ISAIAH 3:14 - BUKUIT NE TILIIL Sireet ne Dutero Kanon

¹⁴ Chutei Kamuktaindet ne Toroor kirwooget, korwookyin poisyegap piikyik ak pounigap piikyik: koleenji, okweek che ki oam mbareetap sabibuk; mi kooriikwok parunenigap kibananook.

Bukuit Ne Tilil

¹⁴ Chutei Kamuktaindet ne Toroor kirwooget, korwookyin poisyegap piikyik ak pounigap piikyik: koleenji, okweek che ki oam mbareetap sabibuk; mi kooriikwok parunenigap kibananook.

BUKUIT NE TILIL

¹⁴ Chutei Jehovah kiruoget, koruokyin boisiekab bikyik, ak bounikab bikyik: ak kolenji, Okwek che kioam mbaretab sabibuk; mi gorikwok barunenikab kibananok.

ISAIAH 3:14 Referencias Cruzadas

Kitabuutap JOB 22:4

Tos kerin kong' amu kaiyweisyet ne iywei ineendet, kot obe tuwai kirwooget?

Kitabuutap JOB 24:14

Ng'eetei rumiindet ko kaeech kobar kibananook ak che ma tinyei kiy, ak uu ineendet choorindet kemoi.

Kitabuutap JOB 24:9

Mi che ng'use kinaik che ma tinyei kwanisyek, ak konamei tuguugap kibananook agobo pesendo.

Kitabuutap JOB 34:23

Amu ma nyooljin ineendet kota kobwaat chiito, kole nyoljin kwo taitap Kamuktaindet eng' kirwooget.

TIENWOGIKAL 10:9

saptoi eng' ole ung'aat ko uu ng'etundo eng' kebenennyi; sapchin kole si konam kibananook; namei kibananiat eng' mestennyi ak kochuut.

TIENWOGIKAL 14:4

Ma tinyei kaguiyet yaigap tengekto? Amei piikyuk ko uu ye amei amitwogik, ama kuurei Kamuktaindet ne Toroor.

TIENWOGIKAL 143:2

Amerwookyi otwogindeng'ung'; amu ma mi chii ne sabei ne kiityin imanda eng' taing'ung'.

KALEWANAIK 30:14

Miitei ibinda che uu keleekwak rotoogap chok, ak ko uu keleekwak che po kipkermet, rotonik, si koame kibananook kogeskei eng' ng'wony, ak koges che ma tinyei kiy eng' piik.

ISAIAH 10:1

Pwo eng' icheek che ng'atei ng'atuutik che ma po iman, ak eng' icheek che sirei kamaaset,

ISAIAH 10:2

kobeet ne nyalili eng' kirwooget, ak korebe imanit kibananogap piikyuk, si kobiit koek mosoogik parunenikwak, ak si kobiit koluul che ma tinyei sigiik!

ISAIAH 11:4

ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

ISAIAH 14:30

Ak koamis kiboretook che po kibananook, ak koruiyo eng' chametapkei che ma tinyei kiy; ak abare rubeet tigityondeng'ung', ak kebar cheguuk che ng'etu.

ISAIAH 26:6

Kityechei; tyechei kibananiat, ak ne ma tinyei kiy.

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

ISAIAH 30:12

Mwaei anyun Ineendet ne Tiliil ne po Israel ko uu ni, kole, Amu osase ng'olyoondoni, ak omang'u sastaet ak kamaaset, ak otiegei chooto;

ISAIAH 5:7

Mbareetap sabibuk ne po Kamuktaindet ne Toroor ne po lugoosyek ko kootap Israel, ak keetinnyi ne iboiboi ineendet ko piigap Judah. Ki igen kirwooget, ago ki keer tumdaetap korotiik; ki igen imanda, ago ki kas riirek.

ISAIAH 58:4

Ogeero, orugutige agobo pooryeet ak suryet, ak olugisye yaityet: morugutige eng' peetuuni si kegas kuting'wong' eng' ole po parak.

JEREMIA 12:10

Kigong'em mbareennyu ne po sabibuk mestoweek che chaang', ki kotyegat kebebertanyu, ki koyai kebebertanyu ne karaaran koek surkwen ne ma mi kiy.

JEREMIA 5:27

Ko uu kitonget ne nyiitaat toriitik, ko uu nooto nyiitootiin kooriikwak ng'aalseet. Ki eegitu ak koek anyun mogoreek amu nooto,

EZEKIEL 18:12

ne ki koyachi ne ya kibananiat ak ne ma tinyei kiy, ne ki korebis eng' koroomnateet, ne tomo koweekta kiit ne ki kiname pesendo, ak ki kotokyi konyekyik kanamonik, ne ki koyai kiit ne kiwechei,

EZEKIEL 20:35

ak amutwak obwa surkwen ne po pororyosyek, ak agerak kong' kimni eng' olooto.

EZEKIEL 20:36

Ko uu ye ki agere kong' kwanisyekwok eng' surkwen ne po emetap Misiri, agerok kong' anyun ko uu nooto, mwaei Kiptaiyat Kamuktaindet ne Toroor.

ATEPTAP LAWIK 25:14

Ngialdochi kiy chiitap kokweng'ung' anan ngial kiy eng' chiitap kokweng'ung', ko matoyachigei ne ya, okweegei eng' okweegei.

ATEPTAP LAWIK 25:17

Ago amoyachigei ne ya, okweegei eng' okweegei; ago iywei Kamuktaindeng'ung'. Amu aa Kamuktaindet ne Toroor Kamuktaindeng'wong'.

AMOS 2:7

Ityorchin metowegap kibananook temburyegap ng'wony, ak komaas ortinwegap che talaen, ak koba kwanda ak weeriinnyi koipkei ak chepto agenge, si kong'waniit kainennyu ne tiliil.

AMOS 4:1

Ogas ng'olyoondoni, okweek tuugap Bashan, che miitei tulweetap Samaria, che sastoe kibananook, che tyekyin ng'wony che ma tinyei kiy, che leenjin kiptainikwak, “Oibu, kee!”

MIKAH 2:1

Pwo eng' icheek che chobei tengekto ak kotilei eng' itogusyekwak ole yaitoi yaityet! Ye kagoeech koyaei, amu tinyei kimnateet koyai.

MIKAH 2:2

Kasei myat mbareenik, ak korep; kobooto kooriik, ak koip: ak kous chiito kobooto koonnyi, chiito kobooto tuguukyik.

MIKAH 3:3

che amei kogeny panyeegap piikyuk; ak koenyei irirenikwak, ak koiri kawekwak: ee, tonatoni, ko uu che kindo tereet, ak ko uu panyeek che kiyoi eng' saburyet.

MIKAH 6:10

Tos ta komi konoraik che po yaityet eng' kootap kiptengekyot, ak kerutyet ne ichuchugat ne kiwechei?

MATAYO 21:33

“Ogas kalewenet age: ki mi chiito age ne ki tinyei koot, ne kiminji sabibuk mbareet, ak kong'oot, ak kobal keriinget ole kiruruung'e logoek, ak koteech koot ne kooi. Kimanakyi meek ak kwo emet age.

JAKOBO 2:6

Ago kaosas kibananiat. Tos ma inyalilok mogoreek, ak kochuutok obe kapkirwoogutik?