JEREMIA 11:13 - BUKUIT NE TILIIL Sireet ne Dutero Kanon Amu ko uu ole tee koitetap nganasoguk, ko uu nooto kanamoniguk, ee Judah. Ak ko uu ole tee koitetap ortinwegap Jerusalem, ko uu nooto ki olumde kapkorosusyegap kiit ne kililane, kapkorosusyek che kibeeljine Baal nyamdutik. Bukuit Ne Tilil Amu ko uu ole tee koitetap nganasoguk, ko uu nooto kanamoniguk, ee Judah. Ak ko uu ole tee koitetap ortinwegap Jerusalem, ko uu nooto ki olumde kapkorosusyegap kiit ne kililane, kapkorosusyek che kibeeljine Baal nyamdutik. BUKUIT NE TILIL Amu ko u ole te koitetab nganasoguk, ko u noto kanamoniguk, ee Juda; ak ko u ole te koitetab ortinwekab Jerusalem, ko u noto kiolumde kapkorosusiekab kit ne kililane, kapkorosusiek che kibeeljine Baal nyamdutik. |
Ki ing'wanit laitoryat komoswek che torooreen che ki mi taitap Jerusalem, che ki mi eutap tai ne po tulweetap ng'emisyet, ne kiga teekyi Solomon laitoryatap Israel Astoret ne kiwechei ne po Sidonik, kobooto Kemos ne kiwechei ne po Moab, ak Milkom ne kiwechei ne po lagogap Ammon.
Ak ki yai komoswek che torooreen eng' nganaseet age tugul ne po Judah, si kobeeljine nyamdutik kamuktaik, ak kotach Kamuktaindet ne Toroor, Kamuktaindetap kwanisyekyik, konereech.
Amu kagomwa Kamuktaindet ne Toroor ne po lugoosyek, ne kiminin, yaityet agobo inyee, amu yaityetap kootap Israel ak ne po kootap Judah, che ki koyachigei kotacha anereech amu ki igoochi Baal nyamdutik.
Ki kisire lelutiktap Judah kalamitap karnet kobooto ng'atibindap koita ne ui; ki kimolji mugulelwekwak ak eng' kimnateet ne po kuinoigap kapkorosusyekwak;
Amu kigoutyeno piikyuk, ki kobeelji nyamdutik tuguuk che ma tilei kiy; ak ki konach icheek eng' ortinwekwak, eng' ortinwek che po keny, si kobunoot ortinwek che mi taban, eng' ooreet ne ma ki yai;
Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;
ak ki koteekyi Baal komoswek che torooreen, si kobeel weeriikwak, koek kagoochinoik che kibeelei, kogoochin Baal; kiit ne ki ma ang'at, anan amwa, anan konyoonjo met:
Mi ano kanamonik, che ki iyachigei? Ingong'eetyo icheek, ngot komuuchi kosaruun eng' peetuusyegap nyalildang'ung'. Amu ko uu ole tee koitetap nganasoguk, ko uu nooto kanamoniguk, ee Judah.
Ago kiit ne po kalilanet ko kigoam poisyonigap kwanisyekyok kobooch ming'inatennyo, kobooto keechiirekwak, akwotisyekwak, weeriikwak ak tiibiikwak.
Ongeruiye eng' kalilanennyo ak ingotuchech teweernatennyo. Amu kigeyachi tengekto Kamuktaindet ne Toroor Kamuktaindennyo, acheek ak kwanisyekyok kobooch ming'inatennyo agoi peetuuni; ak ma ki kas iit kutitap Kamuktaindet ne Toroor Kamuktaindennyo.
Ak ki teech komoswek che torooreen che po Baal, che mi atebweetap weeriitap Hinom, si kogoito weeriikwak ak tiibiikwak kobun maat kogoochi Molek; ne ki ma ang'at, ama kuura met, ale si kobiit koyai kii kiwechei; ak kogoochi Judah koyai tengekto.
Tos ki ma ibwaat `Kamuktaindet ne Toroor icheek ama chut metinnyi, nyamdutik che ki obeele eng' nganasoogap Judah, ak eng' ortinwek che po Jerusalem, okweek ak kwanisyekwok, laitorinikwok, ak pounikwok, ak piigap emet,
Ago ma kas, anan koep iit si kobiit koweek kometo yaityennywa, si mata kobeelji nyamdutik kamuktaik che teer.
Ageesu kogeny eng' Moab, mwaei Kamuktaindet ne Toroor, ineendet ne igoitoi koroseek eng' ole toroor, ak ineendet ne peeljin nyamdutik kanamonikyik.
Tos nyolu ochoorsei, orumisyei, oyaei ibeetapkei, oyosye eng' lembech, obeelji nyamdutik Baal ak osubote kamuktaik che teer che mongen,
Israel ko keetitap sabibuk ne tuneni kot, ne yiei logoekyik: ki kotes ineendet kapkorosusyekyik ko uu ole tee chaang'indap logoekyik; ki koyai icheek tolochik che korooron ko uu ole tee karaaranindap emennyi.
Tos mi tengek Gilead? Puch piikwak tugul; enyei kiruugik eng' Gilgal: kapkorosusyekwak ko uu koik che kagiruruuch eng' mbar ne ibatat.
Ki ageer ale uu Israel sabibuk eng' surkwen; ki ageer kwanisyekwok ale uu tongoaniatap mogoywet eng' kenyinnyi ne po tai: ago ki pwanji Baal-peor, kotabaanjigei kioto samis, ak koek icheek kiit ne kiwechei ko uu kioto ki chamei icheek.