIENWOGIKAL 58:9

Kotom kogas tereenikwok maatap katok, Istoi ineendet icheek eng' kipchurchuryet, che tuonen ak che laldos kogergeit.

ISAIAH 17:13

Ruaei pororyosyek ko uu rwaetap peek che chaang', ago kerei kong' ineendet icheek, ak komwei kolooegitu. Ak keon ko uu meteteek che ibei usoonet eng' tuloonook, ak ko uu ye arureni temburyek eng' kipchurchuryet.

ISAIAH 21:1

Maonateet agobo ong'ateet ne po nyanjet. Ko uu ye ibuksei kipchurchuryet ne punu murot tai, kobunu kapookyinindet ko uu nooto surkwen, punu emetap kamuiset.

ISAIAH 60:15

Ak ko uu ye kiga kebagaakten, ak kewechin, kot ko ki ma kota komi chii ne kibunei kwenung'ung', ayain anyun iegu telunateet ne po koigeny, poiboiyetap ibinwek che chaang'.

ISAIAH 66:15

Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

JEREMIA 12:10

Kigong'em mbareennyu ne po sabibuk mestoweek che chaang', ki kotyegat kebebertanyu, ki koyai kebebertanyu ne karaaran koek surkwen ne ma mi kiy.

JEREMIA 23:19

Ogeero, kagomong' kipchurchuryetap Kamuktaindet ne Toroor, nooto nereegekyik che koroomen, ee, kipchurchuryet ne usei kot: kwerei metowegap kiptengeginik.

JEREMIA 30:23

Ogeero, kagomong' kipchurchuryetap Kamuktaindet ne Toroor, nooto ko nereeknatennyi ne koroom, ee kipchurchuryet ne usei kot: kwerei metowegap kiptengeginik.

JEREMIA 36:19

Yeityo komwachi pounik Baruk, koleenji, ui unygei, inyee ak Jeremiah; among' konai chii ole omi.

JEREMIA 44:6

Kirong'kei anyun nereegekyuk che ng'woneen, ak kong'waanityi nganasoogap Judah ak eng' ortinwek che po Jerusalem; ak ki koek karatwek ak kigoguber ko uu kiit ne uu peetuusyechu.

JEREMIA 5:15

Ee kootap Israel, mwaei Kamuktaindet ne Toroor, amutwok pororyet ne punu ole loo, pororyet ne kiim, pororyet ne po keny miising', pororyet ne mongen kutinnyi, amoguitosi kiit ne mwaei.

JEREMIA 52:30

Eng' kenyiitap tiptem ak somok ne po Nebukadresar komut Nubusaraden kiptaiyatap riibiik, piik pogolwogik tisap ak artam ak muut che po Yahudik: ki ek piik tugul eliphuusyek ang'wan ak pogol lo.

EZEKIEL 12:19

ak ileenji piigap emet, Mwaei Kiptaiyat Kamuktaindet ne Toroor agobo piik che menyei Jerusalem, ak che po emetap Israel kole: Kendoi amitwogikwak, ak koeei peekwak eng' kwong'eet, si koek karaatya emennyi eng' tuguuk tugul che mi, amu koroomnatetap piik tugul che menyei olooto.

EZEKIEL 22:15

Ak aseerchin pororyosyek, ak ayestochin emotinwek; ak ageesu simdang'ung'.

EZEKIEL 5:10

Amei anyun kwanisyek weeriik eng' kwenung'ung', ak koam weeriik kwanisyekwak; ak ayai kirwoogutik eng' inyee, ak aseer piik tugul che ng'etu eng' okweek, aseerchi usoonaik tugul.

HOSEA 9:17

Oone Kamuktaindennyu icheek, amu ki ma kas iit ineendet: ak koek piik che ombenioti eng' pororyosyek.

JOEL 2:3

Amisyei maat eng' tainnywa; ak lalei liplibenetap maat eng' let. Eng' tainnywa ko uu emet mbareetap Eden, ak kagoek surkwen kityo ole po let; ak ma piitu ne kachilile icheek.

ATEPTAP LAWIK 26:22

Ayoogu tyong'ik che po timiin kobwa kwenung'wong', che pwoonei korebenok lagokwok ak kobar tuukwok; ak koyaak ong'ering'itu ak koek kipkuberet ortinwekwok.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

AMOS 1:14

Ara anaami maat eng' irimeetap Rabbah, ak kobeel irimosyekyik che po laitoryat, kobooto waagaat eng' peetuutap pooryeet, kobooto usoonet ne oo eng' peetuutap kipchurchuryet.

NAHUM 1:3

Ma sip konereechi Kamuktaindet ne Toroor, tinyei kimnateet ne oo ama pagaktoi kiptengekyot age tugul. Tinyei Kamuktaindet ne Toroor ooreennyi eng' kipchurchuryet ak eng' usoonet ne oo, ak poolik ko temburyegap keelyekyik.

HABAKUK 3:14

Ki toore `kiplitokyik kandoindetap piikyik che po lugeet: Ki pwa ko uu kipchurchuryet kole koseera: Ki uu poiboindanywa che amei kibananook eng' ung'oot.

SEPANIA 3:6

Ki abar pororyosyek; Ki kong'emogis irimoikwak che torooreen; ki abut ortinwekwak kot koma kobunei chii: Ki kong'emogis nganasookwak kot koma komi chii, kot koma komi chii ne menyei.

SEKARIA 2:6

Mwaei Kamuktaindet ne Toroor kole “Eiye, eiye! Omwei eng' emetap murot kaataam, amu ki aseerak ko uu usoonaik ang'wan che po kipsengwet.

SEKARIA 8:1

Ki nyoonjo ng'olyootap Kamuktaindet ne Toroor ne po lugoosyek koleenjo,

SEKARIA 9:14

Ak kotook Kamuktaindet ne Toroor eng' paragunnywa, ak kwo ne kipchabennyi ko uu kalyeleet; ak koguut Kiptaiyat Kamuktaindet ne Toroor iryageet, ak kwo kobooto kipchurchurinik che po murot tai.

NG'ATUTIK 28:33

“Amei pororyet ne mengen logoegap emeng'ung' ak poisyoniguk tugul. Kinyaliilin ak ketyekyinin ng'wony kotugul,

NG'ATUTIK 28:49

“Imutun Kamuktaindet ne Toroor pororyet ne punu ole loo eng' tabandap ng'wony ne megase ng'aleekwak konyo ko uu ye tirireni kipsiichit inyoo koboryenen

NG'ATUTIK 28:64

Ak koiyestak Kamuktaindet ne Toroor obe pororyosyek tugul, kobooch tabanda age ne po ng'wony agoi tabanda age. Iote kanamonik eng' olooto che po keetiik ak che po koik, che mengen inyee anan kwanisyeguk.

NG'ATUTIK 4:27

Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.