JEREMIA 3:25 - BUKUIT NE TILIIL Sireet ne Dutero Kanon

²⁵ Ongeruiye eng' kalilanennyo ak ingotuchech teweernatennyo. Amu kigeyachi tengekto Kamuktaindet ne Toroor Kamuktaindennyo, acheek ak kwanisyekyok kobooch ming'inatennyo agoi peetuuni; ak ma ki kas iit kutitap Kamuktaindet ne Toroor Kamuktaindennyo.

Bukuit Ne Tilil

²⁵ Ongeruiye eng' kalilanennyo ak ingotuchech teweernatennyo. Amu kigeyachi tengekto Kamuktaindet ne Toroor Kamuktaindennyo, acheek ak kwanisyekyok kobooch ming'inatennyo agoi peetuuni; ak ma ki kas iit kutitap Kamuktaindet ne Toroor Kamuktaindennyo.

BUKUIT NE TILIL

²⁵ Ongeruiye eng’ kalilanennyo, ak ingotuchech tewernatennyo: amu kigeyachi tengekto Jehovah Kamuktaindennyo, achek ak kwanisiekyok, koboch ming’inatennyo agoi betuni: ama kigas it kutitab Jehovah Kamuktaindennyo.

JEREMIA 3:25 Referencias Cruzadas

TIENWOGIKAL 106:6

Kigechalwogense kobooto kwanisyekyok, ki keyai tengekto, ki keyai ne ya kot.

TIENWOGIKAL 106:7

Ma iguiyo kwanisyekyok kwang'utiguk eng' Misiri; ma ibwaat chaang'indap rireenosyeguk; ago ki ingelelji Ne Toroor Miising' eng' ye neegit nyanjet, nooto Nyanjet ne Piriir.

TIENWOGIKAL 109:29

Ingilaakyi teweernateet puunikyuk, ak ingotugegei icheegei teweernatennywa ko uu ngoryeet ne kiturturi.

KALEWANAIK 13:18

Nyooru pananda ak teweernateet ineendet ne eesyoi katigonet, ago nyooru teegisto ineendet ne epchin iit kereetap kong'.

KALEWANAIK 5:13

Ama agas iit kaneetikyuk, ama epchi iit piik che ki ineeta.

ISAIAH 48:8

Ee, kitom igas, ee kitom inai; ee kitom koyaatak iting'ung': amu ki angen ale iyae kaberberisyet ne oo, ak ki kiguurenen pistoindet kobooch imi moo.

ISAIAH 50:11

Ogeero, okweek tugul che olaali maat, che ogermenegei kegenganik: obunote liplibenetap mang'wong', ak eng' kwenutap kegenganik che kaolaal. Onyooru niito kobunu eunnyu; oruitosi eng' arageneet.

JEREMIA 11:13

Amu ko uu ole tee koitetap nganasoguk, ko uu nooto kanamoniguk, ee Judah. Ak ko uu ole tee koitetap ortinwegap Jerusalem, ko uu nooto ki olumde kapkorosusyegap kiit ne kililane, kapkorosusyek che kibeeljine Baal nyamdutik.

JEREMIA 12:13

Ki kool `icheek nganuuk ak kagoges katook; kibirtogei ama kelji kiy. Ililandos icheek amu logoekwak, ak amu nereegek che ng'woneen che po Kamuktaindet ne Toroor.

JEREMIA 14:20

Ee Kamuktaindet ne Toroor, king'aanye tengektonyo, ak yaityetap kwanisyekyok, amu kigeyaun tengekto.

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

JEREMIA 2:17

Tos ki ma icheeng'jige niito, amu ki imete Kamuktaindet ne Toroor Kamuktaindeng'ung', ye ki imutin eng' ooreet?

JEREMIA 2:19

Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

JEREMIA 2:26

Ko uu ye ililani choriindet ko kaginyoor, ko uu nooto ililani kootap Israel. Ililoni icheeget, laitorinikwak ak pounikwak, tisiikwak ak maotikwak,

JEREMIA 20:18

Amu nee anyun si among' eng' moo, si ageer pirtoetapkei ak arageneet, kot kogeskei peetuusyekyuk eng' kalilanet?

JEREMIA 22:21

Ki ang'alaalun eng' peetuusyegap poroteng'ung'; ago ki imwa ile, “Ma kase.” Ki koek piteeng'ung' niito kobooch ming'inateng'ung', ile, megase iit kutinnyu.

JEREMIA 3:13

Ng'aany tengektong'ung' kityo; ile ki ingelelji Kamuktaindet ne Toroor Kamuktaindeng'ung' ak ki iseerchi toek ortinweguk eng' kelutap keetit age tugul ne tuon ak ma ogasa iit kutinnyu, mwaei Kamuktaindet ne Toroor.

JEREMIA 31:19

Ki asigu iman ko ki awelelage; ak ki arabach kubestanyu ko kagineta: Ki alilan, ee ki atoptoben, amu ki aiboti teweernatetap ming'inatennyu.

JEREMIA 6:26

Ee cheptap piikyuk, kermenegei kuniok, ak iburburegei oreek. Itee ko uu ye kitee agobo weeriit ne ki kisich ineegei, kateet ne ng'waan miising'; amu ng'emindet konyonjinech kocheeu.

JEREMIA 7:19

Tos tachei ng'oo pichooto konereech? Tos anee? Mwaei Kamuktaindet ne Toroor. Tos matachegei icheegei, si kogoochigei kalilanet eng' togoochikwak?

JEREMIA 8:14

Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

JEREMIA 9:18

Ingochok ak kooteeiyo agobo acheek, si kobiit koba peekyok po kong' ak korong'kei peek eng' konyekyok.

RIREKAB JEREMIA 5:16

Ki kobut kuutweet eng' metowekyok; pwo eng' acheek amu ki keyai tengek.

RIREKAB JEREMIA 5:7

Ki yai tengek kwanisyekyok ak ma komi; ang'ni anyun kigegesen tengekwogikwak.

EZEKIEL 2:3

Kimwaiwo koleenjo, Ee, weeriitap chii, kayookten iwe emetap piigap Israel, ye mi pororyosyek che ngelelik, che ki kongelelja; ki kongelelja icheek kobooto kwanisyekwak agoi peetuuni.

EZEKIEL 36:32

Ma yae niito amu okweek, mwaei Kiptaiyat Kamuktaindet ne Toroor, ingonaak ng'olyoondoni eng' okweek: olilanse, ak otoptobense amu ortinwekwok, ee kootap Israel.

EZEKIEL 44:13

Ama riikyino, si koyaiywo poisyetap tisiindet, anan koriikyi tuguukyuk che tiliileen alak tugul, koriikyi tuguuk che tiliileen miising': ago ibei kalilanennywa, kobooto tuguukwak che kiwechei che ki koyai.

EZEKIEL 7:18

Kermenegei kogeny kuniok, ak kotuch icheek kamuiset; ak kolilaanso tugul, ak konam icheek tugul pooswek.

HOSEA 9:10

Ki ageer ale uu Israel sabibuk eng' surkwen; ki ageer kwanisyekwok ale uu tongoaniatap mogoywet eng' kenyinnyi ne po tai: ago ki pwanji Baal-peor, kotabaanjigei kioto samis, ak koek icheek kiit ne kiwechei ko uu kioto ki chamei icheek.

SEPANIA 1:17

Ak aipchi piik pichiindo, kot kobendat ko uu piik che koryotiin, amu ki koyachi Kamuktaindet ne Toroor tengekto: ak ketumda korotiikwak ko uu temburyek, ak keraanda poorwekwak ko uu ng'atateek.

ROMANIK 6:21

Ki otinye logoek nee eng' peetuusyechooto eng' tuguuk che olilane nguno? Amu kagesunetap tuguuchooto ko meet.

KIRUOGIK 2:2

Eng' kebebertang'wong' ko mat oyai arorut ak piik che menyei emoni. Obut kapkorosusyekwak.’ Ago ma ogas iit kutinnyu. Nee ni ka oyai?